ابيات جميله ورائع بجمال حضورك
راقت لي حروفك واستوقفتني
دمت مبدع
في كل لحظة نمسح أرقام غالين
احدن خذاه الموت وأحدن نسانا
والوقت مايمشي بحسب القوانين
يمشي على عسر الليال ووطانا
كم من عزيزن فاقدينه له اسنين
قفت به ايام الليال وجفانا:
وكم من عزيزن ندفنه بين قبرين
قبر الفراق وقبر دمعه حدانا
الله من دنياتسارع على الشين
فرت علينا لين باحت خفانا
لين افترق جمع ارجال المسمين
الي لهم في قمه المجد شانا
ياوقت منته مصافيناعلى الزين
ولانته محقق في جميع امنيانا
غير المفارق ماجنينا بساتين
ولا جت لنا الدنيا على مشتهانا
نضحك ونسلى بس ساعه ويومين
ولا الفرح ماله مواري علينا
غيرالتعاسه سابقه دمعة العين
تكتب على وجيه الليالي عنانا
والوقت مشانا على حد سكين
نبغاء نروم وثم قصرت اخطانا
وقتن تغير فيه حتى الرياحين
حتى الليالي بالفراق اتحدانا
نمشي وحنانضرب ايساربيمين
ونشوف الزمن بوجيه الاجواد شانا
والعبد عمره يوم ولا ثمانين
لابد مابه يوم يسمع عزانا
والله يصبرنا بفقد المحبين
اللي بعدهم قام يضلم سمانا
اهل السطرننثرلهم دمعة العين
لو المنايا مقبله من ورانا
والوقت شيبنا وحنا صغيرين
ونشرب وعيا لا يفارق ضمانا
ولوالحزن يرسم بوجه المصابين
شفتو بوجهي مايبيح خفانا
ولو نكتم العبره ماودنا تبين
عيت دموع العين تسمع نبانا
ويالله يلي خالق الناس من طين
تحسن خواتمنا ليا جاء منتهانا
التعديل الأخير تم بواسطة آسير الشوق ; 28-05-2014 الساعة 09:44 PM
ابيات جميله ورائع بجمال حضورك
راقت لي حروفك واستوقفتني
دمت مبدع
الذين يشاهدون الموضوع الآن: 1 (0 من الأعضاء و 1 زائر)
المفضلات