موسوعة حلآ آللأوريو ..{ تجميعي.}~

[مشـآعر خجولـه]

يسعد صبآحكم ومسآئكم

وكل عآم وآنتو بألف صحه يآرب..

وينعـآد عليكم004

حبيت آنزل موضوع عن آلبسكويت آلرآئع

وآللي آعشقه حد آلجنون { آوريو }..

فيه كثير آنوآع حلآ نستخدمه فيهـآ

وقلت آجمعهـآ لكم حبآيبي..

مآآنحرم من مشآركـآتكم وآللي يلقى شيء مو موجود هنـآ..

يضيفه وآكون سعيده

بحكم آنشغـآلي برمضـآن<<تدرون متزوجه وحركتـآت:41:

بين كل فتره وفتره بنزل حلويـآت..

يسعدني وجودكم وتعليقكم..

وشهركم مبآرك

[مشـآعر خجولـه]

المقادير لحلى الاوريو



من جديد وصفات حلى او حلا قهوه المتجددة, نقدم حلا الاوريو بالصور ,لوصفة جديدة فيها حلا قهوة بالصور ,وهو حلا قهوة جديد ,وايضا حلا قهوة سهل


1- علبتين بسكوت شاي اذا كان حجمها كبير نحط 1ونص ..


2- علبة قشطه ..


3- ملعقه ك شوكلاته بودرهـ


4- ملعقه ك سكر مطحون ..


5- 3 مغلفات اوريو ( اللي فيها 6 حبات )


6- 6 حبات جبن كيري ..


7 -1 كراميل ..


8- فنجان تقريبآ حليب نستله ..


الطريقه :


نشيل الكريمه البيضاء اللي بالاوريو مثل كذا ونخليها ع جنب ..





نسوي الكريمه الصفراء اللي تتكون من ( الكراميل , الجبن , حليب نستله ):


نسوي الكريمه الصفراء اللي تتكون من ( الكراميل , الجبن , حليب نستله ):





وبعدها العجينه اللي تتكون من ( القشطه , البسكوت , الشوكلاته , السكر )





بعدهــآ نجيب اللي يسوون فيها المعمول ماعرف اسمها ههههههههههه ونحط داخلها البسكوت


يعني حولها ونحط داخله الكريمه الصفراء مثل كذا :





وبعدها نغطيها بحبة الاوريو ونكبسها بالصينيه ..





ونخليه بالفريزر ساعه وبعدها نحطه بعلب بلاستيك اذا احتجنا نطلعه ونخليه شوي ونقدمه


وبالعـــآفيه ..


هذا الشكل النهــآئي

وهذآ كنت مسويته من قبل :

[مشـآعر خجولـه]

يا هلا ومسهلا فيكم

ويالله حي اللي دخلوا ..

" حلى الأوريو بالشعيريه "


المقادير :


1- جالكسي ساده

2- شعيريه باكستانيه

3- أوريو

4- حليب نستله

5- قشطه


الكميه اللي سويناها كانت 27 كاس وحطينا 5 جالكسي & 5 باكيتات اوريو & كيسة الشعيريره كامله ,, يعني تقررين كمية المقادير حسب العدد اللي بتسوينه من الكاسات .




الطريقه :


اول شئ ناخذ الكاسات الصغيره الورق حقت القهوه اللي ناخذها للطلعات

ملاحظه : افضل انك تستعملين الكاسات الورق اللي على اليمين مو البلاستيك (يسار)عشان مايطلع الشكل النهائي للحلى فيه خطوط وكتابه من تحت (علامة الجوده )



نذوب الجالكسي في حمام مائي ,, ونصبه في الكاسات (الكميه وسط مو كثيره ولا قليله) ونحطها بالفريزر فتره بسيطه بس تجمد ,, عشان نحط الطبقه الثانيه .




نجيب الشعيريه ونكسرها ونحمسها مع شوية زبده وبعدين نحط عليها نستله ونخلطهم مع بعض لين تتجانس ,, بعدها نطلع الكاسات من الفريزر ونحط الشعيريه فيها (على الجالكسي)..



