ليالي رمضانيه مع شقيه وبكيفي

[احساس امير]

السلام عليكم ورحمة الله وبركاته

وعليكم السلام ورحمة الله وبركاته :mornincoffee:

كل عام وانتي بخير .. بـ مناسبة هلول شهر الخير رمضان

في بعض الاوقات يتمنى الإنسان اشياء كثيرة

اما في شهر رمضان تذهب كل تلك الأمنيات لـ إرضاء الله

وإنت بخير ياارب ورمضان كريم والمسامح كريم :39: :3:
ربي يسعدك يارب ويتقبل ربي مننا صالح الاعمال يارب وصيامنا وقيامنا وعبادتنا له يااارب 004 :157::157:

ذكريات رمضانيه معي إحساس أمير .. رآح استضيف لكم عضو وراح نعرف اجواءه وطقوسه في رمضان بالإضافه إلى ذكرياته الرمضاانيه ..

انا العضو اللي تم استضافتي وراح افضحك بدري :20: :tongue:
مرا مرا متحمسه للموضوع وقسم انني فريحه


نبدأ بالاسئلة ..


يلا بينا يلا :3:


1) اولاً حابين نعرف متى بدأتي تصومي بـ أي عمر ؟

امممم صراحه ايام ماكنت صغيره وكان بابا لسه صغير بالسن يعني وكان مشدد عليا انا واخواني الكبار :3:
وكنت من صف تاني ابتدائي افتكر انضربت كذا مرا بالباكورا :30: عشان رجعت من المدرسه عطشانه وشربت مويه
وبابا سمعني واانا احكي ستي وتقولي ستي استخبي ورا التلاجه عشان رمضان مايشوفك :3: :20:
والقى بابا جاي من ورايا ماسك الباكورا وضربني :20:
بس يعني كان اجباري نصوم وكنا من اولى نبدا ومن تاني ابتدائي اجباري :30: ...


2) أوصفي لنا يومك الرمضاني ؟

اول شي اصلي الفجر واجلس اقرا قرآن وانام واصحى الساعه12 اصلي الظهر واقرا قرآن لين تجي 2 او 1 حسب الشغل قد ايش يكون :39:
وبعدين اقوم عالمطبخ اوقف فيه لين وقت الفطور اساعد ماما واسوي معاها ومااجلس لين اوزع العصير والتمره على نفر نفر بالبيت واتاكد انه ماما فكت ريقها وجدتي وبعدين اتربع واجلس عالسفره اخر شي وازغط في اخواني :20: و يادوبني افطر احس خلاص جسمي مفكك .. اقوم اصلي واشوف حلقة الشقيري :29: 004 004 وبعدين اجلس اقرا قران لين يأذن العشاء واصلي واجلس اقرا قرآن 004
لين اتعب وبعدين اقوم اجلس عالنت جلسه متواصله حقت كم ساعه بس واقوم بعدين اجهز السحور لاخواني وماما
واوقف تاني بالمطبخ لين يخلصو وارجع على سجادتي من 3 لين وقت صلاة الفجر ونفس اليوم ينعاد الحمدلله :29: 004
وهذه هي قصة حياتي في رمضان :3:


3) شهر الخير يرتبط دائماً مع القرآن .. كم جزء تقرأي من القرآن وهل تختمي او لا ..؟

صراحه اكثر وقتي يكون على سجادتي واقرا قرآن
يعني لازم مايخلص الشهر الا ومختمه القرآن كامل الحمدلله 004 وحكاية كم جزء انا مااقسم شي اجلس اقرا طول وقتي لين اتعب اقوم اسوي شغله ولمن اجي اصلي فرضي التاني اكمل وعلى كدا المهم اني مااضيع الفرصه عليا وخصوصا بالشهر الفضيل دا 004 004


4) رمضان من سنه لـ سنه تقريباً الروتين والاجواء تكون متكرر بس لها نهكة خاصه غير .. هل رمضان تغير وروتينه تغير او لا ..؟؟ وايش تغير

