بيض الله وجهه الأيام والمال القليل

[آسير الشوق]

‏​‏​


آخر الدنيا معد فيه شيئ مستحيل
انتبه ياللي بعد ماحسبت حسابها

دورة الدنيا تجارب تعلم كل جيل
تعتبر الالباب وتفوق من ماصابها

المواقف خذتلي من تجاربها حصيل
ماصفيت من السنين العجاف إلا بها

صابني ماصاب غيري من الوقت المحيل
حاجة تكشف وحاجات مايدرى بها

والدهور تضد وتهشم الضلع الجليل
ومن سلم من نابها طاح في مخلابها

والليالي سيرها بين درهام وهذيل
شـــارد ماهي تطاوع مـع ركـــابهـــا

تمضي الشدات وتمر كنها حلم ليل
واحد ماخذ من دروسها يشقابها

للرخاء والشد فالوقت خلان وخليل
واكثر الخلان يادوب حشوا ثيابها

البطا ماهو يأثر على معدن الاصيل
خامته يبطي صدا الوقت ماصدابها

لقبلت شهب الليالي وجا فالوقت ميل
بينت بقعا رفيقي وبان اصحابها

بيض الله وجه الايام والمال القليل
بينت لي صادق الناس من كذابها

بينت لي وقفة مايوقفها ذليل
وقفة اللي رفقته ماتسد ابوابها

يلتزم فالحق ويقوم بالحمل الثقيل
وماتروح حاجة له وهو طلابها

في زمان صار فيه الغدر عملة عميل
اختلط كذاب ذا الناس مع نصابها

ضاعت وجيه الحقايق بواقعنا العليل
لين ضيعنا فروع القصص وانسابها

قل منهو يتبع السلم ويرد الجميل
كثرة اللي للعداوه تحد انيابها

الردي ماله على الموقف الحساس حيل
جمرته يذبح نسيم الهواء مشهابها

والهزيله ماتجي كود من شخص هزيل
والجزال تضاف في صفحة اللي جابها

لو معي من غيب الايام والدنيا دليل
كان اجنب بعض الاشياء قبل لبدابها

لعن ابو من هان نفسه تحت رحمة بخيل
خاضع له يرتجي رحمته واسبابها.



الشاعر: صالح بن حسين العاض المري


بـــآكـ بعد غيبه:060:

[هايمه بذكراك]

آنتقاء رآئع ومميز اخوي
صح لسآن شاعرها
الباري يسعدكك
تقبل مروري

[مضاوي]

ابدااااع راقي
وفي منتهى الروعه والجمااال
كلمااااااااات من ذهب
ومعطرة بعطور ساحرة
لاعدمنا كل مايخطه قلمك لنا
تحياتي وعبير ودي

[غيبوبه عشق]

احسّاسَك جمِيل
وكًلماتَك عذبْه جَداً ..
صّح كًلك وّسلمْت عَلىَ
هًذاَ النبّْض المُميٍز

[خيالي]

البطا ماهو يأثر على معدن الاصيل
خامته يبطي صدا الوقت ماصدابها

سلمت اناملك وصح لسانك اسير ولسان شاعرها
والحمد لله على سلامتك

[سولافه]

لو معي من غيب الايام والدنيا دليل
كان اجنب بعض الاشياء قبل لبدابها

رائعه بحق
سلمت وسلمت اناملك
دمت
حياك ربي 004 :82:

[اتعبني غيابك]

يعطيك ربي آلعآآفيه آخووي


آبيآآت بقمةة آلروععه

[غلآتك غير]

بيض الله وجه الايام والمال القليل
بينت لي صادق الناس من كذابها

بينت لي وقفة مايوقفها ذليل
وقفة اللي رفقته ماتسد ابوابها


يعطيك العافيه على آلانتقاء الرآئع والمميز
راقت لي كثيير

[مومهم اسمي]

يعطيك العافيه على رووعه النقل

[اوتار الفرح]

بيض الله وجه الايام والمال القليل
بينت لي صادق الناس من كذابها

لامست احاسيس
يعطيك العافيه
تقبل مروري المتواضع
اوتار الفرح