تبيني اعتذر اسفه بس وش هي الزله..؟

**يغار الحلا** · 11-11-2008, 01:57 AM

تراني كنت متوقعه تصـدق هـرج خلـق الله
ولكن مـا توقعتـك تسولـف بـي لعذالـك !!

تبي تنساني؟ إنساني.. فداك اللي مضـى كلـه
يجوز أحيا من فراقك مدامي ميِته بوصالـك !!

ترى ما يجحد الواقع سوى خـلٍ نسـى خلـه
مثل ما تجحد عيونـي حنيـنٍ حيـل يظمالـك

مع أني عارفه ما أحدٍ يـداوي غيـرك العلـه
أسج بحالي لحالي لجل مـا ينبـري حالـك !!

وأكابر من خطا نفسي وأزيـد الجـرح وأبلـه
وأتحاول في عبث مضحك أدور غير همالـك

حبيبي حتى لو زولي مـن غيابـك فقـد ظلـه
كفاية شمسك اليا اليوم تنسـج حولـي ظلالـك

تبيني اعتذر؟ ( آسفه )،لكن وش هـي الزلـه ؟؟
تبيني أجرحك؟ حاضر أنا همـك وغربالـك

مدام أني سبـب دمـع حزيـن ناظـرك هلـه
فعساني يا بعد عينني اجل ما اطري على بالك !!

وإذا قالوا لك إن قلبي من فراقك نـزف غلـه
قل إن: مابه بلـى عسـى درب السعـد فالـك

وأنـا والله وثـم والله وثـم والله وثــم والله
لاأ سوي ما تبي من شان بـس تحقـق آمالـك

ولكن قبل ما تبعد وتنسـى مـا مضـى كلـه
أمانه بس علمني وش اللـي غيـر أحوالـك !!

مما أعجبني

**يغار الحلا** · 18-11-2008, 02:09 AM

وينكم يا الربع

**عنفوان الاجوديه** · 24-11-2008, 02:18 PM

قصيده اكثر من رائعه ومشهوره بعد

كل الشكر لك حبيبتي

**هيبـة ملڪ** · 29-12-2008, 01:47 AM

وإذا قالوا لك إن قلبي من فراقك نـزف غلـه
قل إن: مابه بلـى عسـى درب السعـد فالـك

وأنـا والله وثـم والله وثـم والله وثــم والله
لاأ سوي ما تبي من شان بـس تحقـق آمالـك

ذووووووق يالغالية يسلموووو ...