إذا ودّك ترجّعني .. تراني بالبحر إبره , !

[عيووون المها]

قديم العذر هذا , رِد [ حاول مرة ٍ أخرى ]
حفظتك أنت وأعذارك أعرفك زين صدقّني

معدّيها لك الكذبات لكن [ غير ] هَالمَرّه
طعنت الظهر في غفلة ولا لك عذر تطعنّي

تحمّلتك أنت وعيوبك وكانت عشرتك مُره
حسافة عمري اللي ضاع معْ شخصٍ مضيّعني

صعب جبر القلوب اللي بيدّ الغدر منكسره
فلا اتحاول تجبّرني وبيدينك مكسّرني

أنا كنت بيدك [ حاجة ] ثمينة , كنت لك دُره
تمنى الغير يملكني , و لا غيرك تملّكني

أنا قلبي سبب قلبك [ وقف ! ] مستغرب ٍ لأمره
تردد كلْ نبضاته : خسارة كيف يرخصني

تركتك [ قيصر ] لـ قلبي ولا قيصر بعد كسرى
رفعتك فوق للعالي , ولا قدّرت أبد مَنّي

أنا مانيب ندمان لـ علاقة زوّدت خبره
أنا تعبان من [ طيب ] الخفوق اللي مدمّرني .!

أبيْ تعرف ترى ما كلّ مرّه تسلم الجرّه
ولا تسلم غدر غيري لو إنك سالم ٍ منّي

وبكرة تب تحس فيني ليا من صارلك عبره
موفّق / حافظك من فيك جمّعني وفرّقني

أبقفي والدروب [ أشواك ] والخنقة من العَبره
رفيقي : [ هَم ] والغربة : صدى شوقٍ يحاصرني

تعال الحين ودّعني , تعال إنفخ على الجمره
كفاية جمرة طعونك , خلاص ولا تودّعني

ليا حنيت لي والشوق صوّر لك من الذكرى
أبكتب شيّ بآخر بيت ركّز فيه وإذكرني .!

إذا ودّك ترجّعني .. تراني بالبحر إبره
أبرجع لك إذا ودّك .. بشرط إنك تحصّلني .!

[خيالي]

ليا حنيت لي والشوق صوّر لك من الذكرى
أبكتب شيّ بآخر بيت ركّز فيه وإذكرني .!

رائعة الابيات عيون المها
لاعدمناك يارب

[يآسَمينْ .,]

رائعهٌ همسُ الكلماتَ,,
لكِ عظيم الود والتقدير 004

[للحرف صوت]

تواجدتي فنثرتي روائع ذائقتك
تواجدتي فأبدعتي تمكنتي
من أن تصلي لذائقتنا
عيون المها ابداعً لن ينتهي
فدمتي كما انتي

[سولافه]

رائعه يالغلا
دمتِ مميزه بالانتقاء
سلمتِ وسلمت اناملك
يعطيك العافيه 004 :82:

[عجآيب]

تعال الحين ودّعني , تعال إنفخ على الجمره
كفاية جمرة طعونك , خلاص ولا تودّعني

ليا حنيت لي والشوق صوّر لك من الذكرى
أبكتب شيّ بآخر بيت ركّز فيه وإذكرني .!

ماقول الا تستاهلين احلى نجمات ع هالابداع