ياهل ينبع

**فهد اليامي** · 06-09-2014, 01:23 AM

إن رحت من نجران قمت أتمنـّـــاه .. وان جيت في نجـران شفت البــلاوي

واسبابها اللي حظـّــي الشين عــّـداه .. وانا معه لازال قلبي هــــــــــــــواوي

هذا الصراحه لغز مدري بمعنــاه .. غطـّــا على فكري وكل الهقـــــــــــاوي

ديرة هلي نجران ماوالله أنسنــاه .. خلــّـوا الكلام وزايدات الحكـــــــــــــاوي

ولدت في نجران وشربت من ماه .. وشربت من غيره ولا نيــــــــب راوي

أنساه كيف وكل يوم أتمنـــــّــــاه .. وأنا على الرجعه أمعـــّـزم ونـــــــــاوي

مانيب من ينسى مقــّـره ومرباه .. ياهل ينبع لا تكثرون الدعــــــــــــاوي

ياسعد من هو ضامن فيه ممساه .. للبيت قد هو غيبة الشمس ضــــــــــاوي

ويشوف من قلبه يحبــّـه ويهواه .. جمعاء الشمل من كل عـــّـله تـــــــــداوي

ماهوب مثلي كل هــّـم توطــــاه .. يمسي ويصبح عن دياره خــــــــــــلاوي

رزق يجليني عن الدار مبغـــاه .. والرزق ربي قســـّـمه بالتســـــــــــــــاوي

ويلي على ذيك المداهيل ويلاه .. ويل الغشيم اللي سرا الليل غــــــــــــــاوي

قلب العناء وزعت باقي بقاياه .. على ملفــّـــات الطرق والمــــــــــــــــلاوي

بالهون يالدنيا كفى القلب ماجاه .. ياواسع الرحمه عليك الشكـــــــــــــــاوي

مانيب أنا أول من زمانه تحـّـداه .. سود الليالي مخلفات المنـــــــــــــــــاوي

كم واحد قبلي رما الصيد واخطاه .. راعي الشقاوه في حياته شقـــــــــاوي

يامن عليه القلب يرجف من اقصاه .. رجف الرعد في جال غيم سمـــاوي

ماكنت افكر يوم واحد بفرقــاه .. واليوم قدني للتلاقي رجــــــــــــــــــــاوي

آنا إن نساني صاحبي والله اغواه .. احسن لي أبقى طول عمري جـــلاوي