معشوقتي ماتت..

[سمو الذات]

عبد الرحمن ملقى على السرير بعد ان انهكه البكاء والتعب ململم وجه باطراف انامله وعيناه مغرورقتان بالدموع وعلامات الفقد واضحة عليه ..

ام عبدالرحمن تطرق الباب وما من مجيب تدخل وتتجه لضناها تجلس على طرف السرير حبيبي عبدالرحمن كلنا سوف نمشي على هذا الطريق اذكر الله يا بني قم توضا وادعي لها بالرحمة لاتفيدها دموعك بل هي منتظرة لدعائك وقراءة القرآن من اجلها يلا حبيبي هات يدك قوم .. قطعت قلبي يا بعد قلبي تعرف امك ماتحب تشوفك كذا ...

بعد عدة محاولات يستجيب عبد الرحمن لنداء امه ويجلس لكنه شارد الذهن ودموعه تجري بحرقه ويتكلم بحشرجه
وخنقه : يمه انتي الوحيدة اللي تعرفين ولدك اكثر من نفسه صح ؟؟ امه وهي تفتح يدينها وتضمه على صدرها ايه يا يمه صح .
اجل وشلون تبيني اعيش من غير رانيا يا امي شلون ؟؟
اذكرك لما تحكينا وحنا صغار كيف تهتم فيني واهتم فيها دون الاطفال .. اذكر لما طحت من سيكلي وجابتلي هديه بسكوت وحلاوة وورقه صغيره مكتوب فيها بخط امها ماتشوف شر يالغالي وضحكه باهته من عبد الرحمن ..
اذكر لما دخلنا الروضه مع بعض وما احب اجلس الا جنبها واشاركها بكل شي واذا غلطت بجواب الابله هنادي ادافع عنها ..
وكبرنا يا يمه وصارت تتغطى عني وكل فتره تهديني هديه.. القران لما تخرجت من الابتدائي و العطر بعيد ميلادي 13 و الوردة باعياد الفطر و دفتر الاشعار بخط يدها و الساعه لما تخرجت من المتوسط و الجوال بالثانوي ..
تخرجت و توظفت باول سنه طلبتها وشفتها كبرت رانيا وصارت اية جمال وصارت حليلتي ماتقصر علي بشي ماعمري شفتها الا مبتسمه لو اكون بشدة غضبي يمه ماقد طلعت الا تبخرني وتعوذني من الشيطان وتدعيلي لين اقفل الباب وكل ساعه ترسلي طمني حبيبي مبسوط او احبك وحشتني كانت حياتنا كلها عسل في عسل بعد سنه الله رزقني بنوته حلوة مثل امها وسميناها رنا ورانيا هي رانيا ما انشغلت بالملاك عني ابد نفس المعامله والجهد يمه حتى لما اتكاسل عن الخير تحثني روح للصلاة , كلمت امك اليوم , يلا جارتنا الارمله ام عادل محتاجه الشي الفلاني روح جيبه لها .
وتبيني اعيش طبيعي يمه وين يجيني الفرح ولا من فين اجيب الراحة وانا ماعندي رانيا يمه قوليلي يمه ؟؟؟؟

تدرين مره شفت دمعتها وهي ماتدري تحسبني نايم في الصباح ضميتها لصدري وسألتها ليش يا قلبي البارح تبكين قالت ابد لاتشغل بالك حبيبي ضيقه من الشيطان الرجيم تعوذت منه وراحت مافيني شوفني شحلاتي ماصدقتها لانها كانت مرتبكه والخوف مبين بعيونها بس قلت ما ابي اضغط عليها وكعادتها بخرتني ودعوات الين الباب رحت عملي وانا ماني متطمن وصلت العمل استاذنت ورجعت البيت فتحت الباب وكالعادة اصارخ بكل صوتي حبيبتي انا جيت ..
ردت بصوت خافت انا هنا حبيبي تعال رحت ملهوف وخايف لقيتها عالسرير حاضنه رنا ودموعها مغرقه المخدة من غير عقل خلتني يمه خير يا روحي اشبك وش يالمك واقتص منه قومي اوديك الطبيب اخذت رنا ووديتها عند ام عادل وقلتلها حنا رايحين مشوار وراجعين ..


