مـدام انّك ملـكت القـلب وعــروقه يلبّونك ..

**سولافه** · 15-10-2011, 12:30 PM

تفنّنت بغرامك والغلا هـو سيّـد فنونـك
تمكّنت بغلاك وصرت تمشـي فـي شرايينـي

وش اللي صار فالدنيا ليا ناظـرت بعيونـك
انا في حلم والا علم!!.. اليا شافتك عينـي

غرقت فـموج بحرك ماوصلت لسر مكنونك
تساهلتك مع انك صعب وانت اللي معنّينـي

عشقتك من ضمير ٍما يساوم فيك ويخونـك
رغم كل الظروف اللي تجي مابينـك وبينـي

وعاهدتك عهد ماغيرك احدٍ يقرب حصونك
معك طال الزمن والاّ قصر ياشمعـة سنينـي

عسى الله مايوريني فراقك واعطش مزونـك
تحريتك تجي فـي يـوم تنعشنـي وتروينـي

عليك الله وأمانه كيف اعيش العمرمن دونك
وانا اللي لا تذكرتك نسيت اللـي يحاكينـي

( أحبّك ) كلمةٍ تكشف غلاك وتطرد ظنونك
وترضي خاطرك واللي يجيني منـك يرضينـي

تقرّب من حبيبـك والعـواذل لا يهمّونـك
وانا لا همني غيـرك ,, ولا غيـرك بيعنينـي

مدام انّك ملكت القلب وعروقـه يلبّونـك
تمخطر بالحشا ( لبّى ) حشاي وكل مافيني

مما راق لي 004:smile:

**سمو المشاعر** · 15-10-2011, 12:53 PM

رآقت لي كثيراً...

سلمت يداك على النقل..
ودي..

**للحرف صوت** · 15-10-2011, 02:35 PM

والله بأنني تمنيتٌ بأن اكون كاتبها والله بانها اجمعت تعابير الاحاسيس
غردت ذائقتك خارج السرب وحيده فلن تصل الاذواق لجمال ذائقتك
كنتٌ هنا بين بساتين روعتك وبين كلمات ذائقتك
ارتوي من بعد الضمى من قطرات نزفك
كنتٌ هنا مستمتع مسافراً بأعماق الكلمه وسامعً لعزفك
دمتي كما انتي اختي
اسعدك المولى