نطحن الاوريو ونعجنه بقشطه (الكميه اللي تحتاجينها ) لين تشوفينها صارت زي العجينه يعني تتشكل بيدك ما تتفتفت ,, ونحطه في الكاسات على طبقة الشعيريه.



ونحط الكاسات في الثلاجه ,, واذا مستعجله عليها حطيها بالفريزر .


ملاحظه :اذا طلعتي الكاسات من الثلاجه على طول يطلع معك الحلى وابدا ماتعبني وما احتجت اكسر الكاسات عشان تطلع ,, بس طقيها من تحت الا هي طالعتلك (سبحان الله) اهم شي الكاسات تكون ورق مو بلاستيك ..



وهذا الشكل النهائي للحلى

وبآلعـآفيه004

[مشـآعر خجولـه]

الطبقـه الاولــى :
كيك أمريكانا الكبيير مرره اللي بقالب قصدير . تقطعينها شرايح عريضـه شوي وتصفينها بالصينيـه .
الطبقـة الثانيــه :
علبـة قشطـة .
باكيت دريم ويب .
تشوكلت مارس الكبير .
ربـع كاس حليب سايل .
18 حبـة أوريو ( مكسره ) .
تخلط المقادير هذي بالخلاط ونصب الخليط فوق الكيك ع الصينيـه ,
وندخلهـا الثلاجـه نص ساعـه لحد ماتجمد الطبقـه .
الطبقـة الثالثـه :
باكيت دريم ويب .
علبـة قشطـه .
تخلطينها بالخلاط وتدهنينهـا ع الصينيـه بشويش شويش
بعدهـا تصفين حبات أوريو ( من دون الحشوه ) وحده اللي غامقـه ووحده فاتحـه وهكذا
تصفينهم جمب بعض جمب بعض لأنو يسهل عليك التقطيـع بعدين
يعني بس فراغ صغنون للسكين عشان تقطـع .
بعد الصف تجيبين هيرشي وتخططين ,, او اي شخبوطـه انتي مشتهيتها بس لا تكثرين
تنحط بالثلاجـه لمده يووم كامل ,, ولا بتطلـع سايحه عليك
وإذا مرره مرره مستعجلـه بالفريزر لمده 12 ساعــه

وهادا شكله في التقديم النهائي



وبالهنـا والعافيـه

[مشـآعر خجولـه]

بـآك..




حــــــلى الأوريو مع الصوص


المطلوب /
كرتون اوريو البني يمكن ماراح تستخدميه كله
1 ظرف دريم ويب
1 قشطه
1 مارس كبير
كيك امريكانا القالب




خطوات العمل /

قطعي الكيك الى شرائح بس طبعا تقطعيها بالطول مو بالعرض حتى تكون شرائح كبيره تقريبا راح يجي معاك ثلاث شرائح
تصفيها في البايركس
×××
نحضر الخلاط ..
نحط فيه القشطه وربع علبة القشطه مويه وظرف دريم ويب ونقطع المارس قطع صغيره ونحطها في الخلاط ونضربها لحد ماتصير عندنا شبه كريمه وخليه على جانب
×××


نجي للحركه المهمه :
ناخذ بسكويت اوريو ونفصل كل شريحة بسكوته عن الثانيه بحيث تكون شريحه فيها الكريمه البيضاء والثانيه بدون كريمه
لحد ماتجمعي كميه كبيره من الاوريو بدون كريمه
احتفظي بالشرائح اللي فيها كريمه وانتبهي لها لاتتكسر

نجي نشغل الخلاط مره ثانيه ونحط فيه الاوريو بدون كريمه على حبه حبه لحد ماتتكثف الكريمه ويصير قوامها غلييييظ

نصب الصوص فوق الكيك وبعدين نصف الاوريو اللي فيه كريمه بحيث تكون الكريمه للاعلى
وندخلها الثلاجه وبعد ساعتين خذي علبة باكينج باودر فاضيه البلاستيك واخرميها وقطعي فيها حتى تشوفي الشكل اللي فوق
وزينيها بالهيرشي

وقدميها واذا ماقالوا يمممممي ديليشز ابدن لاتكلميني خخخخخ


وبالهنــــا

[مشـآعر خجولـه]

