قصه الطفولة<< الى بيضحك يدخل

[الفيصـل]

السلآم عليكـــــــــــم

كيــــــف الصحــــــه .. مافيــــه كحــــــــه ؟؟

اكيد ماعرفتووني << ذكي

بس صراحه مو لازم تعرفوني لأن التعرّف يولّد المشاكل والمشاكل مالها داااااعي خلونا كذا حلوين

المهم مالنا بالطويلة

في عصر يوم جميل .. والأمطار تسيل .. اكتب لكم المستحيل .. وأشرب النبيذ << وش رايكم اصلح اصير شاعر ؟ خخخخخخخ

لا لا صدز .. في صباح يوم مشرق ولطيف ومع زقزقة العصافير والعالم ذابحهم الشخير .. لأن اليوم الخميس ماعندهم دوامات ..

وانا غارق في احلامي الورديه كانت فتاة احلامي في شبك النياااق النياق تحاصرها مع كل اتجاه وهي تصرخ حبيبي إرعصـــــــــــــه اين انت ؟؟ وتقترب النياق منها اكثر وأكثر وهي تصررررخ لن افقد الأمل فيك ياأيها الجبـــــــان وانا حاط يدي على خصري اناظر فيها بنص عين من ورى الشبك واقول : من الجبان ياهذه ؟ قالت ابي الجبـان ولكن انقذني من هذه الوحوش المفترسه << خكريه من بنات التحليه خخخخ

قلت لها : حسنا حسنا سوف انقذك ولكن بشرط تعطيني بوسه << خبيث قالت انت فاضي للإستهبال طلعني من هناا واعطيك الي تبيه يوم قالت كذا ..

وانا سعابيلي تقوطر خخخخخخ

المهم وانا انقز فوق الحمار الأبيض << رومانسي .. وانطلق مسرعًا حتى وصلت الشبك .. وانا اضرب الحمار بالسوط ابيه ينقز الشبك ولكن لسوء الحظ إن الحمار طلع ملكع .. وهو يسحب الجنط ويوقف واجيك مجاوب في الشبك وتتشقق ملابسي وفتاة احلامي هي والنياق يضحكون .. واناظر فيهم قلت اجل خلي النياق ينفعونك .. قالت والله إن النياق ابرك منك ياجبان << تحطــّـم

وانا اصيــــــح بأعلى صوووتي (( يمـــــــــــــــــــــــــه صحيني ماعاد ابي انااام )) مادريت إلا برفسه لولبيه جايه على بطني اثاريها من امي ..

تقوول قوم قامت قيآمتك تحسب إن النوم على كيفك مره نوميني ومره صحيني .؟ <<عصبيه امي

قلت خلاااص خلااص بقوم قالت هاك ريالين جيب لنا تميس وتعال بسرعه لا تاكل التميس بالطريق < متعوّد يروح يجيب تميس لأهله ويرجع للبيت مامعه إلا قطعه صغيره .. الباقيه من التميس الي اكله بالطريق وقســّـمه على عيال الحاره .. حتى مره اذكر ارسلتني امي اجيب تميس من المخبز .. وانا في الطريق حشروني عرابجة الحاره قالو وين رايح ياحلو .؟ وانا اعصـّـر دموعي ابيها تطلع عشان يرحموني .. قلت جايب تميس لأمي ..
وهم يسطروني وياخذون التميس مني <<رخمــــــــه خخخخ

مالكــــــــم في الطويله

المهم إني اخذت الريالين وطلعت من البيت بقميص النوم ولابس زنوبات الحمام وانتم بكرامه ووجهي معفــّـش < ماغسل الوسخ خخخخ

ويوم طلعت إلا فيه ( بس وبسه ) يعني ( قطو وقطوه ) جالسين تحت جمس ابووي ويسوون حركات وسخه ..
وانا احطي يديني على عيوني واقول ( استغفر الله ) هل وصل فيكم الأمر حتى انكم تمارسون الفاحشة في الشارع ؟؟ ويناظر فيني القطو ابو شنب ..
قال رح وراك لأجي احوسك << ماله هيبه حتى مع الحيوانات رخمـه خخخخ

وتجيني شجاعة ذاك اليوم مدري من وين .. واسحب الزنوبه من رجلي واهفـــّــه وهو ينحاش وانا انبسط واقوم اطرده واحذفه ..
ماخلا ولا حاره مادخلها وانا ورااااه لين دوّخني واروح ادوّر زنوباتي والبسها واروح للمخبز ويوم وصلت المخبز إلا المؤذن يأذن الظهر ..
قال الأفغاني راعي المخبز روخ كمل نوم مافيه تميز قلت الشكوى لله .. والله يعيني على امـــــي

وارجع للبيت حاني الرأس خائف قلبي يقول ( طربق طربق ) واتخيل إن امي ماسكه الصاج التيفال ولا المـــلاس .. وتنتظرني عند باب البيت عشان تسطرني ..
ويوم دخلت مع الباب وانا اتلفـت ادوّر امي اثاريها تصلي .. وانحاااش لغرفة اخوووي ..
وأكتب ورقه واعلقها على الباب مكتب فيها (( فكوني من امي واعطيكم ريالين )) << ريالين حقت امي مو لي << نصااب خخخخخخ

والحمد لله بعد مفاوضات وجلسات ومؤتمرات تدخلت فيها عدد من الوزارات .. تم حل القضيه .. بمقابل محطتين على ظهري .. ولله الحمد

إستنتـــــــــــااااااجآت ...

1 : اذا جاتك فتاة احلامك وانت نايم .. لا تعطيها وجه تثيقل عليها

2 : اذا نمت لا تخلي امك تصـــحيك .. عشان ما تتهزء في صباح يوم جميل

3 : اذا ارســــلتك امك للـــــــمخبز .. روح بسرعه عشان ماتاخذ محطتين

4 : صيــــــــــــــر ( كلـــــــــــــــــب ) .. يخاف منك ( القطـــــــــــو ) خخخخ

5: يآويل الى أشوفه يدخل الموضوع ومايرد ..

ــــــــــــــــــــــــــــــــــــــــ
يلااااااا قووووط باااي
ــــــــــــــــــــــــــــــــــــــــ