صغيرة ع الحب
الحلوة لسه صغيرة
ع الحب لسة صغيرة
دب دب دب
مين ع الباب
اصبر طيب ايوة انا جاي
ياعم استني عملت الشاي
طلعت هي
مسائك خير وكله جمال
مساء الحب وليك يتقال
اهلا بيكي اقدر اخدم
راحت باكية
فية اية قولي اتكلمي
اية اللي صابك فضفضي
تاعبني حالي ووحدتي
والغربة بين اهلي وصحابي
ياجميلة ماتت ضحكتك
ولا زمانك اتسرق
اية اللي شايفة ف غربتك
اية جرالك فضفضي
ردت بصوت مخنوق اوي
اصل السكوت دة من دهب
ولاعمري مرة هانحني
مين اللي يقدر يكسرك
او حتي يقدر يجرحك
لو يوم زمانك يخسرك
هاصرخ واثور ثورة غضب
ولا أي شي يوم هزني
وارجع براية الكرامة والشرف
وانشر علي الدنيا الامل
وهاعلم الكل اللي فاكر
ان الكلام دة من دهب
راح اعرف الكل الادب
الطماعين والنشالين لاحلام صبانا
راح اعلم الكل الادب
واصرخ بصوتي من دهب
واشيل دموع المكسورين
بإدين ملاكي اللي اتنهب
طول عمري عاشق حبها
طول عمري بشرب شهدها
لما الزمان يجي عليها
ارميها وامشي وانسحب؟
انا مش هابيع يوم حبها
ولايوم يفكر أي مخلوق اتخلق
انه ينهش لحمها
مين اللي يبيع عرضة بإيده
ولا حتي يهرب م التعب
البسي يلا هدومك