..حــــــــــــلى الاوريـــــو

حلى الاوريو



المقادير 000

كيك تقطيعه مستطيل وتصفية في الصينيه
انا عملت كيكه الزبادي من اليوم الاول وحطيتها في الثلاجة واليوم الثاني في الصباح عملت الحلى
وخليته في الثلاجة للمغرب علشان يجمد

الطبقة الثانية.. 2 قشطة _ 2 باكت دريم ويب
تخلطيها مع بعض بخلاط الكيك وتكسري فيه بسكوت اوريو وتلقبيه بخفه وتضيفي عليه من شراب الهيرشي
وتضيفيها على الكيك بحذر .. ضعيه في الثلاجة حتى تجمد

الطبقة الثالثة ..قشظة – باكت دريم ويب
وتخلطيها مع بعض وتضيفي عليها دموع هيرشي وتقلبيها بخفة وتضعيها على الطبقة الثانية بعد ماتكون جمدت
وتخليها في الثلاجه حتى تجمد

الطبقة الربعه.. قشطة – باكت دريم ويب – 6 جبنة كيري – ثلاث ارباع حليب نستله وممكن تضيفيه كله
وتخليطها مع بعض وتضيفيها على الطبقة الثالثة بعد ماتكون جمدت

بعدين اعملي على الوجه دوائر من شراب الهيرشي وزينيه بالسكين اكيد كلكم يعرفوا هذه الطريقة تعطي منظر حلو

وطبعا تضعيها في الثلاجه حتى تجمد

[عجآيب]

مجهود جميل
تششكرين عليه

[مشـآعر خجولـه]

مجهود جميل
تششكرين عليه

نورتي يآقلبوو004

[مشـآعر خجولـه]

آيسكريم الأوريو


اول شي المقادير :



علبتين آيس كريم فانيلا نفس اللي بالصورة و


2 حليب مو شرط قليل الدسم و 3 بسكويت اوريو نفس اللي بالصورة

علبه آيس كريم فاضيه + خلاط كهربائي ..









ثاني شي نخلط الحليب مع الآيس كريم مع بعض لمده 5 دقائق






3

الخطوة الثالثة نفتت البسكوت حته حته ..انا استخدمت الخلاط بس يفضل انتفتتونه بايدكم علشان قطع البسكوت تصير اكبر و احلى









4 الخطوةالرابعة نخلط البسكوت مع الآيس كريم







الخطوةالخامسةالصورة تعبر






الخطوة السادسة نحط البرد بالفريزر بس انتبهوا حطوه بعيداً عن السمج وريحة الزفرة خلوه على الأقل 4 ساعات بالفريزر






المرحلة الأخيره حطي عليه صلصة الكاكاو

[مشـآعر خجولـه]

حلوى الفناجين المقلوبة





المقادير



1بسكويت شاي
علبة قشطه
ملعقة كاكاو بودره
جالكسي فلوتات
بسكويت اوريو
علبة حليب نستله
4حبات جبن كيري
ملعقة نسكافيه
نايلون للتغليف وهذه الصورة






الطريقة:


أولا // نغلف فناجين القهوة بالنايلون هكذا كما هو واضح بالصورة /






ثانيا // نخلط علبة القشطة مع الكاكاو جيدا ثم نعجنه ببسكويت الشاهي المطحون حتى تتكون لدينا عجينة
ثالثا // نكور العجينة ثم نلبسها للفنجان هكذا
((يعني تكون مجوفة وتأخذ شكل الفنجان ))


مثل ما هو باين بالصورة







رابعا // نكسر الجالكسي الفلوتات بالسكين مثل ماهو باين بالصورة









خامساً // ثم نضع مقدار ملعقة صغيرة من الجالكسي بعد ما كسرناه في الفنجان

( الطريقة واضحة بالصورة التي فيها الارقام التالية 1-2-3-4 ) .

سادساً // نضع مقدار ملعقة من الخليط المكون من

[ 4 حبات جبن كيري + نصف علبة حليب نستلة كبير + 1 ملعقة نسكافية ]
( الطريقة واضحة بالصورة التي فيها الارقام التالية 1-2-3-4 ) .
سابعاً // نقسم حبة الأوريو إلى نصفين ونأخذ احد النصفين ونغمسه بقليل من الحليب ونغطي به الفنجان وهكذا مع باقي الفناجين

( الطريقة واضحة بالصورة التي فيها الارقام التالية 1-2-3-4 ) .












