مجموعهـ من الآكلآتٌ لعيونكمٌ ,

[Ghla]

السلآم عليكم ورحمة الله وبركآته
مسآء / صبآح الورد :41:


اليوم جبت لكم آكلآت رآئععه
قلت آشارككم فيهآ
..


نشوف مع بعض المنيو

ششآورمآ
..









بيتزا سريعه بـ Fresh mozarella




..









صينية الرز بالـ دجاج


..









مكرونة دجاج بالـ بشامل


..









mexican chiken wraps



..









مكرونة بـ حشوة دجاج و خضار




..


برب لحد يرد

[Ghla]

::

::

شاورما تطق لـ شاورمتي اللي قبلها اصبع
الخبز لين و الحشوة لذيذة كذا الواحد ياكل قطن مافيها شي يابس



الخبز
"بالاكواب والملاعق المعيارية"
٣ ك طحين
١/٢ ١ م ك سكر
رشة ملح
١/٢ بيالة زيت
١ م ك خميرة تذوّب في كوب موية دافيه
١ بيضة




العجينه طلعت معاي رخوة شوي فـ زدت لها طحين شوي لين ماتماسكت وكملت عجن بالـ يد مع طحين
نتركها تخمر ١٠ - ١٥ دقيقة



بهالوقت تبلت الدجاج
صحن صدور دجاج مقطع شرايح رفيعه
علبة زبادي
فلفل اسود
عصير ليمونة
شوي كمون مطحون + كزبرة مطحونه
نغطيه وندخله الثلاجه عـ بال مانخلص الخبز





العجينه سوت معاي ١٢ كورة عجينه حجمها متوسط
نفردها رقيــــــــقه مره يعني خلاص تقريبا تصير شفافه من الفرد وحتى الاطراف عشان لا يصير الساندوتش معجنة اطرافه



ندهن الصاج التيفال الحجم الكبير بـ مسحة زيت ونحميها على نار عالية
قبل لا تحطين الخبزة تاكدي انك مسحتي الطحين الزايد منها عشان لا يحرق
حطيها و وطي النار على طول .. اول ماتظهر فقاعات على السطح اقلبيها ما تاخذ وقت ابد
و لو انتفخت الخبزة اضغطيها بالملعقه او افقعي الفقاعه من الهوا



على طول حطيها في حافظة وسكريها زين عشان لا تيبس
و كملي الباقي .. على نار هادية




نحمس بصل شرايح مع ٢ ثوم لين ما يذبل بعدين نضيف الدجاج و نص ماجي نخليه على نار هادية لين ماتنشف مويته
نعدل الملح لو يحتاج .. نخليه يبرد بعدين نضيف ملعقتين كبار طحينه ونقلب زين





ندهن الخبزة بـ مايونيز .. احلى شي هاينز
بعدين شرايح جبن " شريحه الجبن اقسمها ٤ شرايح بالطول واحط ٢ في كل خبزة"
خس مفروم
الدجاج
بطاطس مقلي
مخلل خيار



نلفها بهالشكل .. نلفها بـ ورق الشاورما .. نقصها بالنص
بالعافية ..




::

::

برب لحد يرد

[Ghla]

::
::





بيتزا سريعه بـ Fresh mozarella
لذيذة وتنفع عشا سريع تفك ازمه .. ادمنتها بصراحة




هذي الاشياء اللي استخدمتها





في قسم الاجبان اللي بالثلاجه تلقون هالنوعين .. سيفوي التميمي




البهارات اللي استخدمتها
فلفل احمر مجروش
بهارات ايطاليه اسمها herbes de provence تلقونها بـ براندز مختلفه بس الخلطه معروفه في ايطاليا و هذا اسمها





ندهن الخبز المفرود بـ مايونيز + صلصة الطماطم وزي ماهو باين النوع اللي استخدمه فيه شرايح فطر وبنكهة الثوم
نرش شوي من خلطة جبن البيتزا




الموزاريلا ننشفها شوي بالمنديل لانها مليانه موية و مع حرارة الفرن تطلع موية تخرب كل شي
نقطعها شرايح





على كل شريحه نوزع شرايح الزيتون الاخضر بالشطة
نرش البهارات الايطاليه + الفلفل + رشة ملح
نحمرها بالفرن من تحت و فوق عشان لا تصير الخبزة لينه من تحت و تربص





بالعافية 004



::
::



برب لحد يرد

[Ghla]

::
::