بصراحه انا ليا سنتين صار رمضان عندنا له نكهه خاصه
وطول الوقت نضحك ومبسوطين لكن قبل كان العكس استغفرالله من العيشه الي كنا عايشينها ....
الحمدلله ربي فكنا عنها وغير علينا الحال وخلاه اجمل :41: 004 ومافي احلى من اجواء رمضان :29: 004
واحلى شي وجود جدتي معانا له طعم مميز برمضان :4: 004
بس خساره السنه دي محتكون معانا بنفس البيت نزلت شقه لحالها :4: 004 :tears:
لكن ان شاءالله بلصق لها كل يومين :3: :41:


5 ) اجمل فترة في اليوم الرمضاني ؟

اممم مافهمت السؤال :3: ان كان قصدك من ناحية اجمل وقت في اليوم .. بالنسبه ليا كل اليوم جميل :29:004

6) كيف تقضي نهارك بدون أكل ؟ تواجهي مشاكل مع هالشيء او لا ؟

بس بالبدايه :4: خصوصا اني لمن اخد علاجي لازم اكون جيعانه قبله ويحرق بشكل فظيع !! واكمل صيامي عليه
دا الشي بس الي يتعبني من جد .. الله يشفيني بس من اللي فيا وارتاح :( ..


7) أهم طبخه عندك في رمضان ؟

:20: متعودين سفرتنا تكون بسيطه لانه اخواني ماياكلو
ومحد فينا له بالاكل الكتير :3: .. بس السمبوسه لازم لازم يوميا تكون عالسفره لين اخر يوم برمضان :20:


8) كم ساعه تنامي برمضان ؟


اممم تقريبا 7 ساعات من الساعه 7 لين 12 او 1

واوقات قليله مرا لمن يكون فطورنا خفيف مرا اصحى 2


9) ذكرى حصلت لك في رمضان لا تنساها؟

اجمل ايام رمضان قلت فوق انها من سنتين وكان اول رمضان لنا جميل .. كان مع جدي حبيبي الله يرحمه :( 004
كنت مااجلس غير جنبه مااكل لين يشبع وارتاح بعدها اكل :(
مرا كنت احبه وكانت جلسته لها جو خاص يحب يضحكنا دايما 004 يعني ايام رمضان معاه كلها كانت ذكرى جميله عمري ماانساها .. الله يرحمه يارب ويجعله ربي من اهل الجنه هوا وخالي يااارب 004 004 :(


10) أحلى مافي رمضان ؟

الاجواء تحسها كلها راحه للقلب واجواء عباده وتحس باحساس حلو مرا وراحه ماهي طبيعيه 004

وتشوف الخلق كلها تتعبد وشي صراحه ماينوصف من قوة جماله 004 004


11) ايش هدفك في رمضان القادم ايش ودك تسوي شي جديد ؟

ان شاءالله اشيل عن ماما المطبخ واطبخ بدالها كل شي واختم القران قبل كل شي ان شاءالله 004 004
ومافي شي جديد برضو :3:


12) بـ النسبة لوزنك .. هل يزيد او ينقص لان النظام الغذائي يختلف ؟؟


:20: :20: نكته :20: :20:

فيه بنت عربيه وزنها مايزيد في رمضان :3:

لو مافي نظام حميه ولا نظام غذائي طبيعي حيزيد :4:

لكن ان شاءالله السنه دي حمشي على نظام غصبا عني ويارب بس اقدر :4: :20: :41:

هي مو حكاية نظام غذائي يختلف !!

المشكله في انه الواحد يملي بطنه اكل من شدة الجوع يجيه صرع :20: ولو تلاحظو السمبوسه مقليه بالزيت كمان واغلب الاكل يتخن :20: والواحد يفطر وبعدها يتبطح ومعد فيه حيل يسوي شي غير يجلس :) ويرجع ياكل اخر الليل وينام :4: دي المصييييبه :tears:


13) حينما يعلن أن غداً هو اول ايام رمضان .. من اول شخص تسارع للتهنئه له ؟

مامتي حبيبة قلبي وبعدين جدتي :29: 004

وبعدين خالاتي و عمتي وبعدين اخواني :20:

وطبعا بعدين لسستتي عالبلاك بيري :3:


14) هل سبق ان قضيتي رمضان خارج مدينتك او دولتك ؟


لا :20: بس مرا رحت فرنسا وفطرت تحت الشلال وجنبي العاب ديزني شغاله :41: :41: :41:


