المشاركة الأصلية كتبت بواسطة » شقيـهہ ۈ بڪـيفي «
[align=center]
هل تقبلين وترضين بالواقع وتسلمين امرك لله ؟؟
طبعا مسسسستحيل ,, وقتها ححاول معاه انه مايوافق بالشي دا
لكن لو ماحس فيا وقتها حخيرو يـآنا يـآهيا ,, ومستحيل اكمل معاه حياتي
وهوا بحياته وحده معايا اوغيري ,,
هل تؤيدين هذا التصرف من الابوين ؟
للاسف وقتها وربي حكون عدوه لهم وليست ابنه لهم ^_^
هل تعتقدون ان ابنة العم ستكون راضيه او من يكون بمكانها ؟
اكيد حتكون راضيه بنت الايه ..
هل يعذر هذا الزوج بمافعل ؟
والله ياحبايبي ,, لايقول ابويا غصبني ولاامي دا راجل يعني محد يحكمه ولايفرض عليه شي ,, ومافي شي يجي بالغصب لابالدين ولابالواقع اصلا
يعني بذات الزواج مافيه غصب واذا عقول امه وابوه متخلفه فهوا المفروض مايكون زيهم ,, لانه حرام يتزوجها غصب ويعاملها معامه زفت ويظلمها معاه,,
فـ هنا لازم من راايه واذا كان رافض فـمستحيل يوافق .. ومن الاخر ماله عذر ..
..
بصراحه الموقف لاصعب ولاشي بالنسبه له لانه دا زواج مو لعب عيال ولاكلام اهل
الزواج عمره ماكان بالغصب لايقولو يتيمه ولا مريضه .. اذا دا نصيبها
خلاص نؤمن بنصيبها وتكمل دراستها وتنتظر نصيبها وقت مايجي ,, لكن يتصرفو بالتصرف المتخلف دا .. فـآنا اشوفهم اصحاب عقول مريضه ومتخلفه
وغير كدا حيكونو سبب في دمار حياة ابنهم وتشتت احفادهم ودمار في حياه كانت سعيده بين ولدهم وزوجته ,, يعني بقوه شي قوي ..
وانا وربي لو يموت قدامي وربي مااعيش مع واحد بحياته فيه غيري
والله لو كنت اموت فيه ويموت فيا ,, وصار الموقف دا وقسم بالله مالي عيشه معاه ووقتها ادعس على قلبي وعلى كل شي ,, وعيالي دام انه هوا وقتها حيكون لسه في حب ليا من نحيته فأكيد حيهتم فيهم اكثر من اي شي بالدنيا
وححاول اخدهم طبعا بس لومانفع وماحصلي نصيب اني اخدهم ,, فبرضو حآمن لوجودهم عند ابوهم ,, لانه زي ماقلت دام انه يحبني وقتها فآكيد حيكونو هما اغلى شي بحياته وحيفتكرني كل مايشوفهم ويكلمهم وحيحافظ عليهم كويس
وبس ..
,, يعطيك الف عافيه اخويا عايدي اصيل عالطرح الرائع
وقسمن حطيت نفسي بالموقف وحسيت انه صعب صعب صعب
وشي قوي وربي وكتبت كل شي حسويه بجد وقتها
تقبل مروري ..
[/align]
المفضلات