دحيم المنحوس

**راشد** · 27-10-2009, 08:50 AM

دحيم شاب من فتح عيونه على الدنيا وهو كله هم وغم
يوم ولادته كان هو بكر أبوه(مالت عليه وعلى أبوه)ومن فرحة أبو دحيم فيه أنهبل وقام يناقز
ومن الفرحة شغل سيارته ومشى ومن الفرحة ما انتبه وإلا ذيك التريلة وتتوطاه، حتى ما أمداهم يودونه للمستشفى
يوم يقطعون سره عقب شهر جاء ديرتهم طاعون وأخذ نص السكان
يوم يفطمونه فاز النصر على الهلال وطلع من المربع (الله يأخذ عمره)
يوم دخل أول ابتدائي كان أخواله رايحين يتمشون في البر وطبوا بالجمس من طلعة وماتوا عن بكرة شغالتهم
يوم دخل أول متوسط كان رجل أمه توه مستأنس ومطلع جوال واول فاتورة جته200ألف(على فكره تراه سعودي)
وطلعت بالخطأ لكن قالوا تسدد أو بالسجن مع إنها خطأ وحطوه بالسجن
ويوم تخرج هذا الشاب المليح من الثانوية بتقدير (ضعيف)
هو جالس مع أمه
وقال بكل نعومة: هييييييييييه أم دحيم تراي تخرجت
وردت أمه بكل حنان ورقة: بشر أمك
ورد هو بمنتهى الأدب: تنكتين الحين
وردت بكل ما تحمله أم في هذه الدنيا من عطف وقالت:الله يخلف علي، ليتني بركت فوقك يوم جبتك
لم يعلق الشاب دحيم ونظر إلى أمه وقال مطول الغداء ودي أنام
آآآآآآآآبو الإحساس عندك
قالت له أمه : نم نومة أهل الكهف
ونام هذا الشاب وخرج العصر
وخرج من البيت ونسي ان يأخذ مفتاحه
ويوم سكر الباب ويتذكر ويجلس يصفق الباب بيديه ورجليه وإلا الأم لاهيه
قال يالله عاد وشلون تبي تسمع ذي من زين السمع دمار من دون ما تشغل فيروز
أم دحيم تشتغل بالبيت وهي تهتز على أنغام أغنية فيروز: حبيتك بالصيف***حبيتك بالشتي
يوم أيس الولد ان أمه الحبيبة تسمعه
راح للشارع وهو يمشي وإلا يشوف واحد ما سكينه ناس ويجلدون فيه وبمنتهى الشهامة راح ويدافع عن ذا الرجال ويفكه منهم
يوم هج الرجال ومادرى إلا حول خمس دوريات حوله
طارت عيونه وش السالفة
من دون ما يتكلمون يضفونه وما يرده إلا أبو زعبل وبعد أسبوع وهو منطول بالتخشيبة وهو شبه منهار جاه الضابط
ومن دون ما يتكلم طراااااااااخ كف
هو: وش السالفة
الكف الثاني يمشي مليون وززززززززززززززززززززززززززز طراااااااااااااخ
ويربطونه ويعلقونه وقالوا وش علاقتك بهذي العصابة
دحيم : أي عصابة

الدباسة مستفهمة بجبهته والضابط يصرخ: حركات الاستهبال ماهي عندنا تبي تعترف يعني تعترف
دحيم : ورب الكعبة ما اعرف شي عن....
طفاية الدخان بين عيونه
الضابط : قلت لك خل حركات الإنكار
دحيم : يا جعلي أموت اني ما اعرف شي ويحط إصبعه على رقبته بزعمه خلاص ما بعدها شي
الضابط:أنت ميت ميت لو ما تعترف
دحيم : طيب وش الموضوع قلي أنت
الضابط:أنت متعاون مع هذي العصابة وانتم مروجين حبوب
دحيم وبكل ذكاء منقطع النظير : هههههههه مالت عليك طال عمرك
الضابط :