15) تساعدي في الطبخ ؟؟


طبعا شي اكيد ودايما ماما تقول انا دراعها اليمين بالمطبخ :41: :3:

16) مشروبك المفضل ع الفطور ؟؟


التوت وهو بارد تلج :29: 004 004


17) تحبي تأكلي الفطور مره وحده او مرتين مقسمه ؟؟


لا مرا وحده :3:


18) كم ساعة معدل جلوسك ع النت في رمضان ؟؟


بصراحه انا لابي ماينطفي يفضل مفتوح عالمنتدى :3:
رغم اني مرررا انشغل يادوبني اخش اسوي شغلي بالمسابقات واقوم انشغل وفترة العصريه على 5ونص كدا اكون جهزت كل شي خلاص استنى وقت القلي اقوم اجلس اشارك حبتين وبس :3:
حسب ماافضى جلست حق شوويه مرا وقمت :30:


19 )عضو ودك يطبخلك فطورك ؟


عجوبتي :29: 004 ست بيت ماشاءالله عليها وبطله :29:

ربي يحميها يارب 004 :41:


20 ) ذكريات رمضان معك .. مواقف طريفه مواقف حزينه ؟


مواقف حزينه قبل تقريبا 4 سنين كان اسوء شي علينا مر .. لانه خالي الله يرحمه كان مريض وكان خلاص وضعه منتهي وقدامنا كان على سريره :(
وكان يفطر معانا وياحياتي عليه فصل ثياب العيد له ولولده الصغير كان عمره 6 سنين .. وكان نفسه يعيد مع ولده
واتوفى في تاني يوم العيد .. :(
مرا كانت سنه سيئه وكلها حزن من جد
حتى رمضان كنا كل يوم نشوف صحته تروح وخلاص الطب فقدو الامل وخصوصا ماكان راضي ياخد الجرعات رافضها مرا.. الله يرحمه يارب :( 004 004


والجميل : مقالبي في ماما وانا في المطبخ معاها :20:

مافي غير تسمعها تزعق كل شويه وتخرج من المطبخ صوتها مبحوح :3: :41: مو اسمي شقيه :39:

لحد يستغربني :20: :41: .. دايما كنت اوقف اساعدها تجي تفرد العجينه تلف تسوي شغله .. العب فيها وامشي واسوي ماسويت شي وتسمعها تقولي براااااااااا :20: اقولها اخر مره وقسم :4: وهيا كدا :62: ... ولمن نفسي اتمندل اخربلها كم شي
اجننها مزبوط لين تمسكني من ملابسي لين باب المطبخ
تقولي لااشوف وجهك واسوي اني خلاص طنشت وجلست برا ماتعدي 5 دقايق تنادي :20: اقولها مو طردتيني ماني جيه تعالي راضيني لعل وعسى اسامحك انتي وحظك :41:
القاها مخرجه راسها من الباب تقول حتجي ولااجيبك :20: ؟؟
اقولها ماسمعتك يلا جايه :3: واخش تاني :20: وعلى كدا طول الوقت بس هيا تنبسط تبكش تسوي انها معصبه وتضحك :30: :41:


21) شخص اشتقت لأنه يقضي رمضان معك ؟

جدي + خالي 004 004 من جد مرا احبهم عدت سنين لكن والله احس روحهم في البيت للان مااتخيل اانهم ميتين ابدا .. وللان كل مااتذكرهم اجلس ابكي :( مرا احبهم 004
وخصوصا اننا عايشين في نفس البيت الي كانو فيه وكل غرفه فيها شي يخص واحد فيهم وكل ركن بالبيت كانو يجلسو فيه مرا شي صعب يتنسي ...


