( بعثرة مشـــاعـــر)

[(ذكريات عاشق)]

عندما نحاول أن نترجم أوجاعنا ..
لانستطيع أن نترجمها جيداً !..

لأننا لانعلم گيف نترجم الوجع بشگل دقيق !!..
أوجاعنا الحقيقة .. تبقى في دواخلنا ..
وان ظهرت ..
ظهرت معتوهة وغير واضحة !..

الأوجاع الحقيقية لانستطيع أن نتحدث عنها أبداً ..!!


..

[(ذكريات عاشق)]

عبث نرسم ملامحنا ..
على وجه الزمان أحباب ..

عبث نرمي سوالفنا ..
على شط الأسى ونروح !!..


بگينا دمعنا .. يمگن !..
رمينا شمعنا .. أو ذاب ؟!..
نبي نبقى وطن يشقى وروح ٍ مابعدها روح !!..


ياهذا ..!!
ليش ماتسمع ..
جروح ٍ داخلي تنعاب ..
مدن عمري تنادي لگ تغني لگ ..
( بلاش جروح )

بنيت الحلم من صبري ..
وصبري في عيوني شاب !..
تعال انشد عصافيري .. مواويلي ..
حمـام الدوح !..

هنا يبگي صباح ابيض ,
طعنتـي ضحگته وإنساب ..
على آخر رمق حلمي لقيته ذابل ومطروح !!..


صباح الجرح ياقلبي ..
بلاش تدوّر الأحباب ..
هنا إرگن معاناتگ .. تعال وضمني ..
بـ نرووح ..

[(ذكريات عاشق)]

وسن ..
وأحلامي اللي ما رسن ..
تلعن ( رسن )
من قصّة الشاطر حسن ..
لآخر تناهيدي !..

لذا ..
تصبح مواويلي كذا :
( جوع لـ غذا )
مايطرب السامع إذا ..
جودي بـ موجودي !..


وأنا ..
أجمع من حقول العنا ..
( حزمة هَـنَا )
حتى إذا قالوا ( جنى )
اقول : وبـ إيدي !..

و .. هي ..
تملك من الحسن البهي ..
ما أشتهي ..
تبدا غنجها ، وانتهي ..
لين إنبرا عودي !!..


غدى ..
صوت وتعشّم بـ الصدى !..
بس النّدا .. ضايع ..
ولاظن اهتدى ..
إلا ّ بـ ترديدي !..

وَهَم ؟!..
ليته وهم ..
بس الأهم ( قلبٍ شهم )
مادام عقلي مافهم ..
ليه أكسر حدودي ؟!!..


خلل ..
أدري .. ولكن هـ الزلل ..
( جفّه بلل )
يعني مثل ..
ذاك الملل ..
مع فرحتي بـ عيدي !..

فـ لا ..
أسمح بـ تقديم الغلا ..
( دفعة بلى )
إلا إذا ماتت ( هلا ) ..
وش خانة وجودي ؟!..


وسن ..
يـ الغانيات اللي نسن ..
( كيف اكتسن )
من زاهي الحرف لبسن ..
فكري وتجديدي !..

عسى ..
تظهر من العتمة ( نسا )
توقظ ( مسا )
من دافي البال احتسا ..
صبحي ومقصودي !..


,,

[(ذكريات عاشق)]

ياإنتي ..

وين گنتي ؟!..
يوم صدري ضااقت الدنيا عليه !..
وإنگسر به گل شي ..
حتى هالملعون حزنه مايـبـيـه ..!!
وانتي عنّي ماسألتي ..!!
وانتي صرتي ..
فيني وحدگ تسگنين ..!!



يااا ,
يـ انتي ..
وين گنتي ؟!..
ليلة ضلوعي عطاشى للحنين ..
وانتي فيها تگبرين !..
وأنا أهرب ..
أهرب ..
أهرب ..
عن عيون العابرين ..
عن ظنوني واليقين ..
حتى عن وجه السنين ..
و إن خـنـقـتـيـني بـــ ليه ؟
قلت لگ :
مو خوف لگن ..

ماابغى ألقاني حزين !..

[(ذكريات عاشق)]

هذا أنا ,
وحدي .. وگني بدوني !..
أرگض مع هالناس أبحث على ناس ..

ياگثر ,
ماشافت ملاامح عيوني ..
لگن ولاشافت أثر لـ أيّ احسااس ..!!


يالراحلين ,
هناااگ عني .. خذوووني ..
ملّيت اقطف من شجر آهتي ياس !..

[(ذكريات عاشق)]

ياليت لـي قلـبٍ إذا فـارق النّـاس
لا يحن / لا يذكر / و لا يبتليني .!