دحيم وهو يضحك : هههههههه أثرك دبشة طال عمرك ومسوي لي فيها فاهم
الضابط

دحيم بعد ماخلص ضحك : الحين أنت مضيق صدرك الحبوب بس امش امش أجيب لك أطلق حبوب والبودرة بعد
الضابط : بعد عندك بودرة وتعترف يامجرم
دحيم : هههههههههه مجرم
الضابط رجفة مع بطنه لما طلع عشاء قبل شهر
دحيم : اححححححح وش فيك يا لحبيب بغيت تموتني باشين مزحك
مواصلا كلامه دحيم :المهم أنا أجيب لك أطلق حبوب وبودرة بس عاد الكيرم عليك أنا أمي واعدتني إذا تخرجت من الجامعة تجيب لي

لحظة هدوء..............أعقبها ضرب من كل جهة انهال على دحيم وبعدها أظلمت الدنيا بعينه
فتح دحيم عيونه وهو بالمستشفى ويمينه عسكري ويساره عسكري
ويجيه الضابط ويقول الحين تبي تعترف وتقول لنا وش السالفة وإلا ما يردك إلا المقبرة

أنت تبع عصابة المخدرات وكل شي انكشف وأنت ساعدت بتهريب المجرم ولكنك طحت بديننا والحين قدامي توقع وتنتظر محاكمتك
دحيم يوقع وهو ما يدري وين ربي حاطه ويحكم عليه خمس سنوات مع الأشغال الشاقة
وبعد خمس سنوات يطلع في يوم أصفر وكله غبار وجو أسوء من كذا جو مايجي
ولا لقى سيارة توصله للبيت ويروح يمشي على رجلينه وهو يمشي وهو عطشان وحالته سيئة ويوقف عند مسجد ويجلس يشرب ماء وجا يبي يطلع وتوقف عنده سيارة مكافحة التسول ويضفونه ويقولون أنت دايم توقف وتتسول

يحلف لهم ورب الكعبة ما هو أنا ما أحد يسمعه ويرصونه بالتوقيف أسبوع وهم كل يوم جلد وتعذيب

وبعد أسبوع جاه المسؤول قال حنا نبي نطلعك بس توقع تعهد ان مسكوك ان تتحمل كل شي يجيك ،وانك الحين تجيب لنا ولي أمرك
حاول يفهمهم انه مقطوع من شجرة وتوه طالع من المستشفى وماله إلا أمه
قالوا خل عنك خرابيطكم يا لمتسولين ، وآخر شي قال واحد مشينا لبيتكم
ويوم طق الباب افتحت له بنت صغيرة يوم طارت عيون دحيم قال وين أمي
يوم قال الجندي تستهبل أنت ووجهك اركب أشوف ويركبونه ويسلمونه للشرطة وبعدين يقررون انهم يطلقونه بعد ما يصدقونه ،طلع وراح يمشي بالشوارع ما يدري وين يروح ،ويلقى ذيك البنت وتشوفه ويشرح له حالها وتعطف عليه وتسكنه وتعرف حالته وتساعده

وهو نايم يقول : الله اخيرااااا ابتسمت لي الدنيا وعوضني ربي بسنين الحرمان اللي عشتها و ما مداه ينام الا الشرطة والإسعاف مداهمين المكان ويشلونه ويتهمونه باغتيال هالحرمه
يوم ضاقت فيه الدنيا ويحكم عليه بالسجن المؤبد وهم في طريقهم للسجن مع مجموعة من المساجين داهمتهم ذيك السيارة ويقتلون كل المساجين ماعدا هو واللي جنبه ،وكان اللي جنبه هو زعيم العصابة وقال خلوه هذا نحتاجه ويأخذونه ولكن الشرطة تداهمهم ،وتحاكمهم كلهم ويحاكمونه بسجن انفرادي مؤبد ويوم حطوه بزنزانته وفجأة تجيه أغنية :
الله أقوى يضنيني وأنا وش بيدي ***كل ما عدلت جنب يميل الثاني
ما يدري وش يسوي يوم سمعها ويجلس يصيح ،يوم شافوه يصيح ويبلغون الضابط ويكشفون عليه قالوا هذا مجنون ويشيلونه ويحطونه بمستشفى المجانين ،ويوم جوا يدخلونه الباب ما حس إلا أمه ترجفه وتقول له وش فيك نايمن على عتبة الباب يا لثور قم ادخل داخل ومن الفرحة يقوم ينقز يوم درى انه حلم ويوم نقز ويضرب رأسه بالباب ويجيه
شلل نصفي