22) لما تسمع كلمة رمضان ايش يجي في بالك ؟


العباده وراحه نفسيه ماتنوصف وافكر كيف افضي نفسي عشان اجلس على سجادتي واتعبد ربي من جد 004 004


23) فرد من عائلتك ماتحلى سفرة الفطور الا معه ؟


مامتي حبيبتي وجنتي 004

مااقدر احط اللقمه بفمي لين اشوفها تاكل وتاكل معايا كمان 004 الله لايحرمني وجودها بحياتي ياااارب 004


24) كم مرة اندسيتي وافطرتي .. اعترفي ؟


الحمدلله ولا مرا وانا صغيره ممكن مرتين او تلاته بس :20:


25) في رمضان تزيد نسبة مشاهدتك للتي في او تقل ؟


بالعكس مااجلس عليه ابداااا ولااميل له حتى .. كل اهتمامي وتفكيري القرآن يكون والعباده الحمدلله 004004

ومانشغلو اصلا غير عالشقيري ولمن يخلص ممنوع احد يحط مسلسلات او اي برامج غير الدينيه 004


26) شي افتقدته في رمضان ؟

وجود جدي معانا الله يرحمه وحاليا السنه دي حفتقد وجود جدتي 004 :4: ماراح تفطر معانا 004


27) 4 اعضاء تدعيهم للفطور عندك ؟


امممم ( عجايب - غيومه - هيوم - تعبونه - سولافه )

:29: 004 004


28) اهداء تخص فيه المنتدى ؟




29) ليش السفرة في العشرة الاواخر تبدأ تقل وتنقرض طبخات كثيرة ؟

لانه الواحد يمل من الاكل خلاص :30:


30) في رمضان تعلو اصوات المساجد بالقرآن .. الاصوات الي تحبي تستمعي لها من القراء ؟

امممم صراحه مافي احد معين بس السديس اكتر شي ماشاءالله يشد الواحد بصوته 004 004
وخصوصا انه التفلزيون يكون شغاال دايما على مكه 004


31) في الثلاثين يوم كم مره تفطروا مع الاقارب وتصير تجمعات رمضانيه ؟

امممم اول يوم مع جدتي حيكون ان شاءالله
وتاني يوم عند جدتي برضو لانه خالاتي كلهم مجتمعين 004
وتالت يوم او رابع يوم عند عمتو حبيبتي 004
والباقي بالبيت :3: واوقات نروح لعمتي خصوصا انه خرجتنا بالاسبوع تكون عندها وسهرتنا عندها دايما 004
وبس :3:


32) في رمضان تكثر النزلات للاسواق لمقاضي العيد .. متى تبدأي تنزلي او انتي من الاشخاص الي يجهزوا قبل رمضان ؟

بصراحه انا ماحب اضيع رمضان بالاسواق مرا اتضايق
وماما نفس الشي 004 عشان كدا دايما انزل نزله وحده لمكان معين اشتري منه واطلع كامله الحمدلله واوقات قليله مررررا لمن اقسمها يومين .. ودايما تكون على اخر رمضان :4: ..


33) تسهر للسحور ولا تنام وتقوم للسحور؟


لا مستحيل انام واصحى :20: اصلا لمن اصحى ماحب اكل علطول :30: ..
واصلا انا الي اجهز السحور دايما مع ماما :29: 004


34) ذكريات الرمضانيه في المنتدى ؟


المسابقات اجواها تعتبر احلى ذكرى !
والرمزيات تبع الاعضاء اللي تتغير كلها وتصير اجواء رمضانيه 004


35) لو قالوا لك رسولنا راح يتواجد في بيتكم ويفطر معاكم ؟ انا تخيلت وعيوني دمعت يا الله ؟


:4: 004 004 004

صراحه سرحت كتير .. وماعرفت ايش اقول مدري ايش حسوي وقتها وكيف حكون !!!!
شي يصعب وصفه صراحه :4: 004 004
اللهم صلّ وسلم على سيدنا وحبيبنا محمد عليه الصلاة والسلام 004 004


36) تصلي التراويح في المسجد ؟


لا صلاة الحرمه في بيتها افضل :rolleyes:


37) ليلة العيد ايش تحبي تسوي ؟


يادوبني اخلص من نفسي وازبط نفسي :20:
وتعرفو كيف تكون البنت ليلة العيد :3:
وليلة العيد لها الف شغله والف شي بيصير 004


