ام زوجي تنام معي بالسرير

[يغار الحلا]

اليوم


ليس من مقولي ولكن من منقولي


قصة جميلة ورائعة


نتعلم منها الصبر


ونستلهم منها التربية


على الرغم ان بطلتها لم يتجاوز عمرها 20 سن


أسأل الله عز وجل


ان يحفظها ويرزقها ويوفقها

وان يكثر من أمثالها


قصتها أو تجربتها وسام عز


للجميع دعواتي



واليكم القصة


كما وجدتها في أحد المنتديات لم أضف ولم أحذف

*أم زوجي تنام معي في السرير *

قرأت هذه القصة في احدى المنتديات و

اعجبتني

و حبيت ان الكل يستفيد منها

0000
انني اكتب هذا الموضوع لاقنع كل زوجه

متضايقه من ام زوجها

اخواتي اود ان اقسم لكم بالله العظيم بان كل

كلمه سوف اكتبها هي حقيقه حدثت لي في

يوم من الايام

اخواتي تزوجت وعمري عشرين سنه وكنت

ماني داريه عن الدنيا ومقالب الحريم

وحركاتهم..

المهم كانت ام زوجي حرمه متسلطه سليطه

لسان يكرهها الجميع من اخوات زوجها

وجيرانها واقاربها لان لسانها متبري منها

عندما تزوجت تعلقت بزوجي كاي زوجه تحب

زوجها

000ولكن الحب يحتاج الى تضحيات واولها

المواجه مع ام زوجي

00 وكان الكل يحذرني منها00ولكنني قررت

ان اكسب المعركه لصالحي

في البدايه اود ان اوضح ماهو اكثر شئ

اعانني على المواجهه

(بعد اعانه الله سبحانه وتعالى)

((((كنت دائما اضع ببالي لو انها كانت امي

فماالذي سوف افعله بهذا الموقف)))))

الان سوف ندخل اجواء المعركه وساذكر لكم

بعض المواقف البعض فقط لانها لاتعد

ولاتحصى

كانت تحرص ان تدخل غرفتي بدون اذن وتاخذ

بعض اغراضي وتستخدمه امامي لكي

تغيضني وتجبرني على الكلام

(ولكن اتخيلها امي)واصمت

كنت احرص ان لا اقفل الغرفه اذا كنت نائمه

وزوجي غير موجود لانها تحب ان تفتح الباب

بين فتره والثانيه

(ولكن اتخيلها امي تود الاطمئنان علي)

واصمت

كان يوجد داخل غرفتي حمام لمن نركب له

باب لانه داخل الغرفه وضعنا عليه ستاره

بشكل مرتب فقط كنت اود الاستحمام احيانا

وهي موجوده بالغرفه اخذ روب الحمام

واغلق الستاره واتروش عادي جدا وبعدين

البس داخل الحمام

(ولكن اتخيلها امي استحي اقولها اطلعي

برى)

