شواطى الحب ( تجدونها شيله باليوتيوب)

[عبدالله اللحيم]

والله اني طاويٍ ذيك الصحيفه
خارجٍ عن سكة اهل الحب مرّه

لين شفت اللي تجاوِزبي رصيفه
من شواطي الحب تاخذني لبرّه

جوهره محارها قصر الخليفه
انتثر من فوقها نجم المجرّه

درةٍ لكن ملامسها قطيفه
كل شيٍ حازته لله درّه

لااقبلت بين الثقيله والخفيفه
مع قدمها مالضيق الصدر جرّه

ابصرت من عطرها العين الكفيفه
دك عنها طيفها واخذت مقرّه

ولارحلت من بعدها جاني كسيفه
طيّبٍ محتاج صادف له مكرّه

كل شيٍ ملّني لو هو بكيفه
لاجل خوتها لبس ثوبه وزرّه

طيفها هو طيفها يشكي خريفه
واقفٍ في وسط عيني ويتشرّه


عبدالله اللحيم

@a_j_2222

[منكم وفيكم]

[align=center]
جمييييييل جداً عبدالله مبدع

وإنتقاء جميل ننتظر المزيد من الإبداع

تحيااتي
[/align]

[عبدالله اللحيم]

شاكر لك المرور
تحياتي وشكري وامتناني لك

[عجآيب]

كلمات خطيرهه بصراحه :29:
من زمان ماشفنا شيء جميل كدا بالقسم
ابدعتِ جداً بالكلمات 004
تستاهل التقيم + تثبيت + :82:

[عبدالله اللحيم]

شاكر لك التواجد والمرور والتقيم والتثبيت
يعطيك العافيه