لإ تمد الشوف ] ..

[هلامية فكر .. !]

-

لاتمد الشوف صدر الضيق ماهو مستتر
ماكفاك إنك خذلته .. يوم بيدك : تكشفه

ياترى هو كلما طال العمر مال \ الصبر
وكلما مال الصبر .. جانا الجراد و أتلفه

من حنين وذكريات الأمس وأحلام الصِغر
لين صمتي وإحتضار أشواق بك متلهّفه

كم زرعتك حُب تثمر لي عناقيدك قهر !
كني إللي يزرع إسهاده ، وبيده يقطفه !

كم تعكزني شحوب الدهر أعرج / مِنكسر
كم شحذت الوقت يعطيني حلولٍ منصفه

مو حرام إنك تخلي حسرتي بأول سطر
إنقضى عمري وانا أدور لوجهي أغلفه

قلت أصب النوم في عيني تغافلني سهر
لوّن أشيائي .. وباتت هالحلوم إمطرّفه

طاحت متوني من متوني وصبري إنتثر
فوق خد الريح وأسراب البلابل ترشفه

أعتلي مركاي وآخذ من على رفّي كدر
وأقعد أتصفّح زمانٍ شآخ \ علّك تسعفه

في غيابك يستفز الطير أغصان الشجر
وانت مامليت من وسّع الفضا والرفرفه

لاتخليني زجاجة غل في وسط / البحر !
لاتبيع إللي شرى ودك برخّص التكلفه .!

مو مصيبه : لو أدور للعمر بعدك عُمر !
المصيبه لو مضى عمري وبيدك تنسفه

شاعرك ماكنه إلآ عاش للضيقه / صدر
فك أزاريره .. وطيّر لك حمامة أفئفه !

عاشقك شافك بعينه موطنه بالمخـ. تصر
وإن بقى به مُخ تصرّ إنك تغيب وتجرفه

( أعطني حريتي أطلق يديّا بـ أنتشر )
ليش يومن قال لك أطلق يديّ .. إتكتفه !

كنت له شمسٍ يداعب ضيها خد البحر !
كنت له غيمة وفا صادق ، تبلل معطفه

كنت له أقرب لنفسه من ملايين البشر !
كل همه لاظلمّه الدهر .. قُربك ينصفه ؟

عالاقل حس بحنينه ياخي الهجران مُر
ولّع البهجه .. طفى قنديل أيآمه [ شِفه ]

القهر : ماهو الا منك هجرته .. القهر
لالقاك وقال يامحلى الصدف .. ماتعرفه


-

[صمتي مهابه]

[align=center][table1="width:95%;"][cell="filter:;"][align=center]عالاقل حس بحنينه ياخي الهجران مُر
ولّع البهجه .. طفى قنديل أيآمه [ شِفه ]

القهر : ماهو الا منك هجرته .. القهر
لالقاك وقال يامحلى الصدف .. ماتعرفه




قصيده قمه الروعه والجمال
سلمت لنا ع ذائقه الجميله
دمت بخير[/align][/cell][/table1][/align]

[عجآيب]

هنئيا لناإ بذائقتك الخورآفيه .. ..||
راقت لي واكثر
يستحق ***** + تقيم + :82: