مشاركتي باحتفالية اهالي محافظة الخرمه بمناسبة العيد

**عبدالله اللحيم** · 31-07-2014, 06:54 AM

مشاركتي في احتفالية العيد

تحشر بيوت الشعر في يومها الموعودي
في نهارٍ كل خافي للرجال يبيني

تارد حيام المسامع عدي القرهودي
وترتوي من جمته لو الزمن حاديني

عن هل الخرمه وقفت الماقف المشهودي
وكل مايعني هل الخرمه هنا يعنيني

من محافظها وحتى طفلها الممهودي
اتشرف ويتشرف واحدٍ يدعيني

افخريبي وافتخر بك ياديار جدودي
وعانقيبي قمة امجاد الدول وارضيني

باامرمن ارسى سفينة نوح فوق الجودي
راسيه يادولةٍ متمسكه بالديني

كل حدٍ من حدودك اعتبره احدودي
من شروره لين رفحاء وماحوى البحريني

دون حدك ياوطنا ريحة البارودي
عودٍ ازرق ريحته مع الهوى تغريني

نامي بعين الملك واخوانه ال سعودي
ونامي انتي والملك يادولتي في عيني

الولاء بوجيهنا وخيانته منقودي
بيعة آبانا تجدد بين حين وحيني

باب نجدٍ والحجاز ابما تكن تجودي
من ولاء ومن غلاء ومن وفاء الوافيني

وبالامن عيد الفطر على الديار يعودي
وبالسلامه للملك والشعب عاد سنيني

عبدالله اللحيم