صينية الرز بالـ دجاج
صيااااح كيف اعبر بس عن لذتها
تتبيلة الدجاج هذي روعه





صحن صدور دجاج مقطع شرايح رفيعه
ثلاث ارباع كاس لبن
٥ فص ثوم مقطع شرايح رفيعه
ملعقتين اكل خل
عصير ليمونة
شوي زيت زيتون "تقريبا فنجان قهوة"
ملعقه اكل كبيره مليانه كركم
نص ملعقه اكل صغيره كمون مطحون
نص ملعقه اكل صغيره كزبرة مطحونه
فلفل اسود + ملح
رشة فلفل احمر مجروش"صورته موجوده مع البيتزا"
رشة بهارات خاصه بالدجاج << نسيت اصورها
رشة بقدونس ناشف

يتبل ساعتين او ليلة كامله





نقلب الدجاج على نار عالية "بدون اضافة زيت او اي شي"





لما تبدا تنشف موية الدجاج نقصر النار




لما يستوي نضيف حبة فلفل احمر بارد مقطع مكعبات + بطاطس مقلي و زي ماهو واضح حرقت لي اياه الشغاله
على طول نطفي النار .. نغطيه على بال مانسوي الرز





٢ كوب و نص رز مغسول
نغلي موية ونضيف لها ملح و زيت ونكب الرز كأننا نسلق مكرونه ماتهمنا كمية المويه
نسلقه نص سوا يعني لا يصير لين مره بنفس الوقت مهب يابس يقرقط





ندهن الصينية بـ قطعة زبدة





نحط الحشوة ونرتبها زين بالملعقه




نحط الرز و نواسيه زين بالملعقه بعد
نصب فوقه كوب او كوب و نص قشطه خفق " على حسب ارتفاع الرز وحجم صينيتك"
نقصدرها وندخلها الفرن على نار هااااااديه تقريبا نص ساعه - ساعه الا ربع




معشوقتي لا شفتها قدامي بالصحن اكل بدون شعور
حشوة الدجاج لذيذة




::
::

[Ghla]

::
::




مكرونة دجاج بالـ بشامل
لذيذة والبشامل حقها خفيف لا زيوت ولا زبدة





تتبيلة الدجاج انا معتمدتها نفس حقت صينية الرز بس بدال اللبن حطيت زبادي

صحن صدور دجاج مقطع شرايح رفيعه
علبة زبادي
٥ فص ثوم مقطع شرايح رفيعه
ملعقتين اكل خل
عصير ليمونة
شوي زيت زيتون "تقريبا فنجان قهوة"
ملعقه اكل كبيره مليانه كركم
نص ملعقه اكل صغيره كمون مطحون
نص ملعقه اكل صغيره كزبرة مطحونه
فلفل اسود + ملح
رشة فلفل احمر مجروش"صورته موجوده مع البيتزا"
رشة بهارات خاصه بالدجاج << نسيت اصورها
رشة بقدونس ناشف

يتبل ساعتين او ليلة كامله





بعد ما يستوي وتنشف مويته نقصر النار ونكب عليه شوي صلصة طماطم جاهزة "نفس اللي استخدمتها في البيتزا اللي بالثوم والفطر"
و شوي قشطة خفق .. يعني نسوي بنك صوص اللي كلنا نعرفه و نعشقه




نكب المكرونه المسلوقه .. حطيت نوعين كل وحدة باقي بها شوي بالعلبه قلت يلا عشان يخلصون





نضيف لها الباذنجان المقلي و هنا انتوا ممكن تضيفون اي خضار حابينها
نكبها بـ الصينية ونبدا نسوي البشامل

كوبين حليب نغليها عالنار بس لا توصل لدرجه الغليان انتبهوا
نذوب ٤ ملاعق نشا في ٥ ملاعق مويه ونشيل الحليب من النار
بالتدريج نضيف النشا على الحليب واحنا مستمرين في التقليب .. لو انضاف كله مره وحدة بيخرب
الين ما يثقل بعدين نضيف بيضة مخفوقه مع ملح و فلفل اسود ونرجعه النار على نار هاديه
نصبه فوق المكرونه و نرش شوي بقسماط بالثوم عالوجه
نقصدرها و ندخلها الفرن شوي .. بعدين نشيل القصدير ونحمرها من فوق







::
::

[Ghla]

::
::

mexican chiken wraps
هالطخمات كلن يحبهم مانستغني عنهم بكل وقت





النكهه والسر كله بهالـ بهارات المكسيكيه موجودة في السيفوي قسم الماكولات المكسيكيه
مهب شرط هالبراند اهم شي تكون للتاكو وانتبهوا بعضها يكون مكتوب عليها hot اختاورا الـ mild حرارتها وسط





نحمس شرايح بصل ابيض في شوي زيت ورشة كركم





نكب صدور دجاج مقطعه شرايح ورشة فلفل اسود
نقلب على نار عاليه لين ما تبدا تاخذ لون ابيض




