•• ولا دريت الا وهـو وســط الحنايا

**بنت ابوها** · 23-11-2010, 08:12 AM

اشهـــد ان الحـظ جـــابه لي هديـّه
•• في زمــانٍ خـانـتــــه كل الهـــدايا

وأشهــد ان الســـالفـه ماهي بديـّه
•• غصـب عني ســـاقني رب البرايا

بالبـدايــــه منه افكاري خليــّــه
•• ولا دريت الا وهـو وســط الحنايا

كنـت اســولف لا عليـــه ولاعليـّه
••ماحسبـت حســاب ذنب ولاخطايا

ماحسبـت حسـاب لاروحــه وجيـّه
•• كان عنـدي يشبـــه لكـل الصبــايا

ليـن ماقلبــي توجـــه لـــه شــويـّه
•• وابتـديت أحـس في وصلــه معايا

وابتديت اشتــــاق لعيــون الشقيـّه
•• لعنبــو هالشــــوق سـوابي سوايا

انتظـر.. وأرجي.. واقول الاجوديـّه
•• وش بلاهــا؟! ولعبـت فـيّ النـوايا

نوب اقول ظـروف وحظـوظٍ رديـّه
•• ونوب اقول ان الثـرى ماهو ثرايا

ونوب اقــول الحـب بعيـون بدويـّه
•• يختلـف مثل اختـــلافـات السجـايا

ونوب اقول الســـالفه ماهي خليـّه
•• غصـب عنهــا ماتعمّـد في شقــايا

وقمـت اجيب اعـذار وافكـارٍ غبيـّه
•• بس يبقـــى للأمـــل فينــي بقـــايا

واكتشفـت اللــي يشـــــابـه للمنيـّه
•• جعــــل تفـــداهـا حيــاتي والمنايا

اكتشفـت انـــه مجــــوّد بالوصـيـّه
•• آآآه من قلـبٍ غـدت فيـه الوصـايا

آآآه من قلـــــبٍ تولّـــــــع بآدمــيـّه
•• فجــرت في داخــله مثل الشظــايا

يا خفــوقي.. قالـوا الخيـــره خفـيّه
•• لاتنـــدم جعلهـــــا ضمـن الخـفـايا

يا خفـوقي كل راعـــي لــه رعـيــّه
••وأنا راعي وانت من ضمن الرعايا

يا خفوقي.. تدري ان عندي حميـّه
ياخفوقي.. إنس.. معسـول الثنايا

لا تصــدق بالزمن يعطــي عطـيـّه
لاتصدق.. ما نبي حتــى العطـــايا

اشهــد ان السـالفه صـارت قضيـّه
وأشهـــد اني كارهن كل القضــايا

وأشهــد ان الوقت ما يهدي هديـّه
في زمـــانٍ خـــانتـــه كل الهــدايا