ياللأسف ! خيّبت كل الرجا فيك .. .

[سولافه]

[align=center][table1="width:100%;background-image:url('http://www.5foq.net/uploads/5foqcom13259780692.jpg');"][cell="filter:;"][align=center]

/

بشّر .. .
عسى جازلك بُعدي وتقصيري ؟
علّ وعسى عايش الأيّام ~
في راحه .. .
كاني متعّب قليبك ؟
- حب لك غيري !
قدري تعرفه بعدما تحضن ،
جراحه .
ياشاغل البال .. .
لايشغلْك تفكيري |
حتى ولو شفت قلبي فاقد أفراحه .
ماهي غريبه :
تخون العش ياطيري ،
أغلَب قلوب الحبايب .. .
ماهي مرتاحه !

ياللأسف ! خيّبت كل الرجا فيك .. .
___________ أقول راضي وآنا ماني بـ راضي !
إن كنت لك تحصيل حاصل بـ أسمّيك :
___________ أفشل علاقه في حياتي وماضي .
دنياك باكر يـ أسود القلب تشقيك ،
___________ تبطي .. ولا تلقى أحد في بياضي !
الله بلاني فيك .. واللـه يهديك |
___________ كل ماترستك حُب ألقاك فاضي !
جيتك من أقصى رغبتي لك ويكفيك .. .
___________ إنّي عطيتك كلّي وكنت راضي .
مابه عداله بيننا ولازم أنهيك ،
___________ مفروض يحْكُم بين الأحباب قاضي !
عيني تشوفك وإنعمت عن بلاويك |
___________ من كثر ما أحبك غفل إتعاضي !
والحين من قلبي طردتك ولا أبيك ،
___________ أرض التواصل والمفارق أراضي .
ببدا بهذا اليوم رحلة تناسيك :
___________ مافيه داعي للرضا والتراضي !
لاصرت مشغول بحياتك أخليك ،
___________ بروح ادوّر لي على قلب { فآضيَ } .

في شي فيني بْـ غيابك ~
ناقص !
شكّكتني في قلبي و .. .
إخلاصه .
القلب طيرك :
وكِّدَه يا قانص !
لايْضيع منّك ،
واجد القنّاصه .


( آحمد الصانعً )

[/align][/cell][/table1][/align]

[عجآيب]

احمد الصانع ابداع بلا حدود
احسنت الاختيار سوسو
يستاهل احلى النجمات + :82:
ممتنه 004

[صمتي مهابه]

ببدا بهذا اليوم رحلة تناسيك :
___________ مافيه داعي للرضا والتراضي !
لاصرت مشغول بحياتك أخليك ،
___________ بروح ادوّر لي على قلب { فآضيَ } .


[align=center][table1="width:95%;"][cell="filter:;"][align=center]



تسلمين يالغلا ع طرحك الذوق
قصيده راقت لي
تحيتي لكِ وبشوق للقآدم [/align][/cell][/table1][/align]

[سولافه]

نورتم قلبي قبل صفحتي
يسعدكم ربي004:rose:

[منتهى الرقه]

ياللأسف ! خيّبت كل الرجا فيك .. .
___________ أقول راضي وآنا ماني بـ راضي !
إن كنت لك تحصيل حاصل بـ أسمّيك :
___________ أفشل علاقه في حياتي وماضي .
دنياك باكر يـ أسود القلب تشقيك ،
___________ تبطي .. ولا تلقى أحد في بياضي
نايس اختيار
يعطيك العافيه

[سولافه]

نورتِ قلبي قبل صفحتي
يسعدكِ ربي004:rose: