كيف تتصرف مع الطفل إذا عرفت انه جرب الدخان
رد مع اقتباس
الله يهدي الجميع
انا من نظرتي ان الاطفال يلجون لتدخين بسن هذا لزم يكون فيه اسباب منها ان تعامل الاهل معاهم قاسيه وهم بهذا يشعرون انهم قاعدين ينفسون من الكبت اللي عندهم بسب تعامل الاهل معاهم
بقساوه يعني زي ماانتم تعاملوني كذا انا راح اسوي شي اقهركم فيه وهو مايدري انه يضر نفسه ع باله هو يضرهم
الشي الثاني انه يشوف احد كبير بالعائله يدخن وماخذه قدوه ويفكر ان التدخين من الرجوله فدخن عشان يشوف نفسه رجال
الشي الثالث يمكن من الاصدقاء سواء بالبيت او المدرس شوف من يماشي
اذا عرفت السبب راح يسهل عليك
اهم شي حاول انك ماتظهر لهم انك شاك فيهم كل شوي يعني راقبهم من بعيد لبعيد
حاول تتقرب منهم وكلمهم بهدوء وقولهم انك شفتهم وهم يدخنون وانك خايفه عليهم وتحبهم وكلمهم عن اخطار التدخين وريهم صور بالنت عن االامراض اللي يسببها التدخين لانهم اكيد مايدرون
حاول تحببهم فيك بالهدايه اسالهم وش الشي اللي يحبونه وجيبه لهم قولهم لو ماعاد تدخنون راح اعطيكم اللي تبغون وقتها راح يسمعون كلامك
واهم شي وانت رايح الصلاه خذهم معاك وانتم طالعين حكيهم عن الجنه حاول ترغبهم بالدين
واذا كان فيه احد كبير بالبيت يدخن اطلب منه يدخن برا البيت مو قدام الاطفال
حاول تشغل وقتهم بشي مفيد تدخلهم دورات تحفيظ قران بالمسجد او تاخذه اماكن يحبها
واذا كان من اصحاب السوء حاول تبعدهم عنه وحذر كمان عامل البقاله لايبيع عليهم
اهم شي ماتضربهم لان الضرب راح يخليهم يعاندون
فيه شي كمان مره قريت انه اب اكتشف ان ابنه يدخن قاله الدكتور طارق الحبيب قوله انا موافق انك تدخن بس بشرط انك تدخن بالحمام مع الايام راح يحتقر نفسه انه يسوي الشي هذا بمكان قذر بس مااتوقع هذا الاسلوب يفيد مع اطفال
وادعيلهم ربك يهديهم
اتمنى انك تستفيد من مشاركتي
وربك يهديهم ويحفظهم
المفضلات