**๑яâmâ๑** · 27-10-2009, 09:12 AM

[align=center]
هههههههههههههههههههههههههههههههههههههه
هههههههههههههههههههههههههههههه
هههههههههههههههههههههههههه

يقطع شرك ياراشد انتا ودحيم
موتني ضحك
انا انبسطت انو حلم يطلع
بعدها شلل نصفي ..

الله يسعدكـ ههههههههه
[/align]

**jooOooly..** · 27-10-2009, 09:19 AM

ههههههههههههههههههههههههههههههههههههههههههههههه
هههههههههههههههههههههههههههههههههه
الله يرج ابليسك يارويشد

**راشد** · 27-10-2009, 10:35 AM

رمرم اضحك الله سنك

جولي ان شاء الله دوم الضحكه

**احساس انثى** · 27-10-2009, 10:59 AM

هههههههههههههههههه

الله يرجك رجا مبرحااا :13:

**نـ غ ــم الحنـــين** · 27-10-2009, 12:37 PM

ههههههههههههههههههههههههههههههههههههههههههههههههه
هههههههههههههههههههههه

شوفـ الحمـاس وين خلاهـ من حــــــلم الى شلل بس المنحوس منحوس :57: هع 00

يسلمووو رآآآآشــــد 00

لاتحـــرمنــــــا إبـــــــدآآآعــكـ 00

**راشد** · 27-10-2009, 12:37 PM

المشاركة الأصلية كتبت بواسطة احساس انثى

هههههههههههههههههه

الله يرجك رجا مبرحااا :13:

ومن يقول يا احساس
خخخخخخخخخخ
نورتي

**خيالي** · 27-10-2009, 06:16 PM

ههههههههههههههههههههههههههههههههههه
الله يسعدك ياراشد

**شموخ الغربيه** · 27-10-2009, 06:31 PM

ههههههههههههههههههههههههههههههههههههههههههههه

من جد المنحوس يظل منحوس طووول عمره هههههههههههههه

يعطيك العافيه راااااااشد
لاعدمناااك

**كلي فوضى** · 27-10-2009, 07:43 PM

هههههههههههههههههههههههههههههه
هههههههههههههههههههههههه
ههههههههههههههههههه

حزني والله شلل نصفي عاااد؟؟؟؟؟

يسلموا رويشد لاعدمناك

**راشد** · 27-10-2009, 08:57 PM

المشاركة الأصلية كتبت بواسطة نـ غ ــم الحنـــين

ههههههههههههههههههههههههههههههههههههههههههههههههه
هههههههههههههههههههههه

شوفـ الحمـاس وين خلاهـ من حــــــلم الى شلل بس المنحوس منحوس :57: هع 00

يسلمووو رآآآآشــــد 00

لاتحـــرمنــــــا إبـــــــدآآآعــكـ 00

الله يسلمك ويسمنك يا نغ نغ

**راشد** · 27-10-2009, 08:59 PM

المشاركة الأصلية كتبت بواسطة خيالي

ههههههههههههههههههههههههههههههههههه
الله يسعدك ياراشد

ويسعد خيالي نورت متصفحي

**راشد** · 27-10-2009, 09:03 PM

المشاركة الأصلية كتبت بواسطة شموخ الغربيه

ههههههههههههههههههههههههههههههههههههههههههههه

من جد المنحوس يظل منحوس طووول عمره هههههههههههههه

يعطيك العافيه راااااااشد
لاعدمناااك

الله يعافيك يسعدك ربي على المرور ان شاء الله دوم الضحكه