يا باغي العليا لك عشر بنود

[الاحلام]

يا باغي العليا لك عشر بنود


قصيدة توعويه رائعة - يا باغي العليا لك عشر بنود


‏​‏​ياباغي العليا لهـا عشرة ابنود
سجل وانا بمليك واحفظ عددها

من شان مايلحقك عيـبِ ومنقود
احفظ وصاتي والوصاة اعتمدها

اوصيك قبل الجسم يدبيبـه الدود
في حفرةِ لابد نسكن لحدها

دنيا العنا فيهـا مشاريب وعـدود
وكم واحدِ له حاجةِ ما وجدها

عليك بالتقوى ترى العمـر محدود
واردع هوى النفس الدنيـّه وقدها

واحفظ صلاتك تكسب الرزق والفود
تكسب مكاسيب الحياه وسعدها

وصم رمضان وزك يالشامخ الطود
ترى البيوت النايفه من عمدها

وجالس هل التوحيد والعز والجود
واترك مقاريد العباد وقردها

اللي على التفريق ياتونـك احشود
فصيلةِ دب الجهل في جسدها

واحسن جوار الجار لو كان مقرود
لو جار نفسك لاتبيـّن نكدها

والضيف عطه الطيب والطيب مردود
اكسـب جناب الطيبين وسندها

عقب الشحم والبـن قدم له العود
حيثك من اللي من لفاها حمدها

وبنت الردي لو هي زلالِ وقرهود
حذراك تقربها وتمسك بيدها

خذ بنت قرمن عند الاجواد محمود
لا جا نهار الهوش بيـن ولدها

وزلة رفيقك لالفت دون مقصود
لا تمسك الزله وهو ماقصدها

ثـلاث مررها ولا شك بشهود
والرابعه شب الحطب لا وردها

هذي عشر وان كـان تبغيني ازود
سجّل على عشر الوصايا وزدها

الظلم شين وتالـي الظلم مـردود
والغيظ شيطان القلوب وكبدها

والصّمت زين والحكي سيف محدود
والحقد غيمه والتباغظ بردها

فكر وميـّز واعرف البيض والسود
واحذر قلوب الحاسدين و حسدها

ياخوك بين الناس طارد و مطرود
ماتجهلك بعض الحرار و هددها

وان ضامتك دنياك واصبحت مضهود
فاطلب من المولى يحلل اعقدها

الواحد اللي كلبونا لـه اسجود
اللي جميع اعمال خلقه رصدها

هذي نصيحه وانت معطيني اوعود
واهل الوفى والعرف توفي وعدها

قدمتها بالمسك والطيب والعود
زرعتها لك زرع و انت اتحصدها

حميتها مـن دون ملحن وبارود
خوفِ عليها المنتقد ينتقدها

وختامها العليا لها اشروط وبنود
ياللي تبي العليا تمعن وعدها.

[هايمه بذكراك]

آنتقاء جميل ومميز يَ قمر
صح لســآن شآعرهاا
آلباري يسعدك
تقبلي مروري:82:

[عاجبني جنوني]

انتقاء رائع
يعطيك العافيه

[اتعبني غيابك]

ابدعتي حبيبتي بالابيات
ربي يعطيك العافيه

[دانه المحبين]

يعطيك العافيه على الطرح والانتقاء

[مومهم اسمي]

روعه يعطيك العافيه

[اوتار الفرح]

يعطيكي العافيه

[غلآتك غير]

اوصيك قبل الجسم يدبيبـه الدود
في حفرةِ لابد نسكن لحدها

دنيا العنا فيهـا مشاريب وعـدود
وكم واحدِ له حاجةِ ما وجدها

روعه يعطيك العافيه