وسن ..
وأحلامي اللي ما رسن ..
تلعن ( رسن )
من قصّة الشاطر حسن ..
لآخر تناهيدي !..
لذا ..
تصبح مواويلي كذا :
( جوع لـ غذا )
مايطرب السامع إذا ..
جودي بـ موجودي !..
وأنا ..
أجمع من حقول العنا ..
( حزمة هَـنَا )
حتى إذا قالوا ( جنى )
اقول : وبـ إيدي !..
و .. هي ..
تملك من الحسن البهي ..
ما أشتهي ..
تبدا غنجها ، وانتهي ..
لين إنبرا عودي !!..
غدى ..
صوت وتعشّم بـ الصدى !..
بس النّدا .. ضايع ..
ولاظن اهتدى ..
إلا ّ بـ ترديدي !..
وَهَم ؟!..
ليته وهم ..
بس الأهم ( قلبٍ شهم )
مادام عقلي مافهم ..
ليه أكسر حدودي ؟!!..
خلل ..
أدري .. ولكن هـ الزلل ..
( جفّه بلل )
يعني مثل ..
ذاك الملل ..
مع فرحتي بـ عيدي !..
فـ لا ..
أسمح بـ تقديم الغلا ..
( دفعة بلى )
إلا إذا ماتت ( هلا ) ..
وش خانة وجودي ؟!..
وسن ..
يـ الغانيات اللي نسن ..
( كيف اكتسن )
من زاهي الحرف لبسن ..
فكري وتجديدي !..
عسى ..
تظهر من العتمة ( نسا )
توقظ ( مسا )
من دافي البال احتسا ..
صبحي ومقصودي !..
,,
المفضلات