براسي حب وأبي اطحنه !!

[00.00.01]

مراحب اعزائي ..
موضوع كثير ما يثيرني ويزعجني لانه يناقش قضيه مهمه

طبعا بعيد عن الفصحى والتكلف باللغه حبيت اناقشكم بالعاميه عشان الكل يقدر يفهم علي ويناقشني

ممكن بعضكم يخالفني وبعض اخر يوافقني وعشان كذا اوجد الحوار

ونقاشي معكم للشباب وللبنات لاني حاب اشوف راي الطرفين ..




كلمه كثير يرددونها الشباب بالذات بعد فتره من الزواج واقول بعض الشباب
كلمه (براسي حب وابي اطحنه )
واكيد ما سمعها الا الشباب مع بعضهم وبجلساتهم وبحواراتهم ..
وبصراحه كلمه زي هذا تغيضني لان معناها مثل ما انتم فاهمين مو معنى حلو ..

بعض الشباب كان من اشد العقال بشبابه وبمراهقته , حريص على دراسته وصلاته ومتدين ..
للاسف بعد زواجه بفتره تسمع منه هالكلمه ويقولها بكل جراه ( براسي حب ما انطحن )

شاب اخر سمعته يقول ( ابي اسهر بسهره مختلطه وتكون طرب زي جلسات وناسه )
ولما سال ليه تبي كذا ( قال ياخي براسي حب وابي اطحنه )
قالوا له الشباب ( طيب سافر برى واسهر براحتك ) قال ( لا لو سافرت برى طحت بالحرام وانا ما ابي اطيح فيه )

على اساس اللي يسويه حلال ونصح فيه الرسول !!
مع العلم ان الشاب اللي قالها كان بحلقات تحفيظ بشبابه وشاب متفوق من البيت للحلقه للمدرسه وكذا كان نظامه
حتى تخصصه ما شاء الله عليه جدا متفوق فيه ..
يعني لحد يقولي انهم شباب اصلا كانوا صايعين وحبوا يرجعون لعادتهم او كلام زي كذا ..

وبالعكس هالامثله من اللي خلتني افكر اكتب الموضوع اغلبها من شباب كانوا قدوه وكانوا ابائنا دايم يقولون ( خلك زي فلان )

ولما جيت بطرف اخر وبمكان اخر مع شباب من شله اخرى وعطيتهم هالامثله احتقروها
وقالوا ( صح اننا حنا مو احسن منهم واحنا صيع من صغرنا بس اذا تزوجت خلاص انسى كل شي وخلك بزوجتك )
وشاب اخر مافي دوله ما سافر لها ولا مكان مشبوه ما طلع له ولا محرم الا وارتكبه
يقول بالحرف الواحد ( الواحد كل ما كثرت تجاربه كل ما حرص انه وقت الارتباط يكون مخلص )
استغربت هالتناقض مع ان المفروض يكون العكس بوجهات النظر ..

وربي اللي دفعني اكتب هالنقاش لكم هو بسبب كثره ما سمعت هالجمله اللي تقهر ..
ولو سمعتها من شاب مراهق كان ممكن تمشيها له وما تلومه الا ملامه بسيطه ..
ولكن تسمعها من شباب متزوجه زواجهم ماله سنه او سنتين وبعضهم من 3 او 4 سنين وكانوا بمراهقتهم جدا عقال !!
هنا العجب والغرابه بالموضوع ..

طبعا هالامور اللي ذكرتها كلها من مسببات الطلاق برايي ..

واذكر لكم مثال بسيط لشاب كان مكتوم في بيتهم , ابوه مو مخليه يسافر برى لوحده او يسافر مع اصحابه بالداخل ..
محروم من السهر برى البيت وكل شي كان مقيد فيه الشاب من اهله ..
لما تزوج وراى الدنيا قدامه وشاف وسافر لشهر العسل بالخارج ..
صار كل ما جته اجازه حط زوجته عند اهلها وطلع مع اخوياه وسافروا برى ..
ويقول انه من بعد ما تزوج شاف الدنيا , وطبعا زواجه ما استمر مده طويله ونهايته كانت بالطلاق ..

الامثله كثيره والقصص والحكايات اللي اسمعها او اشوفها وبعضها يحاكيني فيها اصحابها بنفسهم ..

قصه اخيره اختم فيها امثلتي لشاب من خيره الشباب بصغرنا , حتى ابوي لما اقوله طالع مع فلان يفرح ويشجعني ..
درس بكليه وتوظف ولما توظف نوعا ما اعاطاه ابوه الحريه في سفره وبحياته , بعد ما كان محجر عليه شوي ومشدد عليه ..
والشاب اعرفه زين كانوا جيراننا , طبعا لما توظف بدت عنده مرحله المراهقه المتاخره ,
وبطلعاته وبسهراته راى اشياء كان يسمع عنها فقط , وكان ياتي ويحكي لي وش سوى ووش فعل ..
بعدها بفتره قصيره جاتني منه رساله دعوه لزواجه , بكل صراحه انا انصدمت لاني اعرف الرجال ما بعد عقل ..
بالعكس كان عاقل بس خرب لما كبر يعني ما امداه نقول جرب كل شي ومل من العزوبيه وحاب يتزوج وينهي كل شي ..

