لا تنصدم في بسمتي يوم احاكيك احيانا تلقى ب الجريح ابتسامة

**βέşђ** · 13-05-2011, 01:40 PM

مابيك تستغرب اذا قلت مابيك ..

قلبي من اللي صار غير كلامه ..

تدري وش اللي حدني يوم آناديك بودعك واقول مع السلامة ..

بودعك وآنسى زمانك ومآضيك وداع من ذآق الجفا والملامة ..

لكن ودي اسألك قبل اخليك وابيك تعطي للسؤال اهتمامة ..

بالله عليك وشلون غيرتني فيك وخليتني انسى غلاك ونظامة ..

وآنا عشانك كل ماتطلب يجيك رفعت لك هامة ونزلت هامة ..

ما عاد لك في داخلي حي يبكيك صدري قبر كل الحواس بعظامه ..

اغلييييييييك ..

صح آن كنت آنا اغليك واللحين رآس المال منك السلامة ..

لا تقول ليه وكيف وشلون وشفيك ماضيك يعطي لبكرة علامة ..

ماودي اضيع حياتي بأياديك دام ان من عزك تنزل مقامة ..

غلاك ماعلمك تكسر تغليك وغلاك اثبت لي الوفا والشهامة ..

كآفي نضيع وقتنا في بلاويك ما يرجع اللي رآح كثر الندامة ..

وإن ضاقت الدنيا في زحمة طواريك الليل الاسود ما يطول ظلامه ..

واللحين تعرف ليه انا قلت مابيك وقلبا يحبك غير كلامه ..

ودعتك الله لا عاد تجيني ولا اجيك ولا عاد تسأل خاطري وش علامه ..

ولا تنصدم في بسمتي يوم احاكيك احيانا تلقى ب الجريح ابتسامة ..