قسم بالله ماتسوي شعره من رمش عيني

**خطاك دمر غلاك** · 21-01-2010, 12:59 AM

كتبت الشعر مو لجلك ولكن فاض بي بركان
اما انتي فما تسوي قصيده في نظر عيني

حلفتي لي تصونيني اذا صار الزمن خوان
واول ماعثر حظي على دربك خذلتيني

كسر رمح الزمن صدري وجيتك اشتكي حيران
نزعت الرمح في صدري وفي ظهري طعنتيني

خسااره كيف حبيتك نعم والله انا ندمان
غبي ادري نعم ادري مادام انك سكنتيني

عدت شهور من عمري وانا في لعبتك غرقان
اشيل الشوك من دربك وجرحي كان يدميني

كنت ابكي اذا تبكي واكون لبسمتك فرحان
وكنت اقرب من ارموشك لعينك يوم تبغيني

عرفتك للاسف صحرا وحولتك لبستان
وشلتيني غصن اخضر وفي صخرك زرعتيني

حفرتك داخلي وظني تصوني عشرتي ازمان
وكنت احفر قبر موتي على ساحل شرااييني

على كف الشقا نامت جروحي والالم سهران
يحطمني يبعثرني وفي صحراك يرميني

ولكن عزتي تفرض اكون بدنيتك سلطان
وان ظنك اجي اركع لرجلك ماعرفتيني

انا مو عادتي اشحد من امثاالك رضى واحسان
اموت بعزتي ارحم ولا ذلك يغطيني

مادام ان الوفا عندك يدور له على عنوان
بدور لي على قلب يصون الحب وسنيني

ولو قلبي رجع حبك بولع فيه بالنيران
وبكسرها انا رجلي اذا صووبك توديني

ولودار الزمن ضدك وجيتي تطلبي الغفران
وجبتي الشمس في كفك لعندي مابتلقيني

تقول الناس في وصفك جميله مثل عود البان
وانك اجمل واحلى بشر مخلوق من طين

وانك غااليه واثمن من الياقوت والمرجان
تقوم اكوان من شانك وتقعد لك بلا ديني

حسافه غرهم شكلك وياااما تخدع الالوان
عموماااا قد بقت كلمه اخيرا لك وسمعيني

اذا كنتي بنظر غيري ملاك بشكل انسان
قسم بالله ماتسوي شعره من رمش عيني

**مومهم اسمي** · 21-01-2010, 02:04 AM

ولو قلبي رجع حَبـك بولـع فيـه بالنيـر ان
وبكسرهـا أنـا رجلـي إذا صوبـك تودينـي

روعـــــــــــــــــــــــــــــــــــــــــــــــ ـــــه
يعطيك الف عافيه

**سمو المشاعر** · 21-01-2010, 02:38 AM

جنااااااااااااااااااااااااااااااااان
الله لا يحرمنا ابداعاتك
وياليت اللي على بالي يمر على مشاركتك ويقراها زين
ويعتبرها مني هديه

**اميرة ينبع** · 21-01-2010, 04:06 AM

على كف الشقا نامت جروحي والالم سهران
يحطمني يبعثرني وفي صحراك يرميني
يسلمووووووووووووو حبيبتي على الابيات الروعة

**خطاك دمر غلاك** · 21-01-2010, 09:18 PM

يسلموووووووو على مروركم

**♥} آمـل الـ عٍ ـشآق ♪** · 08-03-2010, 04:45 PM

اختيارات اكتست بالروعة..
وسٌكِبت بماء الرقة والجمال والنعومة...
ذوق رائع..
فحق لنا تتويجكِ شكراً ..
شكري وتقديري..
وتقبلي مودتي مقرونة
بإكليل من النرجس والريحاان