كيف تعتنى بعيونك 2015

[قمر الخليج]

أولاً هنقول شوية نصاااائح هيااا أهم من العلاج ذات نفسو لإن حتى لو عالجتي الهالات و معرفتيش السبب او الحاجة الي عملتيهااا غلط وضرت عنيكي هتستمري في كدا وترجع المشكلة تتكرر تااني

- شرب 8 أكواب يومياً عالاقل بتأخر التجاعيد وتقلل الخطوط تحت العين وهتنور الوش وتفرق في مظهر البشرة وأظن دي حاجة مش مكلفة أبداااا ومع ذلك بنهملهااا

-الشمس يا جماعة بتدمر المنطقة دي بتعمل هالات و خطوط يعني تعجل بظهور التجاعيد في المنطقة دي فلازم نجيب نضارة شمس أصلية عشاااان منرجعش نندم ونصرف بلاوي عالتجاعيد والخطوط

-نخلي بالنااااا ان الميك أب بتاع العيون ميفضلش فترة طويلة عالجفن ومننامش بيه مطلقاً لازم نجيب نوع كويس لازالة الميك أب زي بايوديرما ووتر وجونسون و بالرااحة مش نفضل ندعك في المنطقة لحد ما نكسر بإيدينا الشعيرات الدموية الرقيقة الي موجودة تحت الجلد في المنطقة دي ونرجع نشتكي

- منستخدمش أي قطرااات او مراهم للعين بدون استشاارة الطبيب دي

- لما نعمل ماااسكااات او نحط كريم للوجه منقربش أبداً الكريم من العين طالما الكريم مش مخصص للعين ف إوعي تقربيه من عنيكي لإن منطقة العين دي رقيقة ومش أي حاجة ينفع تتحط عليهااااا

-تجنبي القراااءة أو الكتاااابة في ضوء خافت عشاان متتعبيش عنيكي بالتركيز الشديد ودااا يعجل بظهور الخطوط تحت العين والتجااعيد

-الماااسكرا يا جماعة متفضلش عالعين أبدااا لحد اليوم الي بعدو لازم تتشااال عشاان منرجعش نشتكي ونقول رموشي بتقع وضعيفة

مســـــــــــــاج العين :


فايدته إيه ؟

بيساعد على تنشيط الدورة الدموية في المنطقة دي و الجلد يكون فيه حيوية ويؤخر من الشيخوخة

طيب التدليك دا بيتم إزاااي ؟

أكيد مش بطريقة عشواااائية طريقته انك بإصبع السبابة تبدئي من الزاوية الخارجية للعين بحركة خفيفة وتتهجي ناحية الأنف ولما توصلي للزاوية الداخلية من العين الي هيا ناحية الانف تحركي صباعك فوق الجفن الى الخاااارج
المسااج دااا مهم جداً بالذااات للي فوق ال 35 سنة عشان زي ما قلت بيأخر ظهور التجااعيد في الفترة الي بيقل فيها إنتاج الكولاجين والإيلاستين

بالطريقة الي في الصورة دي هيا الصورة بتوضح مساج الوش كلو بس يهمني منها دلوقتي منطقة العين :



طيب نعمل المسااج بإيه ؟.

ممكن يتعمل من غير أي حاجة خالص
وممكن تستخدمي زيوت بتفتح المنطقة دي زي زيت اللوز الحلو بس رااعي انو ميجيش تحت العين مبااشرة لا تستخدميه على عضمة الخد تحت العين وعضمة الحاجب فوق العين

طيب هنتكلم دلوقتي عن المشكلات وحدة وحدة وحلهااا :
أولاً : الهالات السودااء :

ايه الاسبااب ؟

- التعرض الزائد لأشعة الشمس أو التعرض للشمس من غير وقااية

-المنهباااات

-السهر وقلة النوم

-الضغوط النفسية والتوتر العصبي

- الإمســـاك ودا سبب رئيسي في ظهورها

-الأنيميا ،،، الانتفااخات وسوء الهضم

- الحمل

- العنف في التعامل مع المنطقة دي وأشهر حاجة دعك العين لما نقوم من النوم دااا بيسبب كوااارث


- والعنف في إزالة ميك أب العيون

- إهمال ترطيب المنطقة

-الاستخدام المفرط للنت والتلفزيون ودا بيعمل ارهاااق لمنطقة العين

-استخدام انواع كحل و آيشادو رديئة ورخيصة

-الكسل في إزالة ميك أب العيون والنوم بيه

طيب دي الأسباب ايه بقى العلاج ؟

أول جانب من العلاج هوااا معرفة الأسباب و تجنبهاااا بمعنى

- منتعرضش للشمس الا واحنا حاطين صن بلوك ونضاارة أصلية عشااان نتجنب أضرار ومشااكل الشمس

- علاج الانيميااا والامساااك و سوء الهضم

- التقليل من التوتر وإجهاد العين

- شرب 8 اكواااااب عالاقل يومياااا

- نستنضف واحنا بنختار ميك أب العيون بالذاات نجيب مااركة كويسة ومننساش نشيل الميك أب كويس بلطف بالمنتج المناااسب

- تنظيم النوم و التعامل مع منطقة العين برفق

الجانب التاني في العلاج وهوا مستحضرااات التجميل والمستحضرات الطبية لعلاج الهالات وحتى لو معندكيش هالات برضو لازم تجيبي كريم عين عشااان الترطيب مهم أوي وهنتكلم عن الانواع كمان شوية
بس ناخد بالناا من حاجة وهي انك لازم تحطي مرطب العين بالطريقة الصح وإلا هوا نفسوه يكون سلاح ذو حدين ازاااي الكلام دا ؟

لو حطينااا كريم العين على منطقة العين كلهاااا دااااا يؤدي لظهور الخطوط الي تحت العين ودي مشكلة تااانية وكبيرة برضو هتديكي عمر أكبر من عمرك وتلفي بقى على كريمات التجااعيد في سن مبكر

طيب ايه طريقة وضع كريم العين ؟
نحط الكريم بالطريقة دي نقطتين على عضمة الخد تحت العين ونقطتين فوق الجفن على عضمة الحاجب والشعيراات الدموية الدقيقة في المكان داا هيا الي هتوصل الكريم للمنطقة كلها

[سوما]

شكرا لك على الموضوع الجميل و المفيد ♥

جزاك الله الف خير على كل ما تقدمه لهذا المنتدى ♥

ننتظر إبداعاتك الجميلة بفارغ الصبر

[زمن النسيان]

تسلم الانامل الرقيقة والذوق الرفيع
الابداع والتميز من منارة هذا المنتدى
دائما اجد في مشاركاتك فائده
ودائما ارى في مواضيعك نظره ثاقبه
هنيئا ليس لك
بل لنا بك

[دلوعة الخليج]

دمت ودام عطائك
ودائما بأنتظار جديدك الشيق
لك خالص حبي وأشواقي

[بنت الديره]

يسعدك ربي على الطرح االجميل
سلمت يمينك
يعطيك الف الف عافيه
بانتظار جديدك
تقديري