يالله بنوٍ لاانتحى الفي للشرق

[عبدالله اللحيم]

يالله بنوٍ لاانتحى الفي للشرق
ينشي من القبله وتقرب نصوبه
يلج رعاده ويبرق به البرق
واهل المدينه والبدو رحبوبه
يضفي على الخرمه من الضلع للعرق
ويرخي هماليله وتركد هبوبه
اتلى الرفايا يدرق السابقه درق
كنها على ترك المكان معصوبه
غيثٍ هنئ مااحد تأذى ولاغرق
من علم سيله شدو البدو صوبه
يظهر به الباذر ويحيابه العرق
منه الوطى بعد البطا لبس ثوبه
غطا دكاك الارض والضلع والبرق
متشابكٍ عشبه شمال وجنوبه
لعيون من تسرقني بحبها سرق
سودٍ على صوت الموده طروبه
عندي لهن فالحب مابينهن فرق
حبٍ تملكني ولا منه توبه
عليهن الاحي من الضيقه الورق
لاحتدني عنها الزمن في عقوبه
وكلاً طرق له في هوى خاطره طرق
والعمر يقضي واليال محسوبه

عبدالله اللحيم

[بنت المدينهـ|~]

صح لسانك
دائماً مبدع
لاتحرمنا جديدك
دمت بخير

[قمر الشرقية]

يـ ع ـطيييك ـآلـ ع ـآآآفيه ..
وتسسلم يدينك ع ـآلطــررح الجميل ..
لـآع ـــدمنـــآآك