سقا الله زمان زال وبالذاكره مازال

[اتعبني غيابك]

:::::

سقا الله زمانٍ زال وبالذاكره مازال
فداه العمر لو راح الاول على التالي

..

قبل من عوايدنا نعشق السهر لا طال
معي بكل يوم وليله اقرب من اظلالي

..

تنام بعيوني فارعه ماعليها شال
سترها الغلا والخوف من عين عذالي

..

وفجأه بلا موعد صحينا على زلزال
اخذ كل شي ولا ترك غير غربالي

..

بقا بيننا يمكن تواصل بقايا وصال
تجيني بعد مده تدور عن اوصالي

..

مجرد سلام ومانسيتك وكيف الحال
هذا آخر الغالي وحقه وهو غالي

..

واذا مر وقت ولا لفى منها مرسال
وبديت التفت عن حالها شوي في حالي

..

عن اللوم والشرهه رسايل علي تنهال
من يدينها واحسها تسولف قبالي

..

يقولون : مايبكي على المقفيه رجال
وانا اقول : جعل قلوبهم مالها والي

..

على وين ماراحت اسوق القدم رحال
اخيل المدى والدرب موحش وبلحالي

..

ادور حدر غيمة مواعيدها همال
ولا شفت منها غير موعد مع اهمالي

..

خلاص انتهينا مابقا للسنين آمال
بعد ماقِصر مرسالها مات مرسالي

..

هي الحين صارت راعية بيت وام عيال
وانا الحين مثل اول على خبرها حالي

:::::

[هايمه بذكراك]

آليمه
آنتقاء رآئع يَ قمر
مميزه كآلعادهه
آلباري يسعدكك
تقبلي مروري:82:

[غلآتك غير]

نقل رائع واختيار موفق
يعطيك العافيه

[اتعبني غيابك]

آليمه
آنتقاء رآئع يَ قمر
مميزه كآلعادهه
آلباري يسعدكك
تقبلي مروري:82:

آلـآروع طلتك بموضوعي

وآلتمميز منك وفيك

ربي يعطيك آلعآآفيه

ع روعة حضورك

[اتعبني غيابك]

نقل رائع واختيار موفق
يعطيك العافيه

آلـآرووع مرورك غلـآتك

ربي يعطيك آلعآآفيه

ع توآجدك آلرآئع

[احببتك فا جننت]

يعطيك العافيه على رووعه النقل
ويسلم لنا هالذووق الرفيع..
ننتظر جديدك

:81::81: