أضخم موضوع عن لوحات السيارات

[هايمه بذكراك]

ههههههههههههه مكاني غلط
بسم الله الرحمن الرحيم
شباب جيتكم في هذا الموضوع المتواضع عن كل خفايا وأسرار لوحات السيارات

بالمختصر
عــــالم اللوحـــات

إلي شغل الكثير من الناس سواء شباب أو كبار
هذا العـــالم
إلي خلى فلان يأخر شراء سياره عشان تجي اللوحه الفلانيه
وإلي خلى صاحب البي إم الابيض يشتري لوحة ( ب ي م 760 ) بـ250000ريال
والي خلى أبو.. ر ي م .. ياخد اللوحه بإسم بنته
و..ح م د ..على إسم ولده
ومن كثر اللوحات المميزه صارت اللوحات إلي مو مميزه مميزه لقلتها (فهمتو شي )

المهم
أسف على المقدمه الطويله بس في أطول من كدا كثيييييير
بس خلاص عشان لا أحد يطفش ويشرد


بدخل في صلب الموضوع وأول شي ببدأ في هوا مكونات حروف اللوح
الكثير منا يظن أن الحروف الموجوده على اللوح مكونه من
أ >>> إلى >>> ي يعني (28) حرف

في الحقيقه خطأ تتكون اللوح من (17) حرف فقط وهي :
ا_ب_ح_د_ر_س_ص_ط_ع_ق_ك_ل_م_ن_هـ_و_ى
فقط لاغير
يعني لاحد يجي يقول شفت لوحه..(ش م س).. ولا ..( ض ر ب)..
لان هذي الحروف ماتنزل على اللوح. طيب ليه؟
لانه لو المرور نزل مثلا حرف (ز) أي واحد يقدر يمسح النقطه ويخليها (ر) وإنت ماشي...
بس محد يقدر يحط نقطه على (ر) لأنو خلاص معروف إنو مافي حرف (ز)
يعني كل الحروف إلي فيها تشابه بس فرق نقط ماتنزل

ثانيا زي ماإنتو عارفين إنو اللوح أربع ألوان وكل لويمثل فئه خاصه من السيارات
اللون الابيض : للسيارات الخاصه
والاصفر : للأجره
والازرق : نقل البضائع
والاحمر : للنقل الجماعي والباصات
((مع العلم إنو كل هذه الالوان لاتتكرر الحروف))
مثلا (د ل ل 001) على سيارة نقل يعني زرقا مستحيل يجي منها لوحه بيضا أو صفرا أو حمرا..

وفي لون خامس نشفوا نادرا لاكن يكثر في إجازة الصيف وهوا الأسود ويعني جمرك ويكثر في هذا الوقت خاصه
لأنو الناس المريشيين (ماشاء الله الله يزيدهم) يطلبو السيارات من بره يعني إستخدام الماني وأمريكي وكدا
المهم
على كثر هذي اللوحات وتعدد ألوانها وعدم تشابه أي لوحه في الحرف والرقم محد سأل نفسه كم لوحه صرفها المرور للسيارات
هذي بأنواعها
؟؟؟؟؟
؟؟؟؟؟
والله كثييييييييييير..أنا أقولكم كم لوحه صرفت وكم لوحه ستصرف؟؟

عدد اللوح هو : 3464532 لوحه صرفت

عدد اللوح الباقيه هو : 1443555 لوحه لم تصرف
( تحت بقولكم كييف جات)
...................

