الشاعر طاري الشمري يمدح جهينة

[الحسام]

قصيدة مدح وثناء مقدمة من طاري الشمري لقبيلة جهينة

أحبتي سلام الله عليكم ورحمته وبركاته ،، هذه القصيدة هي

للشاعر / طاري فنيطل الجبيلي الشمري

هو من سكان المدينة المنورة بحكم العمل ،، وقد اعجب بقبيلة جهينة واعجب بكرمهم وطيبتهم ..

وبدون أي قصور بالقبائل الأخرى ،، وقد كان هذا هو سبب القصيدة .. تستاهلون أكثر يالأجواد أرجو

بأن تحوز على رضاكم ..








اللي مصبرني على أرض المدينه
اقسم قسم باالله ماغير ثنتين

مسجد رسول الله وخوة جهينـــــــه
ماني عزّ الله غيرهن فاقد ٍ شين

الاجنبي بديارهم مكرمينــــــــــــه
على العلوم الغانمات متواصين

فقيرهم يكرم ولوزاد دينـــــــــــــه
مايصد لوياخذ عشاء الضيف بالدين

يدرا كما يدرا حدا والدينـــــــــــه
منهج عرب وصابه الشرع والدين

مهو جديدٍ طيبهم وارثينه
أعلام في غرب الجزيرة سلاطين

من الجاهليه سلمهم حافظينه
كانوا ولا زالوا على الطيب باقيــن

في راي من حاش الفخر في يمينه
الشيـــــخ ابو صياح زبن المخليــن

له قصتن كل العرب عارفينه
مرحوم يافكاك باب المساجيـــــن

للطيب بوجيه المطاليق عينه
اهل الوفاء والجود والمنطق الزين

الطيبة من لاكسبها بحينه
ماتنترجع فرصة العمر بعديـــن,,

ومسك الختام اهدي سلامي جهينه
من الجبيلي عد ماترمش العيــن,,

عد الذي جرّب وشاهد بعينه
عنده على مدح النشاما براهين,,

عند الرجال اهل العقول الرزينه,
المدح له وقت ومجال وقوانين

واللي سواهم علمهم عارفينه,,
كل القبايل بالحجاز معروفين,,

ماحناعزالله حقهم هاضمينه
صيار من ماهم عزالله خفيين,,

وخصيت أنا بالمدح لابة جهينه
وعن طيبهم عديت ماشافت العين,,

[نواري]

الحسام
يعطيك العافيه على طرحك للقصيدة

[مومهم اسمي]

يعطيك العافيه ع الطرح

[عاجبني جنوني]

يعطيك العافيه على الانتقاء

[اتعبني غيابك]

ربي يعطيك العافيه اخووي

[دانه المحبين]

يعطيك العافيه على الطرح واالانتقاء

[اوتار الفرح]

يعطيك العافيه
تقبل مروري
اوتار الفرح

[غلآتك غير]

يعطيك العافيه

[غلآتك غير]

يعطيك العافيه