ما استطعت حضور زواجه ولكن قابلته بعدها بفتره , ولما حكيت معاه وقلت له ما شاء الله عليك امداك تعقل !

رد علي بكل بساطه ( من قال اني بعقل نفس شغلي الاول وبالعكس الان انا رجل عائله يعني اقدر اروح اي مكان ومحد يقولي شي )

وقام يحكي بعض الامور اللي حصلت معه حتى بعد زواجه , وبصراحه ما حبيت اقوله شي واطلع قدامه بدور الناصح ,
خاصه وانه اكيد سمع النصائح بشبابه لين مل , ولكن قلت له ( يا فلان انتبه ترى الكذب حبله قصير وانت ما تبي تخرب بيتك )

واكتفيت بالكلمه هذي لعله يسمعها ويفهم مقصدي فيها ..

طبعا سالته هل هو انغصب بزواجه بالعمر هذا خاصه انه توه بدايه شبابه , قال لا ابوي ما غصبني
بس فهمت منه ومن تلميحاته انه يبيني اتزوج بسرعه خاصه اني الكبير , وامي كل شوي تقولي بنت فلان وبنت فلان تلمح للخطبه
قلت لهم اجل توكلوا عشان ارضي ابوي وامي ..
قلت له طيب انت مقتنع ليه ما اخرت زواجك كم سنه لين تمل , قال ايه مقتنع بس مو مره !!


بعد ان انتهيت من سرد الامثله والامور الواقعيه بحياتنا , وانتهيت من حكايه هذه المقوله ( براسي حب ما انطحن )



لكم الحريه بكتابه ما يجول بخواطركم , مع العلم اني ما ابحث عن انتقاد للشخصيات التي سردتها
واطلب منكم البعد عن الانتقاد الجارح لان بعضهم اعرفه جيدا , فقط ابحث عن اسباب ..

وابغى منكم وضع الحلول وترك الانتقاد لانفسكم ..

ولكن عندي بعض هالتساؤلات لكم الحريه اذا تبون تجاوبون عنها ..


وش سبب خروج هالمقوله من هالشباب ؟
وهل فعلا محتاجين يطحنون حب بعد الزواج ؟

وش الحل للشاب بنظركم عشان يبتعد عن مثل هالافعال بعد الزواج ؟

هل فكره انه عيش عزوبيتك لين تمل منها وتصير تبحث عن الزواج كرغبه منك بالاستقرار صحيحه ؟

اغلب الامثله المطروحه كانت لشباب كانوا عقال في مراهقتهم وكان همهم دراستهم وبس ..
ليش كانت الغالبيه منهم برايكم ؟؟

هل برايكم ان تجارب الشاب قبل الزواج قد تفيده باستقراره بالزواج ؟

برايكم توافقوني الراي ان الشاب كل ما كان مكتوم بشبابه كان عرضه للانحراف اذا فتحت له الدنيا ؟



والى هنا موضوعي طبعا لم يكتمل , ولن يكتمل الا بمشاركتكم وطرح ارائكم ..
عشان اكون قادر على مواصله طرح اراء جديده بناء على وجهات نظركم المطروحه ..


بالنهايه ..
هذه امثله لقله ان شاء الله من الشباب , وما تمثل الا عدد بسيط فقط ..

واعتذر للبعض لحده طرحي او جراته , ولكن هذا ما تعودت عليه ..


بانتضار ارائكم ..
تحيتي لكم ,,

[نوف الجهني]

بصرآحه

برآسي حُب وابي اطحنه


مدري على حسب مآفهمت واعتذر للجرآه

شخص يريد جسد فتآه

وهالنووع كثييير والعيآذ بالله


بالبدآيه يمثل الحُب ولا شآف البنت خلآص تمكنت من حُبه

يبدآ باللعب على رآسهآ ...