38) طقوسكم في العيد ؟؟ ايش تسو صباحية العيد ؟


احب اسوي فطور جماعي انا واخواني وماما 004
واجلس امزح واضحك مع اخواني وماما
ولازم اكون مجهزه هدايا العيد لاخواني كلهم وماما :41: 004
وبعد صلاة العيد يرجعو اسلم عليهم واشفط فيهم واعطي كل واحد هديته :29: 004


39) تحبي الزيارات العائليه في رمضان ؟

:20: لاء :4: ماحب الدووشه ابدا يعني يكفي اول يومين وخلاص :30: مارا ماحب اجواء الدوشه وحتى اول يومين لمن يكون الفطور ببيت جدتي ويكون فيه دوشه والله ماافطر
ولااعرف افطر :4: تلاقيني اكل تمره واقوم خلاص مزاجي يتعكر واصدع واروح بيتي علطول :30:



41) ارسلي التهنئه لهذولا الاعضاء بطريقتك

خيالي ..: كل عام وانت اخونا الكبير الي قلبه انقى منه مافي والله يسعدك ويكتبلك السعاده بحياتك كلها يارب ..
والله لايحرمنا طيبة قلبك ووجودك معانا الي له نكهة مميزه .. من جد بذات الراجل دا مافي كلام يوفي بحقه من قوة طيبته وجمال قلبه :4: :82:


هايمه ..: كل عام وإنتي بخير هيوم 004 وعساكِ تكوني بخير وطيبه ., وبقولك شي هنا امام الكل لمن تضايقي من احد او تشيلي بقلبك عليه لاتخبي لو انك مظلومه تعالي واجهيه وادخلي بعينه ياعيوني 004 004 :82: ورمضان كريم يابطه :82: والله يسعدك دنيا وأخره يارب 004



عجايب ..: عجايب اقولها من قلبي ( كل عام وإنتي أختي وصحبتي وتوأم روحي ) 004 وكل عام وانتي فرحتي وسعادتي وكل شي بحياتي 004 004
ماانسى رمضان الماضي قد ايش كان ممتع بقربك مني فيه قد ايش ممتع ومميز وحلو كان !! 004 من جد إنتي هديه اعطاني اياها ربي واسعدني بيها سعاده عمري ماانساها 004 004
كل عام وإنتي بخير ياروح قلب شقيه إنتي 004
وعساني اموت قبل مايجي اليوم الي انحرم فيه منك 004
والله اني احبك يادوبا:41: 004 004


غني ..: ثواني اشمر :44438: :20:
الولد دا صاحب مضاربات معانا طول الوقت نتضارب :20: بس وقسم انه من وقت مايدخل ويوزع مشاركاته
ترتسم على وجيهنا الابتسامه والانبساط :tongue::66:
غني يامفلس كل عام وإنت بخير ياقدع وعقبال السنه الجايه تدخل وبيدك ولدك :20: ونقولك ياابو .. مدري ايش حيكون :30: :3: المهم اقولك روح وقلبي داعيلك يااخويا والله يسعدك يااارب قد مابتسعد قلوب الخلق واكتر يااارب :tears:
ورمضان كريم وسعيد عليك يارب :."


اتعبني غيابك ..: ياتعبونه ياعسلا ياطيوبه 004 كل عام وإنتي طيبه يَ قلبي والله من يوم ماصرتي معانا صرت احسك صرتي شي كبير مدري ليش :20: ! ودايما تجي ببالي واحس نفسي تشاركينا كل شي بالمنتدى :4: 004 من جد الله يسعدك دايما يعجبني هدوءها وطيوبه مرا البنوته دي وعسوله 004 004 يلا عقبال السنه الجايه تجي واشوفك في بيت زوجك ياعسوله :29: 004 :3: وتلفي السمبوسه :20: 004 الله لايحرمنا منك يارب 004 :82:

