حـــبكـــ مــــ....ن اي نوعـــ =)

**vgkdzxl** · 15-10-2011, 02:51 AM

انواع الحب في وصف شاعر

حبٍ يشيّب وصاحبه ما بَعَدْ شاب

وحبٍ يشيب وصاحبه في شبابه

وحبٍ يغيب وصاحبه ما بَعَدْ غاب
وحبٍ يدوم وصاحبه في غيابه

وحب يذوّب خافقٍ ما بعد ذاب
وحبٍ يداوي صاحبه من عذابه

وحبٍ يتوّب خافقٍ ما بَعَدْ تاب
وحبٍ يزيدك رغبةٍ في الكتابه

وحبٍ بلا معنى وحبٍ بلا اسباب
يبدا غريب وينتهي في غرابه

وحبٍ ضعيفٍ مثل حبرٍ على كْتاب
تمحيه دمعه في ثواني كآبه

وحبٍ قويٍ مثل قصرٍ له ابواب
لو هبّ عاتيْ الريح ما اهتز بابه

وحبٍ بداية رحلته نظرة اعجاب
واخر مطافه مثل يومٍ بدابه

وحبٍ يعيش بداخل قْلوب الاحباب
وحبٍ يشيع وكل حَيٍ درى به

وحبٍ مقامه في ضلوع الصَدِر طاب
وحبٍ يعدّي مثل مرّ السحابه

وحبٍ على قبره نعق بوم وغْراب
وحبٍ تغنّى به لحون الربابه

وحبٍ بمقدارٍ وحبٍ بلا حْساب
وحبٍ بمعروفٍ وحبٍ نهابه

وحبٍ يعيش أهله وسط داره اغراب
ويموت قهر ويندفن في ترابه

وحبٍ غدا سرّه سوالف للاجناب

وحبٍ يموت وصاحبه ما حكى به

وحبٍ يشيب وصاحبه ما بَعَدْ شاب

وحبٍ يشيب صاحبه في شبابه

منقوول من بريد خالتي 004

**للحرف صوت** · 15-10-2011, 02:39 PM

رائعه كروعة ذائقتك وكجمال حضورك
راقت لي فكرتها سردها وبساطة كلمتها
بأنتظار عزفك لنا ونزفك هنا
فدمتي دوماً بأبداعك لنا
اسعدك المولى

**عجآيب** · 16-10-2011, 01:29 AM

يعطيك العــآآفيه يَ الغلا

دخول الاعضاء