اعمتني الفلوس .. !!

الملف الشخصي · 22-10-2009, 12:29 PM

بسم الله الرحمن الرحيم ,,

السلام عليكم ورحمة الله وبركاته ,,

هذي قصه حدثة لي اتمنى ان يتعظ الكل منها ..

في احد الايام العاديه .. طلعت بالسياره لاحد المقاهي المتواجدة في الرياض ..

ووجدت بالصدفه جارنا الجديد في هذا المقهى فأحببت اني اسلم عليه ..

وبعد ماسلمت عليه قال لي تفضل اقعد معي .. قلت له لا مشكور انا انتظر واحد من اخوياي

وأصر على اني اقعد معه .. فـ قعدت معه .. وقالي كلام انصدمت منه ..

قالي في واحد يعرفك قالي انك تعرف تسوق .. قلت له الكل يعرف يسوق ..

قالي لا انا مااقصد معرفتك للسواقه اقصد انك تعرف تفحط وتحب السرعه ..

قلت له ايه بس ماتوصل لدرجة اني افحط ..

فعرض علي هذي الصفقه .. قالي ابيك تفحط في الشارع الفلاني ..

واعطيك آلاف ريال .. فـ انا اغراني هذا المبلغ .. مع انه مبلغ صغير ..

ووافقت وقلت له من بكره نروح للشارع الفلاني ونفحط ..

فـ وضحت عليه ملامح السعاده التي لاتوصف ..

ومن بكره رحنا للشارع الفلاني .. وعطاني سيارة والمصيبه السياره هذي كانت مسروقه وماادري وشلون وافقت على اني افحط بسياره مسورقه .. الشيطان لعب علي ..

فـ ركبت السياره وركب معي مجموعه شباب لااعرفهم ..

ووضحت عليهم السعادة لاني بفحط لهم ..

وبدأت انا اشغل السياره ومشيت بسرعة 140 ..

وفحطت التفحيط الي الكل يعرفه ويشوفه في المقاطع وغيرها ..

وبعد ماخلصنا التفحيط قلت له وين الآلف الي وعدتني بها ..

قالي تعال لي في الليل الساعه 12 في البيت واعطيك اياها ..

وبعد مرور الوقت رحت له في الليل حسب الوقت الي عطاني اياه ..

وقلت له وين الآلف .. ؟؟

قالي اي آلف >>> وكان هو وقتها سكران والعياذ بالله ..

فعرفت انه ماراح يعطيني اي شي .. فقلت له تعال معي مشوار ..

فـ وافق وكان هذا المشوار هو الى { مركز الشرطه } ..

ويوم وصلنا ماكان يعرف وين انا موديه الى ان دخلنا مركز الشرطه ..

وعلمتهم بالقصه .. وسجنوه 4 سنوات .. الله لايوفقه ..

وقالي الشرطي .. بعد انت بتسجن .. فأستغربت .. !!!!!

قلت له ليش قالي لانك مفحط .. وتم سجني 24 ساعه .. الى ان حظر ابوي ..

وعلموه بالقصه .. ودفع ابوي الله يجزاه خير غرامه وطلعت من السجن .. لانها اول مره لي ..

والحمد لله تبت من التفحيط .. وكل المفحطين يدخنون ويسكرون الا انا الحمد لله .. ربي كان راحمني .. والحمد لله ..

وكنت اسعى فقط الى المال .. وهو المصيبه ..

نصيحه مني لكم لاتثقون في احد .. مثل ماانا سويت .. نصيحه لايغريكم اي مبلغ ..

مو شرط واحد يقول لك روح فحط واعطيك المبلغ الفلاني ..

ممكن يقول لك وصل بضاعة المخدرات هذي .. والي هي اخطر واعظم من التفحيط .. والي الحمد لله ماوقعت فيها ..
الي ابي اتوصل له هو لايغيركم اي مبلغ من احد .. لانه في النهاية راح يوصلك للهلاك والموت ..

اعتذر عن الاطاله ..

تحياتي لكم .. :81:

**خيالي** · 22-10-2009, 12:58 PM

ياالله ربي فكك من مصيبة

طيب ليه عرض عليك الف ريال مقابل تفحيط (يعني ايش الهدف)

وش كان مقصده ولا بس يبي يتفرج ومعجب بتفحيطك

عموماً
عجبتني صراحتك وشجاعتك

ونصيحة نحملها على العين والراس

الملف الشخصي · 22-10-2009, 01:04 PM

المشاركة الأصلية كتبت بواسطة خيالي

ياالله ربي فكك من مصيبة

طيب ليه عرض عليك الف ريال مقابل تفحيط (يعني ايش الهدف)

وش كان مقصده ولا بس يبي يتفرج ومعجب بتفحيطك

عموماً
عجبتني صراحتك وشجاعتك

ونصيحة نحملها على العين والراس

هو كان متراهن مع واحد بـ 3 آلف ريال .. لي الف وله الفين .. لكنه لعب علي ..

حبيب قلبي خيالي .. والله طلتك تسوا بلد .. ويسلم راسك يالغلا ..

تحياتي لك ..