ياللي تبون النصح هذي نصيحه

[عبدالله اللحيم]

ياللي تبون النصح هذي نصيحه
تخص ناصحها قبل كل منصوح
خمسٍ لها هديت هجس القريحه
كسابها للمجد شيد بها صروح
الاوله هيّه رموز الشريحه
ترك الفرايض فيه ماانته بمسموح
من كبها ياعجل والله مطيحه
لوكان يملك مال قارون مطروح
والثانيه فيها من الخلد ريحه
مع والدينك ريحة الجنة تفوح
عن برهم لاتلتهي بالمليحه
تلهى عيالك عنك مع كل مملوح
نفسٍ تبر بعيشها مستريحه
ونفسٍ تعق تعيش في هم وجروح
والثالثه للمدح فيها مديحه
الباب خله للمسايير مفتوح
الضيف ماجوبه يهبب بريحه
ترا الكريم امعان لوكان ملحوح
والرابعه بين الستر والفضيحه
للجار خلك ستر ماانته بمفضوح
اللي يكدر خاطره لاتبيحه
لو كنت من مايفعله فيك مجروح
والخامسه ظل وذرا لا تزيحه
ربعك حزامك معك من وين ماتروح
ادمح خطاء المخطي وداو الجريحه
رجلٍ بلا ربعٍ جسد مابها روح
خمس النصايح قلتها لك صريحه
واخذ عليها خمس يامبعد الشوح
الصمت خير ولاالهروج القبيحه
ولولا الصبر والعزم ماحدٍ رقى الصوح
والعفو خير الا الشرف يستبيحه
ورد الجميل وفعله بروقٍ تلوح
حدايق اخلاق النشاما فسيحه
من وردهن قطفت عشرٍ لهن ضوح
وضمّنت باقتها نصيحه نصيحه
تخص ناصحها قبل كل منصوح

عبدالله اللحيم

[خيالي]

الباب خله للمسايير مفتوح
الضيف ماجوبه يهبب بريحه
ترا الكريم امعان لوكان ملحوح
والرابعه بين الستر والفضيحه
للجار خلك ستر ماانته بمفضوح
اللي يكدر خاطره لاتبيحه

ابيات روعة سلمت اناملك

[بنت المدينهـ|~]

ابيات جميله
صح لسانك ودام ابداعك
لاتحرمنا روعة كلماتك
تقبل مروري

[قمر الشرقية]

يـ ع ـطيييك ـآلـ ع ـآآآفيه ..
وتسسلم يدينك ع ـآلطــررح الجميل ..
لـآع ـــدمنـــآآك