احساس امير .: القدع دا حكايه جميله اتواجدت بالمنتدى :39: وشكلي حبلغ عنه :3:
احساس امير .. أخ جميل دخل المنتدى وادخل معاه السعاده لقلوبنا من جد .. مجتهد - اخلاق - ادب - طيوب - فرفوش - ويعجبني فيه انه متعاون ويحب يشاركنا دايما بكل شي ..
من جد انا اعتبره وسام متميز نفتخر به بالمنتدى
ويمكن لانه هادي لسه مو كتير الي عرفوه بس اتوقع انا اكتر شي عرفته :20: ومحد له شغل كيف وليش :30:
المهم امير من جد اقولك هيا جده عمرها ماجابت غير شباب قدعين بقوه :29: :tongue: " الله يسسعدك يارب ويحققلك كل الي تتمناه ويجمعك مع الي تحبهم يارب ولايحرمنا وجودك بالمنتدى من جد إنتا الي لازم نتمسك بوجوده هنا
قليل نلقى اعضاء زيك مرا قليل ويشهد ربي اني مااجامل ابدا :39: :66: وكل عام وإنت بخير يااارب اخويا .. ورمضان كريم وسعيد عليك ياااارب .."



42) ايش راح تقدمي للمنتىدى في رمضان ؟


ان شاءالله حقدم كل شي يسعدكم حبايب قلبي
وان شاءالله حاحاول اجيب افكار مسابقات جديده بس يارب نلاقي :4:
وراح نقوم انا والبنوتات بطرح المسابقات الرمضانيه حقت كل سنه بإذن الله 004
والي ربي يقدرني عليه بسويه بدون تردد ان شاءالله "


43) تزوري الحرم في رمضان او ماتصير فرصه ؟؟


بذات في رمضان صعب مرا مرا اروح خصوصا اني ضغطي مو ثابت ومن اقل شي دخت وضغطي ينزل :4: وتعرف كيف يكون في رمضان الحرم ماشاءالله مافي مكان تحط رجلك فيه :4: 004

44) كلمة اخيرهـ؟


الله يسعدك احساس امير على مجهودك الجميل ويعطيك ربي الف عافيه اخويا ,, واتمنى من قلبي لك ولكل الاعضاء السعاده والتوفيق لكم وللجميع يارب :82: 004
45) اخيراً .. كلمة للأعضاء بمناسبة شهر رمضان ؟؟


كل عام وأنتم بخير يارب 004

وكل عام وأنتم حبايب قلبي ومن أغلى الاشياء بقلبي 004

وكل عام ونحنا سوا كلنا ومايفرقنا ربي ابدا 004

وكل عام ورمضان يهل علينا ونحنا بالمنتدى القميل دا :41: 004

احبكم والله 004 004




أخيراً أشكر اختي لتواجدها وذوقها واتمنى اني ما قصرت بـ شيء

شكراً لكم


https://www.youtube.com/watch?v=nrqhOsNEie8

[sħăgίąħ ώ βкёfè]

يعطيك الف عافيه اخويا امير عالموضوع القميل دا :41:

ماشاءالله لاحظت اني احب اتكلم بالايقونات :3:

المهم الموضوع يثبت ياقدع لروعة مجهودك البطل :29:

.."

[احساس امير]

يعطيك العافيه اختي ما قصرتي

وبـ إذن الله كل 4 ايام او 3 راح يكون في ضيف جديد إلى يوم 20 رمضان

\

[خيالي]

لي عودة للموضوع لاني الان بالعمل والموضوع يبيله مخمخة

[عجآيب]

شوقي حبيبتي كل عام وانا احبك :4:
حتى انا مستحيل انسى رمضان العام واللي قبلو
من اجمل ايام رمضان اللي مرت عليا وربي
وللان هروجنا حقت صباح رمضان فبالي
الله يسعدك ياروحي انتي :4: 004

ع طاري النظام والحميه ؟ كيف بس الاكل اليوم والانتفاخ الاوب طبيعي هههههههههههههههههه

المهم حيخلص الشهر واحنا نتامل نحتمي :9:
خلاص يكفي نفكر بالشيء دا اصلا :41:
الموهيم
اللقاء معاك واجوبتك كالعاده امتع شي بالحياهه
منجد احب اسلوبك بالكلام
مرا ممتع ويخليكي تقرين للاخير وانا اتمنى انك ماخلصتي كلام 004

وعقبال ما اذوقكي اكلي ونفطر سوا وانفخلك بطنك مزبوط من الاكل :41:
ياحبي لكي بس :41: :82:

\
احساس امير
مجهودك جميل 004
بانتظار النيكست بكل حماس :29: 004
يديك العافيه 004

[اتعبني غيابك]

شقيه اولـآ كل عام وانتي بخير حيآآتي :060:
تسلمين ع الكلـآم الحلو والله مافيه اطيب منك ي بنت واحلى من نفسيتك الحلوه :060:
وعلى طاري السمبوسه افا عليك اخليكي معي ههههههه :2:

استمتعت شوقي بالقرايه وربي
احسن مني صمتي من ثاني مو انا :55:< مااحسدك ابد ي بنت :038:

وان شاء الله اتقرب منكم اكثر 004
ربي يحفظك يارب :82:

......

