ابداعات انثويه رومانسيه غير

**الأميره** · 03-12-2011, 11:21 AM

راح نبدأخطوة بخطوة .....

كثير من الازواج يحتفلون مثلا بالعيد او بذكرى زواجهم او عودة الزوج من السفر مثلا ومثل العادة تجهز الغرفة بمفرش أحمر

وورود حمراء منثورة فوق السرير وشموع حمراء وتورتة على طاولة الطعام وهذه هي الحفلة ؟؟؟!!!!

الصراحة وعلى بلاطة حفلة روتينية متكررة وتكرارها مع الوقت يجيب الملل والطفش !!!!

طيب بتقولون طيب مافيه أفكار ؟؟؟؟

وأنا أقول فيه أفكار !!!!!

اسمعوا أول خطوة :

غرفة النوم من المعروف تكون المرايا فيها كثيرة واصلا مايحلي الغرفة الا كثر المرايا

نستغل المرايا بالحياة الرومنسية وكذلك بالحفلة او العيدية الحلوة !!!!

نجيب ألواااان الزجاج وتحديد الزجاج وهذا ينباع بالمكتبات والقرطسيات وهي عبارة عن ألوان شفافة مثل الصورة

نأخذ أول شيء قلم الفولمستر >قلم الخطاط العريض< ونرسم على المرايا قلوب وورود ...

لاتقولون مانعرف حتى الطفل بأول ابتدائي يعرف يرسم ورود وقلوب وارسموا على المرايا

مثلا مرايا الدولاب , التسريحة ,المغسلة

على الزاوية ارسموا وعلى مرايا التسريحة حاولوا كل وحدة تكتب اسم زوجها بالانجليزي

بس تخلون بوسط الحرف فاضي على عشان التلوين تأخذون محدد الزجاج وفيه الوان كثيرة

وأشهرها الذهبي والفضي وحددوا على الرسم اللي رسمتوه بعدها جيبوا ألوان الزجاج والفرشاة ولونوا اللي داخل التحديد

وبتصير الوان ثابتة وحلوة ومميزة وراح تعجب الازواج حتى بالحفلة ارسموا على أكواب العصير قلوب وأول حرف من اسمك واسم زوجك

ونفس الصحن او الطبق الزجاجي اللي بتقدمين فيه الحلا او القاتوه ارسموا ورود وقلوب والله بتطلع روعة وعلى فكرة تراها

ألوان ثابتة ودائمة وبتطلع حركة حلوة منك ومميزة وأيضا كسر للروتين

الى متى وانتم تعتمدون على محلات الهدايا والورود الوحدة تقتدر تبدع وتطلع حركات حلوة

ثاني خطوة :

السرير ملينا من المفارش الحمراء والمفارش الرومنسية بيصير روتين ممل ومتكرر !!!!!

فيه حركة حلوة اللي هي اشتروا قطعة ساتان بيضاء طويلة يعني تغطي السرير تقريبا ...

وبعدها جيبوا ورود حمراء صناعية او اي لون تحبون وبتكون أحلى اذا كانت الورود ألوان بس بشرط تكون الورود المسطحة

وثبتوها على الساتان الأبيض وافرشوها على السرير وجيبوا مخدات صغار نفس الوان الورد وبتكون روعة اذا كانت الوان نفس الورد

بيطلع السرير رووووووعة جربوها

ثالث خطوة :

دورة المياة او الباث روم او الحمام او بيت الراحة خخخخخخخ مثل ماتسمونه

لازم نطلع كمان الابداع فيه ....!!!!

بتقولون كيييييييف؟؟؟؟

أنا أقولكم فيه قريبة لي وه بس فديتها رومنسية لأبعد حد وزوجها مثلها قمة بالرومنسية رحت أنا وأخواتي المتزوجات لبيتها

عشان عازمتنا وه بس لو تشوفون بيتها يفتح النفس غابة رومنسية بجد ....

تخيلوا مزينة دورة المياه الخاصة فيها هي وزوجها ....

تخيلوا وش مسوية فيها ؟؟؟؟؟

مركبة ورد أحمر على الدوش كله وعلى اطراف البانيو كله مثبتة ورود حمراء مثل الدائرة

وعلى مراية المغسلة مثبة ورود حمراء على أطرافها

وعلى جدران الحمام كله حاطة لصقات الجدران تنباع بالمحلات على شكل ورود حمراء والحمام لونه ابيض حتى الغرفة بعد

تخيلوا !!!!!!!

والله روووووووووووعة بجد ....

حركة أخيرة :

نفس قربيتي تعلمنا بابداعاتها الحلوة ....

تقول انا مشترية ترامس القهوة والشاي وبعضكم اللي يسميها ثلاجة القهوة والشاي عاد ما أدري عن مسمياتها عندكم ؟؟؟؟ خخخخخ

تقول ان لونها ابيض ورابطة عليها شرائط ساتان أحمر على شكل فيونكه ومثبته عليها ورود حمراء تقول مخصصتها لزوجها بس !!!!!

تقول انه اذا صحى من النوم اسوي له فيها قهوة وشاي وأقهويه الصباح قبل مايروح للدوام !!!!!

ياسلام والله احسها وناااااااسة خخخخخخخخخ

بس بجد رهيبة !!!!!!!

عاد هذا ما لدي طبعا جمعت لكم تجارب أخواتي و قريباتي وصديقاتي المتزوجات .....