أســـــــــعار اللوحــــــــات
يتراوح أسعار اللوحات مابين 1200إلى 250000
على حسب الحروف والارقام..يعني كل ماكانت الحروف مكونه لكلمه كانت أغلى وكل ماكانت الحروف متكرره كانت أغلى وأغلى
وترى ياشباب الارقام إلي تشوفوها على الفياجرات والرانجروفرات والسيارات الفخمه
أقصد 777 و888 و 111 ترى كلام فاضي يعني الواحد من يوم شاف البي إم وعليه الارقام المتكرره قال واااصل
وياحضو ومحد يقدر يوقفو يااااااعمي
هذي اللوح تنباع في المرور على 1200 وألف 1500 يعني لاجا يطلع السياره أعطى المعقب 1500 وقاله بالله أرقام متشابه
ويومين واللوحه طالعه
يعني بالعربي أي واحد يقدر يطلعها
وغير كذا اللوحات المميزه أرقام وحروف هذي تصير لها مزاد وأي واحد يقدر يشارك فيه
في مرور المطار القديم كل سبت الساعه 6 مساء
(هذا أخر ماسمعت)
زورونا
http://www.moroor.gov.sa/Auction/auction.htm
وفي بعض اللوح المرور يحدد لها سعر مثل الحروف المتكرره يعني أول ماينزل حرف جديد على طول المرور يحتكر الحروف
المتشابه مثل (م م م) و(ك ك ك ) بغض النظر عن الارقام
وفاكر مره في موقع المرور كان سعر هذي اللوح 50000 (خمسين ألف ريال)
وهذا موقع في لوح متميزه للبيع وفي الاسعار
(ترى كثير يصرفو لوح بس مشو حالكم)
زي واحد كاتب لوحه هـ م ر 888
ياعمي أي همر والهاء لسه مانزل أصل

وفي موقع من المواقع المختصة ببيع اللوحات أنعرضت أغلى لوحه بمئتين وخمسين ألف (250000)
وهي: ب ى م 760 وشفتها على بي إم أبيض وطبعا 760
....................
وفي موضوع ثاني وهو نقل اللوحات وهذي الحركه مايسويها إلا المريشين يعني فلووس(الله يزيدهم ويزيدنا)
والنقل هذا يكلف عشان كذا لو واحد شاف صني موديل 1 وعليها لوحه
ب ط ا 666 لايقووول والله أبغاها لأني أبغاها من زمان وهي حقت جارنا بس الموضوع مكلف
لأنه لازم أكتب سيارته بإسمي- أنقل اللوحه لسيارتي
وبعدين أرجع السياره بإسمه وأسوي إصدار جديد ,, وكل خطوه من هذي بفلوس
يعني الموضوع يكلف تقريبا 1300وكلها للمرور (( غير فلوس اللوحه إلي بعطيها الرجال)) بيطمع الرجال ويصكني بـ 5000
...............

ترى خلاص قربت أخلص,,, أدري أكثركم مل (بس مشو حالكم ولو مجامله)
جينا دحييين لأحلى فقره (قلك برنامج مواهب وأفكار) وهي فقرة
أحلى اللوح السعوديه
والله أنا بقول أحلى لوح جداويه يعني شفتها بعيني هنا في جده
تراها كثثيييييره بس بالله لاحد يطلع قبل لايرد


إنتو أبدأو بأحلا اللوح وياريت تراعو المصداقيه
عشان الموضوع يكون أحلى
وبعد كدا بمر كل يومين وبقول أحلى لوح شفتها

ونأسف على الاطاله وياريت الموضوع حاز على رضاكم

وإنشاءالله تكون عمت الفائده



نسييييت أقولكم كيف جبت عدد اللوحات

عدد اللوحت إلي صرفت

مثلا حرف الـ ح..عدد اللوحات إلي بدايتها ح وباقي الحروف مشكله هي: 298 لوحه
نضربها في 999 وإلي هيا عدد الارقام إلي بتجي في اللوح
وكمان نضربها في عدد الحروف إلي أنصرفت يعني لين الحرف الماشين في..
يعني إنصرفت 12 لوحه من الـ17 إلي ذكرتها فوق

298 * 999 *12 = 3464532

عدد اللوحات إلي باقيه
298 * 999* 5 = 1443555
والـ5 هيا الباقيه من الـ17


وصلت المعلوومه
منقول

[خيالي]

ربي يعطيك العافية على المعلومات
بالنسبة لي لاتهمني الارقام او الحروف

[هيبـة ملڪ]

يسلمووووووووووووووووووووووو

والله مثلك يا خيالي والحمد لله

[هايمه بذكراك]

اسعدني تواجدكم
دمتم بود

[عبوودي]

معلومات راائعهـ

يسلمؤؤ على الطرح