بسم الله الرحمن الرحيم

لولا الدموع تطفي الشوق ساعات
كان الخفوق اشتب من كبر شوقه

ياحب عــانا في الحياه الصرعات
بدى التصدع فيه واوضح شقوقه

اختلت اوزان الهوى بالاشـــاعات
وغزو الحسد بحصار تحته وفوقه

كان الحسد مفرد واصبح جماعات
ويكـــبر ويزداد ان تمدد عــــروقه

الله من قلباً شـــــــــكى ايام لوعات
ماله جدى الا الشعر واحلا طروقه

كان الامل يجلس مع الزين جلسات
ياخــــــــذ ويعطي والغلا له حقوقه

حتى ولو ماتســـعفه طول الاوقات
يكفيك فوح الورد ســــاعة شروقه

ياقلب مغـــــــــــرم لاتهنا ولا مـات
جــف وذُبل والغيث غــابت بروقه

جــــــاوب بوناته عويل الحمامات
وعانا وغـــرق فايض الدمع موقه

لاجــــــاه محبوبه ولا جت سلامات
دمه تخـــــــثر في مجــاري عروقه

ودو ســــــــلامي واثبتوا بالعلامات
وقولــوا لها عهد الوفاء من يبوقه