ثامناُ // نضعها في الثلاجة حتى تبرد وتتماسك عند التقديم نقلبها وهذاشكلها بعد ما قلبناها ونزينها بصوص الهيرشي

[مشـآعر خجولـه]

المقادير :

1 كيك شوكولاته أمريكانا ( اللي يجي بعلبة قصدير).

4 دريم ويب.
4 قشطة.
20 حبة أوريو مكسرة ومزاله الكريمة اللي في الوسط.
شوكولا سايلة (مثل هيرشي)

الطريقة :

الطبقة الأولى / كيك شوكولا أمريكانا وعليه شوي من صوص هيرشي.
الطبقةالثانية / 2 قشطة + 2 دريم ويب + بسكويت الاوريو.
ونخليه لمدة ساعة فيالثلاجه لما تتماسك.
الطبقة الثالثة / 2 قشطة + 2 دريم ويب ؛؛ ويزين بشوكولا هيرشي.

[مشـآعر خجولـه]

كيك بالاوريو









المقادير:


كوب ونصف دقيق _بيضتين _نصف كاس زيت _كاس حليب سايل _نصف كاس سكر
م ك باكنج باودر_ ملعقة شاي فانيليا
مغلف واحد بسكويت أوريو يفضل الغامق




الطريقه:


يخفق البيض + السكر + الفانيليا لمدة 5 دقائق
نضيف الزيت والحليب ثم (الدقيق بالتدريج) ثم الباكينج باودر نضع نصف الخليط في صينيه مثقوبة الوسط مدهونه بالزيت ثم نطحن الأوريو ثم نضعه ثم نسكب باقي الخليط بحيث يكون الأوريو بين خليطين من الكيك ثم يوضع في الفرن لمدة 25 دقيقه ...

[مشـآعر خجولـه]

مربعات الاوريو بالشكولاته





المقادير

24 حبة اوريو
نص اصبع زبدة
علبة حليب مركز كبير مقاس 397 تقريبا
كوبين حبيبات الشوكلاتة -chocolate chips
نص كوب جوز مفروم


الطريقة
* اطحني الاوريو و اخلطيه مع الزبده و رصي في قالب بايركس كبير -مدهون طبعا- .. القالب مقاس 13*9 انتش
* على النار ذوبي الحليب مع نص كمية الشوكولاته -لا تخلينه يغلي بس مجرد ذوبان
* صبيه على طبقة الاوريو
* و بعدين رشيه بباقي الشوكولاته و الجوز
* حطي في الفرن على درجة 350 لمدة 20 دقيقة مش اكثر
* قطعيها مربعات صغيره و صفيها بصحن التقديم ، اذا بغيتي ترصينها فوق بعض ، ياريت تفصلين كل طبقة عن الثانيه بورق الشمع عشان ما يلصقون في بعض

[مشـآعر خجولـه]

حلى قهوة فخم وسهل جداُ

المقادير:


4 علب بسكويت أوريو
4 علب بسكويت بالليمون
علبة قشطة
الطريقة :


ـ يطحن البسكويت بطاحونة القهوة كل نوع لوحده .
ـ تضاف ملعقتين من القشطة إلى بسكويت الأوريو ويعجن جيداً ، وتضاف ملعقتين من القشطة إلى بسكويت الليمون أيضاً ويعجن .
ـ يفرد البسكويت بين قطعتين من البلاستيك وتقص الأطراف بالتساوي ، كل نوع لوحده .
ـ توضع طبقة بسكويت الليمون فوق بسكويت الأوريو ويلف رول مع الضغط على الرول ويلف جيداً بواسطة القصدير .
ـ يدخل البسكويت إلى الثلاجة لمدة ساعة ثم يخرج ويفك القصدير ويقطع البسكويت إلى حلقات وترتب في طبق التقديم .























اتمنى تعجبكم الطريقة

[غالية الاثمان]

مجهود رائع ..
يعطيك الف عافيه ..