* بـ لحظة خوف !
أو تدري ؟
تعال .. نشوف :
صديقي ، لو تسأل وش اللـي أخافـه ؟
....... مدّيت لك قلبي ، أبي تسمـع الصـوت
كبير رغم الجرح ، ما طـاح / طافـه ،
....... وعدّل من أخطاءه ، قبل .. وقته يفوت !
شف وش مضى ، من نبض ملّ أرتجافه
....... ما كان باقي غير نبضـات ، ويمـوت
شيله وسط قلبك ، وشيـل : الكلافـه ،
....... مثل ما شال الوقت ، حلمـي بـتابـوت
شوف العمى ؟ منهو من الناس شافه !
....... هذا أنا أشوفه .. ليا صرت .. مغمـوت
ملّيت أعاتب وقـت ، ظالـم .. وتافـه
....... بردان ، وجروح الهوا ( معطف وكوت )
تسرّك أحوالـي ؟ تشـوف النحافـه !
....... أنا أحب التـوت ، يـا زارع التـوت ،
كل درب كنت أمشيه ، مملي : حسافه ،
....... لو ما مشيت الدرب ، من وين لي قوت ؟
لا تلومني ، لو قلبي .. هالوقت عافه
....... طيّب ، وبعض الطيب هالوقت .. ممقوت !
لو جيت أعاتب نبـض قلبـي ، وقافـه
....... مابي تعاتبنـي علـى حـدّة الصـوت !
وإن قلت يا خالد وش اللـي تخافـه ؟
....... أنا أخاف الموت ، وبعيونـك المـوت !
المفضلات