آخوي آحسآآس
ربي يعطيك العافيه آخوي ع المواضيع اللي دايم تسعدنا فيها :57:
ربي يوفقك يآرب :82:

[خيالي]

يعلم الله ياشقية بان كلامك واسلوبك رووووعة وجعلني ادقق بكل حرف
حياتك حلوة ياشقية ونفسك احلى
وحظ بيتكم بوجودك انتي نور البيت بلا منازع

مااقول الا ربي يسعدك ويحفظك دنيا واخرة


خيالي ..: كل عام وانت اخونا الكبير الي قلبه انقى منه مافي والله يسعدك ويكتبلك السعاده بحياتك كلها يارب ..
والله لايحرمنا طيبة قلبك ووجودك معانا الي له نكهة مميزه .. من جد بذات الراجل دا مافي كلام يوفي بحقه من قوة طيبته وجمال قلبه


ربي يقدرني واكون عند حسن ظنك وظن الجميع
اشكرك اشكرك اشكرك

[هايمه بذكراك]

كل عآم وآنتي بخير وينعآد عليك يارب
الله يخليلك آمك ويرزقك برها
لقاء جداً ممتع

هايمه ..: كل عام وإنتي بخير هيوم 004 وعساكِ تكوني بخير وطيبه ., وبقولك شي هنا امام الكل لمن تضايقي من احد او تشيلي بقلبك عليه لاتخبي لو انك مظلومه تعالي واجهيه وادخلي بعينه ياعيوني 004 004 :82: ورمضان كريم يابطه :82: والله يسعدك دنيا وأخره يارب 004

؟؟؟؟؟؟؟؟
آنا مو متضآيقه من آحد او شايله بقلبي ومخبيه مافهمت قصدك من الكلام

يعطيك آلعافيه يَ قمر
آخوي آحساس آ مير كل الشكر لك ع مواضيعك الروعه
بآنتظآر ضيوفك القادمين
يسعدك ربي

[sħăgίąħ ώ βкёfè]

متابعه :41: 004

ان شاءالله اليوم بس افضى وارد عليكم نفر نفر :3: 004

لانه بكرا حيكون اللقاء التاني اكيد مع عضوه اخرى :39:

يلا برب حبايب قلبي 004

[غيمة شتآء !~]

..

و آنتي بصحة و سلآمة حبيبي 004
ربي يسعدك و يخلي لك آهلك يارب ؛
و مآجورة بإذن الله ع كل تعب .. معافيآ يارب :34:

من جد اللقاءات معاكي غير
و مشوووقة حدها ..
ماننحرم منك يارب و من آسلوبك اللي يخلينا نحبك آكثر و آكثرر


آميــرر 004
متآلق كالعادة
تستحق وسآمم مذيع فوضى 004

ماننحرم جمال آفكاركك يارب


:82: + تقييم + *****

[احساس امير]

الله يعطيكم العافيه جميعاً ما قصرتوا

غيمة شتاء ~ دائماً كلامك وتحفيزك يحرجني ما انحرم تواجدك ولمساتك الجميله ..