وياليت لي جفنٍ تثاقل بـه انعـاس
وأناام طول الليل ماتفيق عيني .!

[(ذكريات عاشق)]

ماأحب ,
أتضايق ..
ولا أحب أستاء ..

ياصبح رتبني ,
ورتب حنيني ..


في داخلي ,
فوضى تعابير واسماء ..
ووجيه گانت من عمر تحتريني !..


أخطيت ؟!..
أصلاً أغلبي گومة اخطاء !..

والطيش يغمرني ,
وممزوج فيني !!..


لو أحتفظ بـ أشياء ,
ضيّعت اشياء ..!!

أشتاق ,
ايه أشتااق ,
بس شوف عيني !..


وأحيان ,
أتلاشى الى حد الإعياء !..

وأغفى وله ,
والبرد يحضن ايديني ..!!


ياصبح ,
وينه فيه ؟!..
أبطى ولا جا ..‍!

قولوا له اني صرت ,
ماعاد أبيني !..





وأتذگره ,
وارجع ..
حزين وأستاء !..

ياصبح لو رتبت ,
يبقى أنيني ..!!


,,

[(ذكريات عاشق)]

ماعااد ,
فيني شعور ..
ويحرگ شعور !..

الليل دافي ,
لو يخوّف ظلامه !..


وش للمواجع ..
تلبس انسان مگسور ؟!!..
لفّه ( حـنـيـنـه ) وسط عينه ونامه ..



هذا أنا ,
تاايه ,
يلوّح لي النور ..

تبگيه طفله في يديها حمامه ..!!

[(ذكريات عاشق)]

وحدك من يعلم أنني في هذه الساعة لا أجيد البقاء وحيداً ..
وحدك من يعلم أنني الآن مُرهقٌ .. وأستجدي خيوط النوم دون جدوى !!..



وينك ؟!..
كل صبح بدونك انت .. ماهو صبح !..

[(ذكريات عاشق)]

ولأن الحب في مدينتي لايكون إلا ليلاً ..
والشجرُ المُمتدّ على أرصفة الطرقات يبكيه بحرقه ..
فقد كُتِبَ على أجنحة النوارس , وعلى أصوات الناي ,
وعلى ثواني الساعة ودقائقها .. وكل تفاصيلها ..


هو حبٌ ..
لم يُخلق مثلهُ في البلاد !..

هو تفاصيل دقيقه كما يرويه المطر لي ..
هو أشياء استثنائيه لاتتكرر في معظم اللحظات التي يكون فيها موجوداً ..!!
هو رسائل , وحكايات , وأرصفه , ومواعيد , ومقاهي ..
وأشياء كثيره وجميله ..

هو كلامٌ صامت , أنفاسٌ حائرة , طريقٌ طويل وغير مُعبّد ..
هو لقاءٌ وفراق ..
حضورٌ وغياااب !!..

مُكالمات لم يتم الرد عليها ..
رسائل في صندوق الوارد !..
مسودّات .. تقارير ..

وحالاتٌ تأتي بينها .. كلّ الحالات ..!!


الحب في مدينتي يكون تهوراً إذا كان من خلف الشبابيك القديمه ..
يكون جنوناً إذا كان الرحيل خاتمة لكل شيء ..!

الحب في مدينتي شيءٌ بين الأشياء العتيقة والغامضة ..
المنحرفة والغير منحرفة ..
الواضحة والمُبهمة ؟!..

الحب في مدينتي لايأتي بعد المطر ..!
الحب في مدينتي أشبه بالخريف ..
تساقطٌ حتى التعرّي !..

الحب في مدينتي مثل القلائد والجواهر التي تُعلق في محلات الذهب ..
ولا تُباع .. فقط تُعرض !..

الحب في مدينتي مثل الوطن الكبير ..
الذي يتعرض لإحتلال ..
ولا يستطيع الخلاص منه ..
إلا بمساعدة المُحتلّ ..!!


الحب في مدينتي في لوحٍ محفوظ ..
لا يُحركه أحد ..
ولا يتحرك بمفرده ..!


ببساطه ,
الحب في مدينتي ( كافر )
كافر بكل الأشياء الجميله ..
كافر بكل الصور..
بكل الأماكن .. بكل الأغاني ..


بكل شيء ..!!


,

[(ذكريات عاشق)]

تايه ,
وحزني فوق الأنظار ..
بادي !..

و تهزّ قلبي ..
( الذگريات القديمه )

وأروح أبعثر ,
في حنايا فـؤادي ..
وألقاني أبيض والنوايا سليمه ..