المفروض هي تستحي

كنت انام الظهريه عندما يكون زوجي بالعمل

واكتشف انها نامت معي بنفس السرير عندما

كنت اغط بالنوم لاني اترك الباب مفتوح لها كما

اسلفت سابقا وكانت حجتها ان مكيفها حار

ومكيفنا ابرد 00والبيت فيه خمس مكيفات

مااختارت الا غرفتي

(ولكن اتخيلها امي)واصمت

كانت تقتحم غرفتي وتفتش بين ملابسي

بحجه ان الشغاله مضيعه تنوره بنتها يمكن

مدخلتها عندي ويشهد الله اني كنت اساعدها

بعمليه التفتيش (لاني اتخيلها امي)واصمت

كانت تحاول احراجي امام الحريم عندما نجتمع

ولكن اسكت لاني عارفه الناس تقول حتى لو

عمتها غلطانه المفروض مايتهاوشون قدام

الحريم يعني اطلع انا الغلطانه وهذا مالا ارضاه

لنفسي بعد هذا الصبر الطويل

اما وجبات الاكل هذي يبيلها مجلدات لحالها

لانها كل مره تغير مزاجها مره تبي الاكل مالح

ومره باهت مره الرز لين ومره تبغاه نثري0مره

تقول البهارات تسبب لي حرقان ومره الاكل

ماصخ مافيه بهارات

وطبعا في كل مره اطبخ له طبخه من جديد

حسب المواصفات المطلوبه(وطبعا اتخيلها

امي)ومشتهيه تاكل هالطبخه

لما ارجع من السوق اوريها اغراضي واحد

واحد حتى الاشياء الخاصه (تذكرت موقف

طريف بقوله لكم مره اشتريت لمعه الجسم

وريتها على انها كريم عادي0 طبعا هي كل

كريماتي من املاكها الشخصيه وتستخدمها

متى مابغت 0وتخيلوا شلون بيكون شكلها

وهي رايحه عند ناس وهي مستخدمه لمعه

الجسم

وطبعا لما جاني عيال ياسلام بدات تلقى اثاره

اكثر 00عيالكم سوو وعيالكم فعلو00بذكر لكم

موقف واحد

00مره ولدي كب بيبسي على الموكيت حق

غرفتها00قالت انا حلفت ان البيبسي

ماينمسح ولازم يتغير الموكيت كله(طبعا تبغى

تنرفزني وتشوف رده فعلي)

المهم ولدها عيا قال هذا جبروت مهو طلب

معقول

00ورحت وغيرت موكيت الغرفه على حسابي

الخاص

المهم يااخوات ان هالمعارك دامت تقريبا

خمس سنوات(داحس والغبراء)

وبعدها اعلنت ام زوجي استسلمها

وصارت تفضلني على زوجات اولادها السته

وصارت كل ماشافت شي جديد عند زوجات

عيالها او بناتها تشتريه لي وتقول شفتهم

شروه اكيد انه شي دارج هالوقت وقلت

باشتريه للغاليه

وصارت تستشيرني بكل شي يخصها حتى لو

عيالها قالوا لها شي ماتثق فيهم لحد ماتاخذ

رايي

وصارت تدعي لكل عجوز تشوفها ان الله

يرزقها بحرمه ولد مثلي

طبعا كل الناس مستغربين بما فيهم زوجي

واخوانه شلون قدرت اكسب ام زوجي

واقسم بالله تقريبا تسعين بالميه من

المشاكل ماكان يدري عنها زوجي لاني كنت

اقول في نفسي

(طيب واذا عرف بالمشكله يرمي امه بالشارع

ولا يروح يهاوشها وتزيد المشكله ماتنقص

وهذا الي هي تبغاه)

كان مايدري الا بالمشكله الي يشوفها بعينه

والله اني اكتب قصتي مع ام زوجي لكي

تستفيد منها كل عروس توها باول المشوار

وماهي عارفه كيف تتصرف مع ام زوجها

راقت لي

[سولافه]

هذا هو التصرف الصحيح انها ماتدخل زوجها بمشاكلها مع امه
مع ان احيان الام تزودها بس تبقى ام مهما كان
قصه رائع
سلمت يداك
يعطيك العافيه 004 :82:

[الشامخ]

سبحان الله

فيه حريم يصبروا كذا


مفتح صبرها كان

اتخيلها امي

رغم انه على قولة سولافووه مواقف صعب الواحد يقدر يستحملها

لكن الله اعطاها الصبر والعزيمة

عشان تغير ام الزوج بعد ما كانت منبوذة من الكل


جددددددا عجبتني القصة

عوافي خيتوو تغار من الحلا


اطنخخخخخخ تقيييييييييم لأحلى قصة عن الصبر


:82:

[Ỉ dσήŧ ςάяє]

العنوان غير والموضوع غير

شكراً لطرحك ..وقصصه جميله وأهنيها ع الصبر ..

صبرت وحصلت إلي تبغاه 004

[الأميره]

عواااافي حبيبتي يغار الحلا لاتحرمينا جديدك
والصبر مفتاح الفرج

[بنت ابوها]

شـكــ وبارك الله فيك ـــرا لك ... لك مني أجمل تحية .