[مومهم اسمي]

استمتعت بالقرايه يعطيك العافيه شقيه بكيفي

[sħăgίąħ ώ βкёfè]

شوقي حبيبتي كل عام وانا احبك :4:
حتى انا مستحيل انسى رمضان العام واللي قبلو
من اجمل ايام رمضان اللي مرت عليا وربي
وللان هروجنا حقت صباح رمضان فبالي
الله يسعدك ياروحي انتي :4: 004

ع طاري النظام والحميه ؟ كيف بس الاكل اليوم والانتفاخ الاوب طبيعي هههههههههههههههههه

المهم حيخلص الشهر واحنا نتامل نحتمي :9:
خلاص يكفي نفكر بالشيء دا اصلا :41:
الموهيم
اللقاء معاك واجوبتك كالعاده امتع شي بالحياهه
منجد احب اسلوبك بالكلام
مرا ممتع ويخليكي تقرين للاخير وانا اتمنى انك ماخلصتي كلام 004

وعقبال ما اذوقكي اكلي ونفطر سوا وانفخلك بطنك مزبوط من الاكل :41:
ياحبي لكي بس :41: :82:

\
احساس امير
مجهودك جميل 004
بانتظار النيكست بكل حماس :29: 004
يديك العافيه 004

ههههههههههههههههههههههههههههههههه :41: ياقلبي انتي 004 004

اهم شي انك مستحيل تحمسيني على شي فيه حميه :20::41:

والله وجودك هنا كان مكمل لموضوعي ومايجمل ويحلى الا بوجودك 004

كالعاده عجوبه :4: مرا احوبك وربي وكلامك مرا فرحني 004 004

اذا كدا بقول خلي الدايت يروح في داهيه :20: بس اهم شي البطن لاتتنفخ :7: :20:

اسعدتني بقووه مششاركتك ووجودك هنا ياروح قلب شوقي 004 :41:

والله يعلم ويشهد انا قد ايش احبك ويمكن انتي تعرفي :41: 004

مرا تسلمي عجوبتي عالمشاركه الاكثر من رائعه 004 :41:

الله لايحرمني منك يااارب ويسعدك يارب 004 004

[sħăgίąħ ώ βкёfè]

شقيه اولـآ كل عام وانتي بخير حيآآتي :060:
تسلمين ع الكلـآم الحلو والله مافيه اطيب منك ي بنت واحلى من نفسيتك الحلوه :060:
وعلى طاري السمبوسه افا عليك اخليكي معي ههههههه :2:

استمتعت شوقي بالقرايه وربي
احسن مني صمتي من ثاني مو انا :55:< مااحسدك ابد ي بنت :038:

وان شاء الله اتقرب منكم اكثر 004
ربي يحفظك يارب :82:

......

آخوي آحسآآس
ربي يعطيك العافيه آخوي ع المواضيع اللي دايم تسعدنا فيها :57:
ربي يوفقك يآرب :82:

ههههههههههههههههههههههه ربي يسعدك تعبونه 004

والله كنت احزن بس بابا شرير معايا انا واخواني :30:

وانتي بخير يارب والله يسلمك ويسعدك ومايحرمني منك يارب004

مشكوره تعبونه عالمشاركه الجميله دي وكلامك الاجمل :41: :82:

مرا فرحتيني بمشاركتك وقسم :4: 004

الله يسعدك ويخليكي ياقمر :82:

[sħăgίąħ ώ βкёfè]

يعلم الله ياشقية بان كلامك واسلوبك رووووعة وجعلني ادقق بكل حرف
حياتك حلوة ياشقية ونفسك احلى
وحظ بيتكم بوجودك انتي نور البيت بلا منازع

مااقول الا ربي يسعدك ويحفظك دنيا واخرة


خيالي ..: كل عام وانت اخونا الكبير الي قلبه انقى منه مافي والله يسعدك ويكتبلك السعاده بحياتك كلها يارب ..
والله لايحرمنا طيبة قلبك ووجودك معانا الي له نكهة مميزه .. من جد بذات الراجل دا مافي كلام يوفي بحقه من قوة طيبته وجمال قلبه


ربي يقدرني واكون عند حسن ظنك وظن الجميع
اشكرك اشكرك اشكرك

ههههههههههههه ياارب امين مديرنا :41:

ويسعدك ربي انتا كمان وقسم اجمل من روحك مافي هنا :4:

لوعليا بسميك بابا خوخا :4: :20: :41:

ولو والله انا اللي اشكرك من قلبي على المشاركه الجميله دي

وكلامك اللي افتخر به انا زي العاده .,

مرا مشكور مديرنا عالمشاركه الجميله دي :41:

الله يسعدك ويفرحك بشفاء ابنك يارب عاجلا غير اجلا ..,