بكيناالطيبين من الرجال ولافقدنا اللاش
دموع الحزن سالت فوق خد عيون باكيها
كثير الناس مايفقد سوا لن مات وللا عاش
لكن بعض العرب فرقاه ماتجبر بلاويها
عسى قبرك يابوماجد من السندس غطا وفراش
ولعله روضةٍ من روضة الجنه وعاليها
وعسى قبرك يابوماجد من الرحمه عليه رشاش
هماليله بردها يغسل السيه ويمحيها
وعسى الرحمه كفنك اللي لبسته مالبست قماش
ملايكة الرضا فوقك تلفك فيه اياديها
عليك اغصانها بظلالها يورش ورقها اوراش
وعسى روحك وديعة حوصلة خضراً شواديها
فمان الله (ياروح الوفا) قفت بك الانعاش
على الاكتاف والاقدام بك عجله خطاويها
بكيتك يالفقيد (القلب الابيض) مابكى الغشاش
وماقول اللا عسى الفردوس لك قصراً بعاليها
معزة خوته لوهو رحل تبقى معي تعتاش
اخو ماهو صديق ابكي عليه النفس اعزيها
عسى ربي يصبر من على فرقاه ضاق الجاش
ويعين اللي عليه دموعها سالت قوافيها
فمان الله ياروح الوفا قفت بك الانعاش
على الاكتاف والاقدام بك عجله خطاويها