صبااحكم تناقض بين شايب وشاب في الحب
بعطيكم القصة وعليكم الحكم يازواري
بالنسبة لي عجبتني الأولى والأخيرهـ حكمة الشايب
فحبيتكم تشاركوني قرائتها والاستمتاع بوجهات النظر والفرق بين شيبان أول وشباب اليوم
تناقض نظرة الناس للحب // مابين مجرب ،، ومن لم يجرب بعد ..
وتناقض النظرة للحب،، مابين شااب مندفع ،، وشاايب حكيمـ
.
يقول ابن فطيس ،، كنت توي شاب في مرحلة الإعدادي
وجالس مع الوالد ،، وربعه .. سوالف وعلوم رجال وشعر
المهم واحد من الرجال ،، قال يالربع اليوم كنت ماشي بدربي
شفت لي بيت شعر مكتوب على جدار ،، يقول :
أعلان للي مابعد جرّب الحب
يترك طريق الحب قدر استطاعه
فيه الهنا ياتيك ساعه ويذهب
وفيه العنا ياتيك في كل ساعــه
المهم ابن فطيس يقول البيتين اعجبنه ،، وقعد يفكر فيها بالليل !!
تعرفون توّهـ شباب ،، وقلبه خظر // مسك ورقهـ وقعد يكتب ..
المهم من بكرة والرجال جالسين قال محمد يالربع ،، أنا قريت بيتين
وبقولها لكمـ :
اعلان للي مابعد جرب الحــــــــــــب
يسلك طريق الحب بس بشجاعه
فيه الوفا والغدر والصدق والكذب
وفيه الفراق وفيه شوق اجتماعه
حظك على حظك تشجّع وجـــــرب
ان صبت والا غير تاخذ مناعـــــه
.
ويضحك والد محمد ،، وقال // من كتب هالابياات ؟ ،، قال محمد : أنا
قال أبوهـ عطني الورقة ،، ويكتب عليها :
أعلان للي مابعد جرب الحــــــــــب
يترك طريق مايجوز اتباعـــــــهـ
مع الرجا والخوف والياس والذنب
لو دام وصله ماومنت انقطاعهـ
شيئ غريب يشاع بالشرق والغرب
تركه قلاع واتباعه قلاعــــــــهـ
المفضلات