تفرقت عائلات والسبب ,,الواتساب !فمــا؟

[00.00.01]

قصيدة زوجه رافضه بتاتاً بأن يكون لزوجها

الو تس اب

من غيرتها الشديده له

فقــالت:

والله وأنا بنت الرجال المشاكيل
ماتحط الو تس اب ياعبيد عندي
ماني مثل باقي الحريم المهابيل
رجالــــها لآراح مــرواح جدي
(بو ليــت) ماعذرب كثير الرياجيل
ألو تكفي كان تبغى مـــردي
ماتنفع المــوضه وكثر الأقاويل
وش فادة الموضه جدك وجدي
ياعبيد ذي والله سوات المهابيل
وان مانفع قولي طلاقي بيدي
والله وانا بنت الرجال المشاكيل

ماتشغل و تس اب ياعبيد عندي

رد الزوج ابو عبيد على زوجته

والله وانا ابوعبيد راعي المعاميل

لانزل

الو تس اب وانتي بحدي

ماهمني وان قيل عنا مهابيل
هذا تطور وانتي يابنت هدي
بوليت ماضي وال applطور الجيل
امشي مع الايفون كني افندي
دايم يونسني مع تالي الليل
وقصر على صوته وجيبه لخدي
لاصرت جالس والبشردمها ثقيل
عودت للي يوم ماصارضدي
اضحك معه ويجر عندي مواويل
ويوصل الاخبار لحد عندي
تطوري ودشي مع تالي الجيل
وخلي السوالف لاتزيدين التحدي

,’

هل فعلاً الو تس اب سبب مشاكل إجتماعيه بين الأزواج؟

هل فعلا الو تس اب قنبله مؤقوته تنسف البيوت اذا تم الادمان عليه؟

المشكله انه صار مثل الادمان الزوجه او الزوج اللي طاح فيه ياخذ كل وقته فاصبح بدال مايسولف مع زوجته صار على الو تس اب والزوجه بدال ماتسولف مع الزوج صارت علىالو تس اب ولا كأن الرجال موجود

طيب وش الحل الى هالدرجه الو تس اب يشغلك عن اللي حولك

طبعاً الضحيه هم العيال اللي ماحولهم احد الام ماهي فاضيه

يالله بس على

الو تس اب والرجال نفس الشي

بِ إنتظار أرائكم

[βέşђ]

يب صصح سبب مششاكل كثير انا اشووف اللي حوولي بالمرة مسبب مشاكل للمتزوجين ومن جد السوالف صصارت بالواتس لا اكثر << من التخلف صصراحه

الله لا يبلانا بما بلى عبااده

يعطييك الف عافيه رايق

[Ghla]

آأشوف مآأ فيه شيءً زيه زيً آأي برنـأآأمج ,’

الخخرـأآب مو منهَ ,. منَ الي يستخدمهُ غلط ,


عوآأفيً ع آألطططرح 004 :82: ,’

[00.00.01]

بس مهما كان الغيره ماتجي ي هذا الأسلوب

بس هل تعتقدون تصرف الزوجه عقليه ضعيفه ؟ ام تصرفت بشكل صحيح بمنع الزوج من برنامج الو تس أب ؟

لو حصل معاكم هذا الموقف ايش راح تتصرفون سوااء الزوج او الزوجه ؟

[هلامية فكر .. !]

آأشوف مآأ فيه شيءً زيه زيً آأي برنـأآأمج ,’

الخخرـأآب مو منهَ ,. منَ الي يستخدمهُ غلط ,


عوآأفيً ع آألطططرح 004 :82: ,’

هذا الرد كافـي أظـن . .

[غدير]

جت على الواتس
خلها على الله ( الي اشوفه ادمان موب طبيعي
الله يستر بس :139:

اتوقع بتكون من شروط الزواج ماهي مثل قبل ( تطلب بيت واكمل دراستي من هالخرابيط

الحين ما يستخدم الواتس ولا البارلينقو ( لقيت الحل :58:

[عجآيب]

ههههههه رهيبه الابيات


يرجع للي يستخدمه ويرجع للثقه اللي هيا اهم شي
بالنسبه للمتزوجين المفروض يستخدمونه وقت الفراغ مو طول اليوم

بس انو من ناحية يجيب المشاكل فهو فعلن كذا

يسلمو الايادي رايق :82:

[00.00.01]

اشكركم ع التواجد ونقاشكم في هذا الموضوع

[الأميره]

صرااااحه الواتس آب مسلي وقت الفراغ ومو مثل الشات لا هو برنامج آمن لان ماتقدر تكلم الا المضافه ارقامهم عندك ..

وهو برنامج صرااااحه مسلي وممتع للغايه مثل المحادثه وتقدر ترسل من خلاله مقاطع فيديو وصور صراحه وناسه ..

انا عن نفسي تكون اختي او اخوي جنبي اكلمه من خلال الواتس آب وهو جنبي ((من جد فراغه وناس فاضيه هههههههههههه))..

لكن متى تكون هناك مشاكل لما الانسان يسئ استخدامه هنا الغلط..

واهم شي الثقه فاذا انعدمت الثقه انعدم كل شي,,

يعطيك العافيه رايق..

[بنت القصيم]

يعطيك العافية على الطرح
لاوالله مو لهالدرجة
انا من كثر مايرن عندي احيانا صرت اقفل الواي فاي
صوته يسبب لي ازعاج وقلق
وماصرت اهتم فيه
ومستحيل اصلا اجلس اقرقر على الواتس
اكثر شي نسخ ولصق دائما
هو فعلا انتشر
لكن معاه برامج اخرى الكاكاو الفايبر اللاين وو ....الخ
ياكثرها البرامج
لكن الواتس اكتسح الجو لانه يقبل على جميع الاجهزة حتى نوكيا القديمة