!!.. (بعض البشر)..!!

**عيووون المها** · 05-10-2011, 04:12 PM

يالله ياللـي بأسمـك تـزيـن الاقــوال
وبذكـرك يطيـب الشـعـر والمثـايـل
يامنـزل الطـارق .. وعـمّ .. والانفـال
وياعـالـمٍ مابالضـلـوع النـحـايـل
نسجـد لوجهـك فـي سكينـه وبـإذلال
ونقـدّم لقـربـك جمـيـع الفضـايـل
إنـك تعاونـي علـى ميـلـة الـحـال
وعلـى صواديـف الـدهـر والهـوايـل
وتغفـر خطـاي بكـل قولـي والافعـال
وتكفيـنـي دروب الــردى والنكـايـل
وترحمنـي بيـومٍ بـه النـاس تهتـال
يوم الحسـاب وحيـن كشـف الفعايـل
يوم ان كلن فـي يـده .. شـال مانـال
امـا يشيـل الطيـب .. والا الـرذايـل
ياجنـةٍ فيـهـا عناقـيـد .. وظــلال
وعزٍ مهو لـو طـوّل الوقـت .. زايـل
ويانـار .. والله لايقـدّر لنـا فــال ..
فيهـا وانـا مانيـب مسهـب وقـايـل
ويالله تجملنـي ليـا قـلـت الامـثـال
وابديـت شــيٍ بالمعالـيـق جـايـل
والشعر له حشمه .. وقيمـه .. ومنـزال
فـي عصرنـا مثـل العصـور الاوايـل
له بالقلوب بيوت .. وقصور .. واطـلال
ولـه هيبـةٍ تطغـى علـى كـل عايـل
وله في دروب الكـون .. حـلٍ وترحـال
وله فـي دروج اهـل المحبـه رسايـل
وله منزلٍ شامـخ علـى كـل الاحـوال
عنـد النشـامـى كاسبـيـن النفـايـل
الشعر .. هـو فكـر الصناديـد الابطـال
هو نشـرة فعـول العـرب .. والقبايـل
ماكـلّ مـن غنّـى مـن الشعـر مـوّال
يصيـر لـه بيـن القصـايـد دلايــل
وماكلّ من سمّـي مـع النـاس.. رجـال
لاصــار دون المرجـلـه والصمـايـل
بعض البشر يقوى ليـا قـام .. واشتـال
وبعض البشر خيبان .. ماهـوب شايـل
وبعض البشر يحشـم كلامـه ليـا قـال
وبعض البشـر قولـه يجيـب الفشايـل
وبعض البشر لوهو ولد عـم .. او خـال
لأتفـه سبـب يجحـد جميـع الجمايـل
وبعض البشر لاجت لمنصب .. او لمـال
لـوّك ابـوه وجيـت يمـه .. تحـايـل
وبعض البشر لو مدّ لك شـي .. بريـال
عنـد المـلا كـنّـه مولّـيـك حـايـل
وبعض البشـر بيـن المخاليـق جـوال
ويضفـي علـى راع النكـايـل نكـايـل
ثقيـل دم .. وشيـن دبـره .. وحـيّـال
ويسلـك لتضليلـك .. جميـع الوسايـل
وبعض البشر ماله مـع الخلـق معـدال
لاهـوب مكـيـولٍ ولاهــوب كـايـل
يحـط لـه قصـه وخـاتـم وسلـسـال
وفنيـلـةٍ ماهـيـب شـكـل الفنـايـل
لـو شفتهـا بتقـول ذا حالتـه حــال
واليـا نشدتـه قـال .. هـذا ستايـل !!
دنيـاً توريـك العجـايـب والاشـكـال
وكــل العـلـوم دقاقـهـا والجـلايـل
والطيّـب اللـي ماتـغـرّه .. ويخـتـال
وياخـذ دروس مـن السنيـن السمايـل
يحرص على الدين .. وعلى حسن الاعمال
ويؤمـن بـأن الكـون فتـره .. وزايـل

**غافل الهم قلبي** · 05-10-2011, 06:05 PM

شـكــ وبارك الله فيك ـــرا لك ... لك مني أجمل تحية . ع طرحك الحلوووووو والعذب جد كمااا عرفته من زمن راااق الي ياالغلا......

**سولافه** · 05-10-2011, 06:11 PM

صح لسان شاعرها صدق بكل ماكتبه
سلمتِ وسلمت يداك
لاخلا ولاعدم يارب 004 :82:

**عجآيب** · 06-10-2011, 01:41 AM

والطيّـب اللـي ماتـغـرّه .. ويخـتـال
وياخـذ دروس مـن السنيـن السمايـل
شاعرر قدع
صح لسسانه وسلمتِ ع النقل ياحلوه

**للحرف صوت** · 06-10-2011, 02:00 AM

لو جف حبري عن وصف وذكر بعض الاقوال
والله لخلق من تعابير صمتي حــــروف وجدايل
ولا عانق القلــــم الصمـت وعلى صمته لا يـــــــزال
نذراً علي لخلي حروف الوصف لبداعك تتمايل
ياعيوون المها ذوقك تعدى ملامح وتعابير الجمال
ذوقك بداخله قلــب وفكر على عاتقـــــــــه شــــايل
ذوقك ملك واحساسك حرس وقصرك ينادي تعـــــال
على الابداع اللي تعاهد لنا مايكون زايـــــــــل

ابدعتي بما نقلتي
فدمتي كما انتي
اسعدك المولى