قصيدة المعلمه سارة يوم شافت حبيبها جاي يسجل بنته

[بنت القصيم]

[align=center][table1="width:100%;background-color:black;"][cell="filter:;"][align=center]
[align=center][table1="width:85%;background-image:url('http://www.m5zn.com/uploads2/2012/1/26/photo/gif/01261204014942tkog7ngsr1zd.gif');"][cell="filter:;"][align=center]
[align=center][table1="width:70%;background-color:black;border:5px groove deeppink;"][cell="filter:;"][align=center]
قصيدة المعلمه سارة يوم شافت حبيبها جاي يسجل بنته :
يانوره بالله اسمعي لاتصدين
يابنت حرن مركزه بالصداره

شي جرالي قسم القلب قسمين
وابلا ملامه افهمي للعبارة

باول دوام المدرسه يوم الأثنين
معلمه في وجه باب الأداره

وقفت باللجنه على سادس اثنين
مثل المجند ينتظر للأشاره

هاذي تنادي وهاذي ابله انا وين
زحمه وتو اليوم بأول نهاره

اصوت لثنتين وبيدي ثنتين
نوره مضاوي عايشه مي ياره

وسمعت صوتن رجع القلب لسنين
صوت الذي اسمه بنقش السواره

اختي عن اذنش ناقل البنت هالحين
تفضلي الأوراق والأستماره

عجزت لا اجاوب ولا ارمش العين
طول سكوتي وهو طال انتظاره

حسيت ان الدم مثل البراكين
شريان قلبي وصل حد انفجاره

ورفعت راسي وصارت العين بالعين
ولمحت في عينه سواة الشراره

هو هو والا واهمه يامسلمين
زوله ورفعة حاجبه مع سماره

لا ماتغير فيه ياكود شيين
حف الشنب والشيب زاد بوقاره

اتلا علاقتنا ثلاثه وتسعين
باول حلاة العمر قبل انكساره

الشاهد الله ماحصل بيننا شين
ولا يخدش احساس بنت وعذاره

نعم الحبيب اللين الطيب الزين
ونعم الرفيق اللي حفظ حق جاره

ياوجه ابوي الوجه مرحب وسهلين
لا يابعد روح ومعاليق ساره

ودي المه وودي اصيح بس وين
مثل الكسير اللي نشب وسط غاره

مايستطيع المشي من دون رجلين
وحوله جنودن تشتهر بالشطاره

ياللأسف هالحين صرنا غريبين
حكم القدر واصدر علينا قراره

الهم والغربال والفقد والبين
وانا اسيره تنتظر للزيارة


ويلي على لاماك ويلاه ياحسين
يامن يجمعنا واسوق البشاره

ساره وسكت له لحظه كنها سنين
واقفا واشوفه يوم شب الزقاره

رد حسين على قصيده معشوقته القديمه ساره
يامرحبا ياغايتي ياهلاوين
يابنت عودن فيه طيب ونعاره

لا يابعد كل البنات المزايين
يافرحت المظلوم يوم انتصاره

من يوم ماغبتي وانا ماني بزين
ضايق واحس القلب طال انتظاره

دايم على بالي وانتي تمرين
واقول يفدوها جميع العذاره

لو الليالي ترجع لعشرة اسنين
ماكان شفتي الشيب زاد بوقاره

لا مانسيتك من ثلاثة وتسعين
وشلون ابنسى حب واضح مساره

تدرين شاللي هزني يوم الأثنين
واللي ذبح قلبي بأول نهاره

زولك لمحته يوم كنتي تمشين
بين الصفوف اقبال باب الأداره

وفز الخفوق وقلت ياربي تعين
هي هي ولاهي شبيهه لساره

جيتك وقلت ابنقل البنت هالحين
تفضلي الأوراق والأستماره

طول سكاتك والبلا العين بالعين
ضقت واحس بضغط مدري حراره

وخانتني الدمعه وطاحت من العين
كني طفل يبكي مضيع دياره

بحط بنتي عندك بسادس اثنين
عشان اكثر جيتي بالزياره

واليا دخلت الصف لازم تخشين
اسمي لانه مسجلن بالسواره

وامانتك انك عليها تخافين
لحدن يضايقها بأيت عباره

بصارحك في شي يمكن تحسين
ان الزمن اقفى علينا قطاره

انا سمعت ان اكبر عيالك حسين
وانتي اكيد انك سمعتي بساره



[/align][/cell][/table1][/align]
[/align][/cell][/table1][/align]
[/align][/cell][/table1][/align]

[منتهى الرقه]

وامانتك انك عليها تخافين
لحدن يضايقها بأيت عباره

بصارحك في شي يمكن تحسين
ان الزمن اقفى علينا قطاره
اليمه /؛

عوافي على الطرح ):

[عجآيب]

ي الله ايش كثر حلوه الابيات
ماخفي عليك استمعت بقرائتهاإ
لاتحرميناإ من جديدك ف والله رائع ماتقدمين
شاكره لك :82:

[LεGεиDαяч]

عجبتني هـ القصيدة :$
بس نسيتِ تقولين آلمصدر :$ مدونة مشآري :$
تسلم يمينك 004

[بنت القصيم]

منتهى الرقة
ام الشوشة الحمرا
مشاري
اشكركم على المرور والرد
مشاري جد هي بمدونتك ولا تمزح ؟ ترى والله ماصرت اعرف مزحك من جدك خخخخ

[خيالي]

حسيت ان الدم مثل البراكين
شريان قلبي وصل حد انفجاره

ورفعت راسي وصارت العين بالعين
ولمحت في عينه سواة الشراره

هو هو والا واهمه يامسلمين
زوله ورفعة حاجبه مع سماره

لا ماتغير فيه ياكود شيين
حف الشنب والشيب زاد بوقاره

روعة وهالابيات اعجبتني بقوة

[بنت القصيم]

الاروع هو مرورك أخي الكريم خيالي
اشكرك من كل قلبي
/
.

[LεGεиDαяч]

يب نزلتهآ في مدونتي قبل آمكن يومين :$
مرهـ خقه هـ القصيدهـ 004004
تسلم يمينك من جدديد عليها 004

[يآسَمينْ .,]

أليييييييمه وربك

لاعدمنا ذائقتكِ 004:82:

[بنت القصيم]

ماعرفت يامشاري والله ..غير منك ..
ياسمين
اشكرك على المرور والرد
تحياتي لك
/

[سولافه]

وربك الييييييييمه وترف الاحاسيس بها اعطاها جمال
سلمتِ وسلمت اناملك
دمتِ 004:82:

[بنت القصيم]

الله يسلمك ياسلافة
اشكرك على المرور والرد
تحياتي لك

[سهم المنايا]

صح نقلكــ يالاميره وتسلمين ....

[بنت القصيم]

الله يسلمك ياسهم المنايا
اشكرك على المرور والرد
تحياتي وتقديري لك