ماني بثوب تلبسه ثم تمله...

**هــمس** · 20-06-2013, 10:04 PM

سو الي براسك ولاتذكر اسباب *** لاصرت بايعني توكل على الله

مابيني وبينك مشاريه وعتاب *** شف دربك الي جيت منه تدله

ماراح تغلبني لو الحب غلاب *** من حضرتك عشان قلبي تذله

في ذمتي لجعلك عبره للاحباب *** لين الخل يتوب عن جرح خله

زلاتك الي مانفع فيها احساب *** لاجيت اعددهن ثمانين زله

احرجتني بين القرايب والاحباب *** كن الجفا سيف بوجهي تسله

ماكنت اقصر فيك من كثر الاعجاب *** يومك تساوي عندي الكون كله

كنت القريب وكلهم كانوا اغراب *** حتى القمر لاغاب شفتك محله

خلاص لاترجع ترا خاطري طاب *** ابي طرا اللي كنت عايش بظله

رح واعتبرني واحد اذنب وتاب *** ماني بثوب تلبسه ثم تمله

مايجتمع بالحب صادق وكذاب *** رزقي على الله وانت رزقك على الله

**وجودي غير** · 22-06-2013, 04:01 PM

زلاتك الي مانفع فيها احساب *** لاجيت اعددهن ثمانين زله

روووعه يعطيك ألف عافية

**نورالدين** · 22-06-2013, 04:01 PM

هــمس

ماراح تغلبني لو الحب غلاب *** من حضرتك عشان قلبي تذله

في ذمتي لجعلك عبره للاحباب *** لين الخل يتوب عن جرح خله

المعنى هنا وإن كان شعري متجرد إلا أنه في ذات الوقت فلسفة وحكمة ، وهذا ما يعطي قائلة صفة المبدع المعلم والمصلح الملهم .

نور