نضيف شرايح فلفل بارد "احمر ، اخضر ، اصفر " بعدين نكب تقريبا نص علبة البهارات
تزيد او تنقص حسب كمية الدجاج والفلفل





التقليب يكون مستمر ولا تغطونها عشان تنشف مويته ويتشرب الدجاج نكهة البهارات
نطفي النار ونخلي الحشوة تبرد




استخدمت تورتيلا مخابز الراشد السبايسي
الصوص الابيض :-
علبة قشطة رائبة sour cream افضل شي من ندى تلقونها بجمب اللبنه وكذا في السوبرماركت
ملعقتين كبار طحينه و رشة ملح وفلفل اسود



ندهن التورتيلا بـ الصوص الابيض والحشوة نلفها رول و نشويها بالشواية
اللي تفعص الاشياء عرفتوها؟
اللي عندنا الحمرا من sebb
لما تبرد تتقصص كل رول ٤ قطع صغيرة مع ازاله الاطراف




::
::

[Ghla]

::
::





مكرونة بـ حشوة دجاج و خضار
ملغّمة و تقول للدايت خير وش عندك ؟؟!

نتبل الدجاج بنفس الخلطة السابقه .. قلت لكم لذيذة واعتمدتها خلاص

صحن صدور دجاج مقطع شرايح رفيعه
ثلاث ارباع كاس لبن
٥ فص ثوم مقطع شرايح رفيعه
ملعقتين اكل خل
عصير ليمونة
شوي زيت زيتون "تقريبا فنجان قهوة"
ملعقه اكل كبيره مليانه كركم
نص ملعقه اكل صغيره كمون مطحون
نص ملعقه اكل صغيره كزبرة مطحونه
فلفل اسود + ملح
رشة فلفل احمر مجروش"صورته موجوده مع البيتزا"
رشة بهارات خاصه بالدجاج << نسيت اصورها
رشة بقدونس ناشف

يتبل ساعتين او ليلة كامله



نسوي بنك صوص
انا حطيت صوص الطماطم الجاهز اللي مصورته فوق "بالثوم والفطر"
و زدت قشطة خفق و نص ماجي + بهارات ايطاليه
كبيت فوقها مكرونه مسلوقه وخليتها كم دقيقه على نار هاديه
نحط نص كميه المكرونه في الصينية





لدجاج بعد مانحمسه عالنار ويستوي نضيف له
"باذنجان ، بطاطس ، كوسا" مقليه ولك الحرية تزيدين تنقصين الخضار اللي تبين
+ مكعبات فلفل بارد احمر .. نقلبها كويس .. نطفي النار ونخليها كم دقيقه
نحطها فوق المكرونه




نرجع نغطيها بـ المكرونه اللي باقيه
نزينها بـ جبن مبشور برضو صورته حاطتها فوق مع البيتزا
و شوي بهارات ايطاليه
نقصدرها وندخلها الفرن لين ماتذوق و تصير خقق



::
::

وبسس
منقووول لعنؤؤنكم الحلؤؤين

لحدٌ ينفجعٌ مآ طبختٌ

[رفااااال]

جوعتيني ياشيخة ههههههههههههههههههههههههههههه

تسلمي يالغلا

[sħăgίąħ ώ βкёfè]

رووووعه يخرب بيت مخك يابنت ياغلوو 004



بصراحه شي يفتح النفس يشهي :7:



يعطيكي الف عافيه ياعيوني عالطرح التوحفه



وترا كنت متأكده انه مو انتي اللي سويتيه :3:



مانحرم منك يابته ولامن جديدك :41:



تقبلي مروري 004

[اميرهـ بأخلاقي]

>>> بروح ابكي
حرااام وش هالتعذيب قسم ميته جووع
انا وش دخلني هنا . . اكل ماشالله ولا ارووع شكله يفتح النفس
تسلم ايدينك على هالابدااع >> تسووي نفسها مصدقه انو من يدك
يالله في انتظار اطباق ثانيه منك هههههههههه . .||

[عجآيب]

اصوات بطني زاد صوتهااا :3:
طبخات مرا حلوين
يعطيك العاافيه يَ حلو

[سولافه]

جوعتيني والله :7:
تفتح النفس كل وحده اكثر من الثانيه :29::72:
لي عوده اجربها كلها ان شاء الله :18:
تسلم يدينك
يعطيك العافيه 004 :82:

[يآسَمينْ .,]

:icon120::icon120:

شو هالاكل ياغلا >> عذااااب:7:

يعطيك العافيه على النقل 004

[صعبة المنال]

وربي كل واحد احسن من الثاني

دخت وانا اشوف الصور من البدايه :(

خصوصا الشورما >> يا اني احبها بشكل

الله يسعدك يا احسن بنوته في الدوووونيا