رد: ~عفوا احتآج ان اتنفس~
فَضَفَضْهَّ , ..
* في ليله من ليالي الرياض ! ..
البارده !..
جلسة شباب .. وصوت من بينهم !..
الله يلـ ....! الحب وسيرته !
حالة هدوء تعم المكان ..
في بيت الشعر .. جالسين كالعاده ضحك ..وبسخريه ..
أبو فلان " لا تسوي هموم وحزن خل عنك وانبسط "
حنا طالعين نغير اجواء مو تجلس تحزن ...
يقوم فلان يطلع برا .. وفلان يجهز الشاهي .. وفلان يكلم بالجوال ..
اناظر لـ أبو فهد ! كما يحب أن يطلق عليه ....
يستمع ! لـ كلمات ! ..
بهدوء ..
أبو فهد بخاطرك شي تكلم ..
لا مافي شي ..
طيب ..
بدون شعور يرفع الصوت قليلاً ل اغنيته ! , ..
طيب ..
نقوم نشتري عشاء .. ونرجع ..
جو الرياض صاير محلوو خلينا نغير جو الجلسه هنا ..
طيب ..
ومازال .. باغنيته في جواله !
بدون تعجب عادي جداً .. يسمع على هونه ..
* * *
- تقدر تتكلم دام الليل ساتر ..
ومحد حولي وحولك .. في شي بخاطرك ..
يتنهد بصوت هاديء ويتكلم بغصه ..
أم فهد انخطبت
كيف ؟ / انخطبت .. طيب والي بينكم !
بصدق .. " دموع تنهمر .. أبو فهد مايصير رجال وسيد الرجال ..
هدوء يسكب ظلاله في الارجاء .. يرفع صوت اغنيته ..
طيب .. ممكن تعلمني ..
ليه ماتقدمت لها .. أو ليه مارفضت ..
ليه ماصبرت شوي ..
- صمت يلامس مشاعره ..
وجلس ساكت دقائق ..
طيب علمني لاني مضيع الطريق بالرياض قلي من وين ..
يتكلم بصوت مخنوق ..
من هنا .. ثم هناك ثم كذا لف اول ..... الخ الوصف ..
طيب كلمني .. علمني وش الي بداخلك ..
أبوك رافض ..| يتمتم بهدوء
طيب ع الاقل علمني ..
يكفي فلان مسوي يتمسخر ويتكلم !
ليته يجرب بعشرة سنين لجل يفهم ..
وكلمات في كلمات .. وأعلم أن الموقف يتحول لنقطه !
بهدوء .. أبو فهد لحظه .. الحين فلان مزعلك ..
أو الي بخاطرك تبي تصبه على هالانسان ..
يرد .. لا أسف. . لا يهمني .. بس مو كل شخص يحب
| يلعب بمشاعر او يكذب او يجلس بالشات والمنتديات يرقم ويشبك بنات ..
انا مو مثله وهو عارف .. طيب خلص لحظه بس ..
بتصل عليهم بقول بنشرت لجل مايقولون طولو ..
.... انتهت محادثة الهاتف ...
أيوه أبو فهد ..
كلمني الحين ..
ليتني مو سعودي .. طيب خل عنك هالكلام وش دخل .!
لا قال صدق .. أنا تحطمت " هاني" .. تكفى ..
وش يفيدني الكلام .. خليني ساكت احسن !
لا يفيد بس تكلم وجرب .. هاني انت عارف ..
كم لي مع أم فهد كم !؟؟
سكت لاني بحق لا احسب الايام لكن " بيني وبين نفسي"
" أكيد كثيره يافلان من عيونك واضح وعمرك راح ! "
- بعد ثواني أجاوبه .. أكيد سنين أخبرك من اول ثانوي تتكلم !
والحين جامعي ومتخرج واربع سنين بالعمل !
- طيب أبو فهد ،
بيدي شي تكلم .. قول ..
وأعتبرني ألي يقدر يسوي ..وراح اسوي لك ..
بهدوء ..
يتكلم ..
سنين احاول ابني نفسي لجلها ..
سنين اروح العمل وارجع على صوتها !
سنين وانا احفظ اي شي يضحك لجل اعلمها فيه ..