ياصاحبي ,
ياللي بلادگ بلادي ..

عندگ ( سلف فرحه ) بـ أيـّاة قيمه ؟؟..


ماعادني قدّ السنين ..
ومرادي ..

أعلّمگ ..
صـدق النديم لـ نديمـه ..


عادي تعثّر ..
طيح ..
بس لاتنادي !!..

وتگون طيحاتگ ..
بـ عزّه وشيمه ..


الغربه اللي ,
وسط الأغراب عادي ..

والغربه اللي بين ناسگ أليمه ..!!


,,

[(ذكريات عاشق)]

أصعب اللحظات ,
بعد اللي تحب ..
وأصعب الگلمات گلمات الوداع ..

والسؤال ,
اللي أحسّه وإنگتب ..
وش يفيد البحر لو خان الشراع ؟!..

گنت لگ :
أصدق شعوراً ما گذب ..

وگنت لي :
دمعات وجروح ٍ وساع ..!!

ماترگت ,
لگل افعالگ سبب ..
لجل أعاتب مامشيته باندفاع !..

جيت يمّگ ..
والعطش فاقد سحب ..
وإنگسرت من الجفاف بلا صراع !!..

فاض گاسي بالمواجع لا تصب ..
مارضيت بغيبتگ لويّ الذراع ..

ليه تنثر ..
گل أحلام المحب !..
الزمن قبلگ شرى فيني وباع ..

لايغرّگ قولتي ..
صدري رحب ..
گابرت نفسي على طيحة شجاع ..


رووح ..
والذگرى محطات التعب ..
والسگوت أحيان للحگي القناع ..

وإن قدرت تحب ؟..
حب اللي تحب ..
المحبه أحيان آخرها الودااع !!..

[(ذكريات عاشق)]

ياعازف الناي ,
صوت الناي يبگيني ..
گل ماسمعته يمر أول على بالي ..

تجيب من داخلگ ,
بعضگ .. وتشجيني ..
وفي بحّة الناي رجفه تسگن أوصالي !..

هالصوت گنه ,
جذور الحلم في طيني ..
ينبت أمل ويتساقط اگثره خالي !!..

فنان تلعب طرب ,
تعبث بتگويني ..
مجروح تعزف لحن حالگ گما حالي ..

خلطة تعب ,
أو عتب أو شي يغويني ..
مدري ولگن الأگيد يزيد غربالي ..

شفني على الطاوله ,
فـتّـقت أنا سنيني ..
اخيط هم ٍ جديد وأفرّ في بالي ..

ويمرني الوقت ,
واقراها عناويني ..
وتعيد لي الذاگره بعض ٍ من أحوالي ..

ياعازف الناي ,
طاح الدمع من عيني ..
وبوسط سمعي جرى مر ٍ مع حالي ..

ياعازف الناي ,
صعب إنگ تواسيـني ..
ذگرت من سبّتگ گم راح لي غالي ..

ياعازف الناي ,
لاتزيد الألم فيني ..
ماابغى أشوف الفرح بعيون عذالي ..

ياعازف الناي ,
ازفر من شراييني ..
شي ٍ شهقه العمر في لحظة اهبالي ..


ياعازف الناي ,
عزفگ حيل يرديني ..

وگل ماسمعته تمر ( أمي ) على بالي ..

[(ذكريات عاشق)]

,

قد تُعيشنـا مخيلـتـنـا ,
في حالة من الإقـتـنـاع أننا مهمين ..
بالنسبة لـ أشخاص معينين في حياتنا ..
ولگن تاتي المواقف لتصدمنا وتبين لنا عگس مانتوقع تماما !..

ماگان يؤلمني سابقاً ,
هو اهتمامي وقلقي وحنيني واشتياقي لهم ..
ومايعجبني الان أني ماعدت اشعر بذلگ تجاههم ..

من يحبني ,
فهو في حياتي شيء مميز ..
ومن لا أهمه فهو بالتاگيد لايهمني ..


تعلمت ,
أنني لن أجامل ولن أتالم ..
فـ مشاعري ليست لعبه لديهم ..

فهي گل ما أملگ ..


,,

[(ذكريات عاشق)]

نصّ البشر ,
من ناظري يافهد ..
طاااح !..

ماگنّهم ,
على الوفا بايعوني ..!!


مالاح طاريهم ..
ولاذگرهم لاح ..

ياليتهم على النقا ( وادعوني )


أنا اشتريت ,
أنسى ولاأشيل وأرتااح ..

وهم إشتروا ,
تفگيرهم في طعوني ..!!


..