من ابداعات البدر عن الامير سلطان رحمه الله

[بنت ابوها]

من ابداعات البدر عن الامير سلطان رحمه الله

الليل هوّد واكهف النجـم لغيـاب ... قضى الحديث وودعونـا المساييـر

أحدٍ قفل من دون هوجاسـه البـاب ... وأحدٍ غدت جدران بيتـه تفاكيـر
ياساكن الهوجاس ممسـاك ماطـاب ... راحـت مجاهيـم وجتنـا مغاتيـر
لا والله الا ضامنا بعـد الاحبـاب ... والشوق ظالـم لاتعـدى المحاذيـر
احبابنا اللي عقبهم كننـا أجنـاب ... لوماجفتنـا الـدَّار دار المناعـيـر
الليل هوّد واكهف النجـم لغيـاب ... قضى الحديث وودعونـا المساييـر

ليت الثلاثاء ماكتب يوم في كتـاب ... من غبت ياجبر القلـوب المكاسيـر
كل ماذكرته قمت للوصل طـلاَّب ... وقلت القطاعه في هل الرحم تقصير
وين أنت ياغيثٍ من الجود صبَّـاب ... يمينك أكرم مـن سحـابٍ مزابيـر
وين أنت يامعتق من الحاجه إرقـاب ... ايضا وبك لطفٍ وحكمـه وتقديـر
قالوا مريض وقلت نشفى الاطـاب ... وقالوا بعيد وقلـت حنَّـا المعاتيـر
والله لو تطوى له بحـور وهضـاب ... ماهو جزا له مير للشـوق تصبيـر
أنا أشهد إن الحب تكتب له أسباب ... وماكل قاعٍ فيـه تنبـت نواويـر
ياشيخنا تكفيك لو ضحكة النـاب ... وشلون وانتَ ماتحسـب المخاسيـر
لا والله الا ضامنا بعـد الاحبـاب ... والشوق ظالـم لاتعـدى المحاذيـر
احبابنا اللي عقبهم كننـا أجنـاب ... لوماجفتنـا الـدَّار دار المناعـيـر

حنَّا مثل غرسٍ سقي ديـن وآداب ... وتاريخ من فعله تعـدى الاساطيـر
وقت الرخا نرجى وفي الحرب ننهاب ... ولاجا لزوم الشيخ حنـا المذاخيـر
كبيرنا في السن نحسب له حسـاب ... وكنَّه مع اللي سابقٍ سنَّـه صغيـر
أنتم عمود العز وحنَّا لـه اطنـاب ... نرسى ولو هبَّت هبوب ومعاصيـر
وأرض الجزيرة مابها ربع وأغـراب ... الاصل واحد والشـرف والمقاديـر
والله فوق الكل والشـرع غـلاَّب ... حب الوطن من حب والي التدابيـر

[عجآيب]

الله على الكلـآم الجميل ..
الله يرحمه ويغفر له يَ رب
صح لسسان صانع الحرف" البدر "
واشكرك ع الطرح غاليتي

[ساحبه عالدنيا]

اسسستمريي

[يآسَمينْ .,]

الله يرحمه يارب
وصح لسان البدر
يعطيكِ العافيه

[بنت ابوها]

منورين يالغوالي
الله لايحرمني
من تواجدكم

[للحرف صوت]

رحمة الله عليه
وسلم لنا ذوقك بفكرك وطرحك
كوني كما انتي
مبدعه دائماً
اسعدك المولى

[منتهى الرقه]

لاحول ولاقوة الا بالله

الله يرحمه

ويعطيك العافيه
على الطرح بنوته

[بنت ابوها]

منورين
ربي يحميكم