سنين وانا حافظ كل تفاصيل حياتها الي تحبه والي ماتحبه ..
حتى تخيل كلمات صارت خاصه منها لي ياخي تكفى وش اقول ..
راحت ياهاني والله راحت وراحت وراحت وراحت ..
طيب " قاطع حديثه " بنات الناس كثيره يابو فهد ..
...دخل في نوبة بكاء هستيريه !
- طيب روق شوي .. خلص أبو فهد
كلمت أبوك ! / ابوي رفض ..
وأكيد ابوها رفض .. لان السالفه عوائل وقبائل ..
ماراح تجي .. طيب " خليني من الطبقيه هذي .. الناس تغيرت ..
يشهق .. ويسكت طيب .. أبو فهد ترى نفسياً تعبت معاك ..
مايصير والله حالتك ماتسر يعني وش بيدي علمني ..
وين تبي ..وبروح انا وانت بس اصبر ..
طيب كلمتها علمتها عن الي بداخلك ..
--
يلملم بعض الحروف والانفاس
فهمتني برساله " وفهمتها عن الي يدور ..
أنا مابيها تعنس وانا ادري في شي بيوقف ضدنا ..
مجمتع وأهل واخوان وكل شي ..
فكرة بعقلهاا ..
ووافقت ..
وراها بنات ولازم تتزوج لجل الي وراها يشوفون نصيبها ..
.
.
أنتهت تفاصيل .. عشقاً ,
لتبداء مرحلة النسيان المؤلمه ,
دخلت قليلاً في سردايب أبو فهد ..
ولمحت احزان لطخت جدارنه !
وألماً يعتسر افراحه وينهي احلامه !
عفواً ..
أبو فهد ..
لم أستطع ان اكتم مشاعرك ..
ويعلم الله أن النصيب قد كتب ..
أعلم حجم تفاصيل حبك !
وأعلم حجم تشبعك بروح أم فهد !
لكن .. لنأخذ الامور بهدوء ..
شاب احب بنت من سنين عن طريق منتدى وهو في بدايته على الشبكه
وهي على بدايتها على الشبكه .. تعارفتو بموضوع .. وعلمتك اسمها ..
تكلمك من جوال امها فتره ! وانت تحس برجفت صوتها ! ...
أنسـانه خائفه لم تتعود على هالشي " لكن الحب وفضوله وتفاصيله لامس قلبها ! "
تمر اسابيع حتى تنقطع عنك فتعود لك في يوماً قد ساد الصمت حياتك !
رقم غريب يتصل في الفجر ! ، وأنت خلال اربع اشهر هي فترة الانقطاع ...
تسأل الجميع .. عن فلانه ! .... الصباح تتصل على ذاك الرقم من جوال ثاني ..
تسمع صدى صوتها وعلى طول تقول فلانه .. عرفتها وتغيرت احلامك ..
كنت شبه محطم وأصبحت الافضل بين الي تمشي معاهم !
يعني كل هذا من حب لـ انسانه !
كذبت عليها بأسمك .. وكذبت عليها بصورتك ..
لكن هي كلها فتره وعلمتها عن اسمك وحقيقتك وصورتك وكل شي يخصك !
تفاجات أنها تقبلت فيك بكل مافيك .. وقفت معاك في مشاكلك مع فلان ..
وفلان .. وكانت تحفزك وتضحك وتسمعك أوقات ..
أبو فهد علمني .. كم سنه " سبع سنوات ! أكثر .. " سكت ..
الرياض يا أبو فهد كنت مسبب لها انقطاع تام !
حتى طلعات الشباب لها ترفض ..
فجأه مزاجك يتغير .. وحنا عارفين نفسيتك ..
بس مو غريبه صح .. الحب خلك تسوي هالشي ..
حتى الفاظك تغيرت صاير تشابهه اهل الديره الفلانيه
أبو فهد أدري أنك تعشق " أسم فهد " لانها تمنت هالاسم !
أدري أن كلامي مايفيدك شي .. وأدري ان الي حولك يمكن يحاولون يهونون السالفه عليك ..
لكن .. البنت على وشك التخرج .. وأنت عطيتها ضوء اخضر تفكر بعقل لا بقلب ..