يادوووب تمشي وخطواتها ثقيله و انا منهبل مدري وش فيها ووين كانت مخبيه كل هالالم والوجع ليش ماقالت لي ليش تتالم وساكته وصلنا المستشفى كان قريب من بيتنا يمه دخلوها الكشف وطلع لي الدكتور بعد نص ساعه انت زوجها ؟؟
ايه طمني يا دكتور وش فيها رانيا ؟؟؟
طأطأ راسه وهو يحولق زوجتك في سرطان بالدم ومتقدم جدا جبتها متاخر وهي الحين تحت رحمة الله مانقدر نعالجها ابد ..
هذا كله وانا اقول في نفسي اكيد غلطان مو رانيا اللي يتكلم عنها واساله رانيا بنت محمد يادكتور انت تتكلم عنها ولا عن مين ؟؟؟
قالي الصبر عند المصيبة يا ولدي لاتجزع الله يساعد حالها زوجتك تحتاج لمعجزة الهيه عشان تتشافى .. وقفى عني وراح .. تركني لحالي يمه ما احس باحد حولي ولا صوت ولا حركه ولا شي وظلمت الدنيا بكوني وانا ابكي بشدة ابكي انتظره يرجع ويقول غلطانين بالتحاليل ..
تمالكت نفسي وجمعت كل قوتي المتبقيه واتصلت على عمي محمد تعال يابعدهم جنتي مره تعبانه وحنا بالمستشفى وسكرت ما اعطيته فرصه يتكلم ..
اتوجهت للغرفه اللي هي فيها فتحت الباب بصعوبه ودخلت لقيتها رافعين لها السرير وماسكه المصحف وتقرا تخيلي يمه كل هالالم وهي تقرا قران من شافتني حاولت تقوم ماقدرت قلتلها اجلسي يا بعد رووحي انتي تعبانه لازم ترتاحين قالت سامحني يا قلبي ماقدرت استقبلك مثل ماعودتك جلست ع طرف السرير وانا امسك يدها وبستها ليش ماقلتيلي من زمان عن المك يا عمري قالت خفت اقلقك خفت اعور قلبك وما ابي اشيلك هم فوق همك حبيبي مصاريف البيت وامك وام عادل و انا وجنتنا و العمل قلت الم بسيط ويروح ما يحتاج اقولك ضميتها بقووووووة وانا منهار لكن متماسك بقوة الايمان وحنا بهالحاله دخل عمي محمد ومعاه خالتي نوره واخواتها رغد و ريما و رولا قمت وانا اقولها يابعد عمري الدكتور يقول لازم تضلين كم يوم هنا علشان التحاليل واخذت عمي وطلعت برا وقلتله كل شي وحنا نسولف سمعنا صراخ ما اهتمينا بس الصراخ يزيد وممرضات ودكاتره يجرون متجهين لغرفه حبيبتي قمت رحت لمهم ماسمحولي ادخل طلعوا خالتي والبنات وبعد ساعه طلع الدكتور وقالي انا لله وانا اليه راجعون يم هذا اخر شي سمعته يوم قمت قلتلهم ابي اروح عند رانيا ودوني لرانيا قالي نواف اخوي ان رانيا راحت عند ربها وماعليك الا الصبر والدعاء لها الله يرحمها ويسكنها الجنة ..
وهو يسولف لامه يقطعهم اذان الظهر ويقوم عبدالرحمن متعكز على امه يتوضا ويصلي وياخذ مصحف رانيا ويقرا ثم يقرا ثم يقرا ودموعه غزيره يقبل المصحف ويخليه على الطاولة ويسجد وهو يتمتم يارب ارحمها يارب سكنها فسيح الجنان يارب اغفرلها كل ذنوبها يا رب نور قبرها ...



خربشات سمو الذات

[мżσση]

أليييييمه بكل ماتعنيه الكلمه
مرـا تأثرت فيها :(

سمو الذات
أنتظرت كتابتك ..
وماندمت على أنتظــآري :)
شي في قمة الروووعه :icon120:004
تسسلم يمناك يابطل :wink:


تستاهل التقييم +الفايف ستارز + :rose::rose::rose:

قواك الله على طاعته يارب 004 004

[" كريمَ ، المشآعر "]

سمووو الذآت ..


ابداااااااااااااااع .. هالخربشات ..



ننتظر أكثر وأكثر ..

[اميرهـ بأخلاقي]

مدري وش اقووووول :(

زي ماقالت جززرررررره اليييييمه بكل ماتعنيه الكلمه

يعطيك العاافيه ..

[مشـآعر خجولـه]

يؤ انا قريتهاا بالمدوونه بس

مرره مؤلمه ..

[سمو الذات]

اسعدكم الله

اثلجتم صدري بمروركم العطر

لاحرمني الله اياكم ...

[غالية الاثمان]

لا تعليييق ..

[خيالي]

ربي يرحمها ويكثر من امثالها
للجنة ان شاء الله

[سمو الذات]

غاليه اند خيالي

الموضوع من كتاباتي يعني نقدكم وتعليقاتكم انا بحاجتها ...

[احـلى عـآلم..]

رائعه مشآعرك رغم الم الذي يكسوهآ

الا انهآ تصدر حروفآ جميله

/،

سمو الذااات

من الاعمآق انت اكثر من رائع

[سمو الذات]

اسعدني وجودك سيدي

فانت قلم احتاج شهادته ..

لا هنت يالغالي ...