الشايب والبكره والحاشي

**الهاشمي الفارس** · 10-07-2013, 02:59 AM

كان هناك شاعر متقدم فى السن...
ولكن بعد ان كان شاعر غزلى مبدع... وكان يحب إلا أن حظه كان يعاكسه ولايمشي مثل مايحب...

وبعد سنين طويله من تركه لشعر الغزل..

وهو فى السوق( وطبعا تعرفوا اسواق زمان كيف كانت..

الرجال ماشئ وشاف حرمه ومعها ولد صغير... الولد ماشاء الله عليه القذله الشقرا والثوب ويجرى خلف امه.. وامه استحسن منظرها الشاعر..

وكان يبى يتودد ويتقرب منهم... وفكر يقترب ويشيل الولد ويسلم عليه...

ولكن الام حست.... والتفتت الا والرجال قريب ويبى يشيل ولدها

( كان الرجال فى نيته يشيل الولد ويسلم عليه( ومحبة الابن من محبة الام)

المهم يوم اقترب... الام ثنت نفسها وشااااالت ولدها...

وهى ثانيه نفسها انكشف عن ذراعها واساورها وحليها الى بذراعها ولقطت الولد ومشت وقفت عن الرجال...

الموقف اثر فيه... واوجعه بقلبه.. وعرف ان الحظ مازال عكسه..

فهيج هالموقف نفسه وقال قصيدته التى

يشبه الام فيها بالبكره... والولد بالحاشي...

يـوم المقاديـر والاسبـاب ساقتنـي***وانا عن اهل الهوى مقف(ن) ومنحاشي
البكرة الـى تبـوج السـوق لاقتنـي***تمشي على هونها يبرى لهـا حاشـي
اسرعت اباجـود الحاشـي وعاقتنـي***يوم انهـا تلتفـت وتناظـر الماشـي
حليهـا بـان والذرعـان شاقتـنـي***درت بى انى من اهل الصنف قماشـي
اطمعت ابـى بوقهـا لاشـك باقتنـي***وانا نصوح(ن) لها مانـى بغشاشـي
قلب الخطايـوم عاقتنـي ولااسقتنـي***هافت غصونه وزرع القلب عطااشـي
يوم انى اقنص وبارودي على متنـى***وانا تـراي اخـذ الشوكـه بمنقاشـي
واليـوم صديـت والايـام اراقتنـي***ماعادلـى بالهـوى ومتابـع اللاشـي
عديت فى مرقـب العشـاق وارقتنـي***راعي الهوى لوتعلـى فيـه ماعاشـي

يا زين الشي لا صار ع البركه وغصب ونااااااااااااااااسه
اتمنااا راقت لكم
مثل ماراق الي
محبكم
الفارس الهاشمي