الجرح مـاهو خآطر شوي ويرووق

**βέşђ** · 28-02-2012, 08:24 PM

الجرح ماهو خاطـر شـوي ويـروق
الجـرح حتـى لـو تشافـى يعللـكـ

واذاك متحمـس متاهـات وطـروق
انـا تعبـت اشـد حيلـي واحاولـكـ

سماي ما شيّ شمس ورعود وبروق
والريـح ماهبـت ولايجـري الفلـكـ

والقلب ناشف بحر وشقوقـه شقـوق
وشلـون بيكـوّن سحـاب ويبلـلـكـ

يا ضامي انا الضما ومتشبع حـروق
واذاك ضامي للمواصل .. انـا هلـكـ

متعومس وحـزن النبـلاء مرمـوق
يعني لو احتاج الك ماجيتـك اسألـكـ

اللي علي اشكـي واعاتبـك برفـوق
واقـولـك ودي مـاعـاد اتأمـلـكـ

مـن دورة الايـام ياخـوك مخنـوق
الوقت مشاني مـن السلـك للسلـكـ

ازل خطوه .. بس مـا ازل منطـوق
ولو صارت ابحب خشمـك واجاملـكـ

يبقـى البنـي ادم مجـرد ومخلـوق
ملك .. ولكن في الحقيقه بـلا ملـكـ

والناس عوق الناس والدرب مسبوق
تتعتب على اشياء و بالاخر مـآهي لك

كذاب.. قايل كـل مطـرود ملحـوق
سنيييين وانا اطردك وازريت لا اوصلكـ

كنك تطيش وكنـي ادور فـي طـوق
كل ما وصلت اخرك يطلعلـي اولـكـ

ليت مافي خاطـري شـوق وحـروق
ماكان حسيت ان انا بس مـن كلـكـ

الشوق ماهو رعشه وقبضة عـروق
وماهو اللي من شينك فعينك يجملـكـ

وماهو شعور ياخالق الروح برفـوق
وماهو سحر ولا ادري والله شقول الكـ

انا سحابة حلم وتطيـر بـك فـوووق
وتطـيـر ولا ودك انـهـا تنـزلـكـ

الشوق هذا .. والا انا شوقي البـوق
ماقد حصل في شوق هـذي ولا تلـكـ

تدري وش اسوي ليا اضناني الشوق؟؟
اسـوي بعيونـي كــذا واتخيـلـكـ

واقربـك واتـوق واتـوق واتــوق
واكثـرك واحلـف ماعـاد اقلـلـكـ

واصورك في الموق وتكبر على الموق
وتطيح مع دمعي على ايـدي واقبلـكـ

هذا غـلاي اللـي مـع الـدم مـدق
وقولا عاد تسأل عن شعوري وازعلكـ

محبة ماهيب مـن طـارف السـوق
لو انـك توكـل.. كـان والله لاكلـكـ

جيتك حقوق ورحت ماعنـدي حقـوق
وان قلت ما احبك ابجحـد مواصلـكـ

احبك .. الا يا بـري حالـي وعـوق
من كثر ما احبك اخـاف انـي اقتلـكـ

**صمتي مهابه** · 28-02-2012, 08:46 PM

[align=center][table1="width:95%;"][cell="filter:;"][align=center]تدري وش اسوي ليا اضناني الشوق؟؟
اسـوي بعيونـي كــذا واتخيـلـكـ

رووووووووووووووووعه
ذائقه شعريه رائعه[/align][/cell][/table1][/align]