انت شايف ظروف الحب في مجتمعنا ... يعني خليك مبسط الامور شوي ..
كم شخص تزوج انسانه وهي تحب غيره !
وكم شخص فقد أنسانه وتزوج لجل يدفن جرح بأنسان !
علمني .. الحب كيف ينسى !
ادري .. تقول تكفى لا تطري الحب ..
وأنا على هونك أقسم لك بالله ما اطريه..
بس ممكن تشد حيلك معاي شوي ..
وتكمل ماجستير .. يمكن تصير يوم من الايام شي مهم ..
وتنسى وتتزوج .... أدري ماقدر اطري الحب .. وأنسيك الحنين ..
أدري قلبك مليان جراح ! أدري انك صادق .. وأدري انها شي مهم لك ..
لكن ....
يقاطعني !
تدري ..
اندم على لحظة مرور ابوها من قدامي ويناظرني ولا قدرت اقول له ياعم ..
ابي بنتك لا تزوجها .. نظرته لي غريبه وحسستني أني ولا شي ..
- " يدور ببالي أبتسامه له !
طيب ماعليه الامور احيانا يحصل تنازلت !
أنت فكر بشي حلو ثاني .. ومع الايام اوعدك تنسى ..
أبعد عن الاغاني .. وخل عنك الرياض وخل عنك كل شي يختص فيها ..
خليها تعيش حياتها ولا تجلس تضايقها ولا تضايقك ..
وجودكم الحين مع بعض يا أبو فهد تجريح وألم !
ضيقه وهم .. حزن وفراق .. شي تجلس تنادي له وهو مو لك ..
( خارج النص | بصراحه ما أتحمّلت نظراته وهي ممتلئة بالدموع .. ) ...
حاول تساعد نفسك وتساعدها ..
بنت الناس راحت .. وكم سنه من عمرك حاول تطويها ..
يكفي بكاء الحين .. وخل الحب لـ اهل الهوى ..
أنت في دار التعب .. دنيا الشقى ..
.
.
انتهى حوراي معاه وعلى وصول للمكان ..
انزل .. وأعطيه مناديل .. نشف دموعك وغسل وجهك ..
وتعال هناك تعشى معنا ....
.....
راح أبو فهد ..
ومر يومنا ولا تعشى .. وساعات وساعات..
مواصل بلا نوم ..
.
.
كان الله في عونك وعون الي راح !
والقلوب .. تسكب الحزن .. أعرف قيمة الحب ..
الصادق من قلب صادق ..
اعذرني أبو فهد تمنيت فعلاً انك تتعرف على بنات وتلعب ..
ولا اشوفك بالحال هذا .. لكن عزتك دايم أقوى من انها تخضع لـ احد ,
عارف فكرك ومنطقك من هالنوعيه وأدري أنك ماراح تسوي هالشي ولا بتقدر ..
|||| خارج حدود الالم / لا يزال يحتفظ أبو فهد بـ الاف الرسائل النصيه من أم فهد ..
ومازال يحتفظ بأول رساله استقبلها من جوال ام فهد ..
عن الذكرى تكلم و علقت ..!
الذكريات لـ حزن صدري / رهينه
يا ناشده ..!
عن ذكرياتي مع الوقت ؛
ما عندي الا .. [ الذكريات الحزينه ]
لو اذكر .. ( اجمل ذكرياتي ) ..
تضايقت ..!
وش هو له .. الماضي نراجع سنينه ..!
جمعتها .. فـ / أوراق عمري ..
و شققت ..!
بــ يديني الثنتين ، ( ضيم و غبينه )
وفـ أشد لحظة حزن ؛
وقفت و أحرقت ..!
الذكريات اللي :
لـ صدري .. مدينه ..!
انا لو اني ،
كل ما شفت .. دققت
ما كان ضاعت : كل فرصه ثمينه ..!
كأني من آمال الحزن ..
قد تحققت ..
وكأنه بـ وسط الصدر ..
كون مدينه ..!
طرقت .. باب الذكريات ،
و تطرقت ..
لـ كل حلماً فاتني .. بـ أم عينه ..!
هاني..
18-2-1433 هـ
رد مع اقتباس
المفضلات