تبون تعرفون كيف يسوون زبدة الشياء . تعالوا اقولكم .. بالصور

[مومهم اسمي]

^^ زبــــــــدة الشيــــــــا ^^




موضوعي فيه شرح شلون يصنعوون لنا الشيا قبل لا يبيعونها لنا ..
في البداية ثمرة الشيا تستخرج من شجرة الكارتييه اللي تنمو في افريقا و خصوصا بكثرة قي غانا


و يتم موسم حصاد ثمرات الشيا و اللي تعتبر مثل المكسرات و تتكون من قشر بداخله الثمره الجافة
و يتم تجفيفها بالشمس من 4-5 ايام

بعدين ياخذونها و يحطونها في وعاء كبير و يدقووونهاا عشان ياخذون الثمرات اللي داخل

بعدين ياخذونها و ينخلونها بمنخاله للتصفية

الحين هاذي الثمرات اللي طلعوها

و مره ثانيه ياخذونها و يحطونها بالوعاء و يحطون لها شووويه ماء عشان يخلونها لينه و ماتكون جااافه و يدقوونهاا

الحين صار عندنا ثلاث مراحل هي : ثمرة الشيا يوم كانت مختلطة مع العشب / البودرة اللي يسمونها قهوة و توقع كانت من طحن القشر / اخيرا الثمرة اللي صارت طرية ..


هاذي المرحلة هي اللي كانوا يدقون الثمرة مع المويه .. شوفوا شلون صاااارت ...

المره هاذي يظيفون بعد شووية مويه و هالمرحلة يسمونه " مرحلة الشوكليت "

المزييييييييييد من العجن المستمممممر ~..



يـــــــــتـــــــــــــــــــ بـــــــــــــــــع

[مومهم اسمي]

و بعد المزيييد من العجن عشان ثمرة الشيا ما تبي إلا شغل يد و بس >> اللله يعينهم تعب

بعد العجن اللي كان من 30-90 دقيقة يظيفون بعد ماء لها

و يتكون عندنا زيت من خلال العجن ..

و هم يغلونها بالماء بعد ..

الحين صار نتيجة العجن المتواصل مثل الطين ..

باخذون الطين و يحطونه بالجدر و يطبخونه لمدة 15 دقيقة عشان يطلعون الشوائب المحروقة شوفوها على طرف الجدر و بعدين يصفونها بخامه يصبونها بوعاء نظيف و يبردونها ..


الحين جا وقت تبريد زبدة الشيا ..

و هاذي شوي من الشيا اللي قطعوهاا ..


يتبــــــــع

[مومهم اسمي]

شغله مهمة احب اقولها ان في شمال غانا تكون الشيا اللي يبيعونها على شكل كور صغيييييرة ..

و في غينيا العليا يبيعونها على شكل كور كبييييرة و مربوطه بأوراق الكابوك ..





و بالنسبة إذا تبين تعرفين زبدة الشيا العضوية ( اورجانك ) اللي اهي الخام و زبدة الشيا المكررة ؟؟؟؟؟
فية فرق بينهم كبير لان العضوية تجيك ما في معها أي شي بتاتا و لونها عاجي او درجات الاصفر و المكررة يجيك لونها ابيض بس ليش المكررة ما تفيد اكثر من العضويه ؟؟

اضغطي هنا لمشاهدة الصورة بحجمها الأصلي


أنا اقولك بعض الناس مايحبون ريحة زبدة الشيا العضوية اللي تكون قويه فيتجهون لشراء المكرر بس هالمكرر هذا يحطون معاه مواد كيميائية و يعرضوها للطبخ بدرجات عالية و اكثر من اللازاااااااااام و بجذي زبدة الشيا راح تفقد شكثثثثثر من الفيتامينات المهمة للبشرة و التنعيم و اللي فيهم الخطوط البيضاء ( سترج ماركس ) مثل فيتامين A و فيتامين E


دعوآتكم ,, انتهى

[الشامخ]

الله يعطيكي العافية مومهم اسمي

معلومات وتقرير جدددددا حلو

وانا اللي اسمع زبدة الشيبا مدري شيا واحسبها اكل :9:

طلعت من خلطات الحريم :9:


عوافي يابنت :82:

[سولافه]

يالله اول مره اعرف هالمعلومات عنها وكيف يطلعونها اللي اعرفه انها مفيده للبشره ولشعر
وسعرها مو هين بس مفيده ماااره للي يستخدمها
تسلمين يابعدي
يعطيك العافيه 004 :82:

[ام سوسو]

معلومات جدا هامه
سلمت ي انيقه

[منارالكون]

يعطيك العافيه

[اتعبني غيابك]

يعطيك الف عااافية

و بارك الله فيك

دمت بعطاء لاينقطع

[مومهم اسمي]

شاكرهـ لكـم هذا المرور العطر الذي اضاف لصفحتي مسكــاً وريحانـــاً ..!

[لحن سلمان]

يعطيك العافيه حبيبتي
طبتِ