وش سبب خروج هالمقوله من هالشباب ؟

الغزو الفكري والبُعد عن الله
ومُصآحبه أصدقآء السوء

وهل فعلا محتاجين يطحنون حب بعد الزواج ؟

هههههه سُخف وربي
مو محتآج عندك وحده بالحلآل ليه هالحركآت أجهل السبب
وش الحل للشاب بنظركم عشان يبتعد عن مثل هالافعال بعد الزواج ؟
الدُعآء بالهدآيه او ان زوجته تكشفه على حقيقته
وتطلب كرآمتهآ و تطلق حتى لو هُنآك أطفآل فهو دنس كرآمتهآ لكونه عآشر غيرهآ
هل فكره انه عيش عزوبيتك لين تمل منها وتصير تبحث عن الزواج كرغبه منك بالاستقرار صحيحه ؟
اكيد خطآ خلق الله مو لعبه ويوم لك وعشر عليك
لعبت ببنآت النآس عندك خوآت وزوجه وبنآت وفيمآ معنى حديث الرسول عليه الصـلآه والسـلآم * عقآب الزآني بالدُنيآ
انه سيُزنى بجدآر بيته * اي انه عقآبه بالدُنيآ حتى لو اضطر الامر ان يزينهآ ببيتهآ
اغلب الامثله المطروحه كانت لشباب كانوا عقال في مراهقتهم وكان همهم دراستهم وبس ..
ليش كانت الغالبيه منهم برايكم ؟؟
مآفهمت السؤآل ..~!
هل برايكم ان تجارب الشاب قبل الزواج قد تفيده باستقراره بالزواج ؟
اكيد لا بحصل أمرآض والعيآذ بالله
خآصه لو انه صآحب سفريآت ومن هالكلآم اقلهآ الايدز
برايكم توافقوني الراي ان الشاب كل ما كان مكتوم بشبابه كان عرضه للانحراف اذا فتحت له الدنيا ؟


اوآفقك وبقوه التشدد مو كويس وترك الحبل كمآن مو كويس

يعنى الأب المفروض يمسك العصآ من النُص




* ملآحظه *

جآوبت على حسب فهمي للموضوع


ربي يعطيك الف عافيه

مودتي

[мżσση]

انا احس الكلمه مو شرط يكون معناها سيء
بس هي تعبر عن رغبه بالنفس مو شرط تكون سيئه
هذا اللي انا اعرفه

وش سبب خروج هالمقوله من هالشباب ؟
اذا ماخاب ظني من زمان اسمعها مو شي جديد :33:
وهل فعلا محتاجين يطحنون حب بعد الزواج ؟
على حسب نوعها :1:

وش الحل للشاب بنظركم عشان يبتعد عن مثل هالافعال بعد الزواج ؟
!!!!

هل فكره انه عيش عزوبيتك لين تمل منها وتصير تبحث عن الزواج كرغبه منك بالاستقرار صحيحه ؟

يب فيه ما قول كلهم بس كثير ناس
تجيهم فترة جنون ..فلما يطيح جنانه يتزوج

اغلب الامثله المطروحه كانت لشباب كانوا عقال في مراهقتهم وكان همهم دراستهم وبس ..
ليش كانت الغالبيه منهم برايكم ؟؟
اممممم
زي ماقلت فيه فتره تمر تقريبا بأغلب الاشخاص تكون تصرفاته مجنونه شوي ومتهوره
ووبعضهم بعض الدراسه مايكون فيه مجال لهالشي يطلعونه بعدين :mornincoffee:

هل برايكم ان تجارب الشاب قبل الزواج قد تفيده باستقراره بالزواج ؟
ايه في اشياء واشياء:038:
برايكم توافقوني الراي ان الشاب كل ما كان مكتوم بشبابه كان عرضه للانحراف اذا فتحت له الدنيا ؟
مو كلهم هذا يعتمد على الوازع الديني لكل فرد

[00.00.01]

انا سعيد بتفااعلكم للموضوع

[خطاك دمر غلاك]

وش سبب خروج هالمقوله من هالشباب ؟

تقليد لبعضهم واجد نسمعها وجهل بمعنهاوهل فعلا محتاجين يطحنون حب بعد الزواج ؟

لامايحتاج لان الحياه وهمومها بتطحنه خخخخ
وش الحل للشاب بنظركم عشان يبتعد عن مثل هالافعال بعد الزواج ؟

يجب على الشاب أن يقتنع بـ أن الله سهل امووره في أن جعله يكمل نصف دينه ويتزوج لازم يحترم اموور مثل هذي ويهتم في عرضه وبيته

هل فكره انه عيش عزوبيتك لين تمل منها وتصير تبحث عن الزواج كرغبه منك بالاستقرار صحيحه ؟
من لحظة قرر الزواج انبنة المسوليه والله هذا منظور الشباب الحين
اغلب الامثله المطروحه كانت لشباب كانوا عقال في مراهقتهم وكان همهم دراستهم وبس ..
ليش كانت الغالبيه منهم برايكم ؟؟
لاختلاط بشباب لايتحمل المسوليه
هل برايكم ان تجارب الشاب قبل الزواج قد تفيده باستقراره بالزواج ؟


برايكم توافقوني الراي ان الشاب كل ما كان مكتوم بشبابه كان عرضه للانحراف اذا فتحت له الدنيا ؟
على حسب الايمان في قلبه
موضوع شيق يعطيك العافيه

[00.00.01]

الله يعافيك