السلام عليكم ورحمة الله وبركاته

ياجماعه خلال بحثي شدني سؤال لأحد الشباب يقول في صيغته..

البنت اش اللي تبغاه بالضبط من المكالمات؟(وقت الملكه)

هل تبغى بس الغزل
ولا ايش تبغى بالضبط؟

فقلت انزل الموضوع عشان اخواني يستفيدون
/
اول شي زي ماانتم عارفين مجتمعنا جلف شوي

فالبنت متى تحس بالحب والاهتمام واطلع كل العواطف مع حبيبها اللي هو زوجها وبسسسسس

فعشان كذا نقول لشباب لاتقصرون معاهم وقت الملكه حرام اعطوهم جوهم

ودخلو الفرح عليهم

كيف؟؟؟؟

اول شي هي ماتبغى المكالمات بس عشان تتغزل فيها

اكيد هي يهمها هذا الشي عشان تحس انك مقتنع فيها وماليه عينك وتحس بأنوثتها

هذا شي ضروري بالنسبه لكل بنت
كيف ؟؟

يعني اذا جيتها زياره صعب انك ماتعلق انك معجب بطريقة لبسها وان مثلا اللون مره مناسبها

بالمختصر البنات يموتون في المدح اعطيها جوها
وكمان لارحت من عندها

وكلمتها بعدين اكييد بتتكلمون في الزياره والجلسه اللي جلستوها فلاتنسى تمدحها كمان

وان صورتها لسى في بالك ومن هالكلام
لكن المهم والاهم كمان هو الاهتمام

كيف ؟

يعني مثلا ابسط شي ابسط شي قالتلك بنروح نتمشى مثلا مع اهلها طبعا

بعد ماتجي تكلمها هاه بشريني حبيبتي انبسطت اليوم

وتقولها انا من اليوم ماطاوعني قلبي انام اللين ماتجين عشان اسمع صوتك

غير رسايل الصباح لمن تصحى وانت رايح الدوام ولمن تنام

هذا مفروض تصير اساسيه عشان تحسون انكم روحين في جسد واحد

واممم اش كمان والله مدري

شباب اي سؤال انا حاضره....

دلوعة فوضى:8: